शक्ति काम 24:14 - जिरेल14 दि बातज्यीकचेन ङा लेमु खाला सिरा थुप्क्यो। च्यि सासीन ङाचेन दिबेकी ईनराङ मेन्दे बात ईन सिन साबाते येशू बात ङेन्गीन थे छ्य्वापा लै खाईन ङेराङ ज्युज्यु पुर्खेकी माने खाबाते परमेश्वरला माने खिओ। परमेश्वर नियमला टिबाते थेमे परमेश्वर बात खित्कान्तेबेकी टिबाते बातओनोङ ङा गाङे ङेन्ग्यो। အခန်းကိုကြည့်ပါ။ |
शक्ति काम 24:14
44 ပူးပေါင်းရင်းမြစ်များ
ज्येन बात च्यि सासीन गोमाचेन मोशेकी टिबाते परमेश्वर नियम थेमे परमेश्वर बात खित्कान्तेबेकी साबाते बातकामा ओतान। बप्तिस्मा तेरकान्ते यूहन्ने पालोसाकराङ दि बातओनकामा मिओनला लोप्कीन ओतान। यूहन्ने पालोमेईचेन परमेश्वर राज्य गा लाङच्येते बात मिओनला लोपाला स्यूबाते ईन। थेमे थे राज्यदु लेमु ओङगो सिन गाङेराङ जबरजस्ती थेने स्यूक्पा छोल्गीदुक।
थेमे थेरू मिज्यीगी परमेश्वर नियमला टिबाते थेमे परमेश्वर बात खित्कान्तेबेकी टिबाते बात गाङेकी थोच्या खाईन पढे खासुङ। थे बाततेबा पढे खाईन सिन्नामेकी थे मिटिङ खित्च्येते खाम्बे छ्ये छ्ये मिकी आज्यो न्वावे, ख्योकोनला खइँदा लेमु बात सिरा सेम लाबा ओत्सीन थे बात दुरू जम्मा ओङाते मिओनला खि सिन मिज्यीकला पावलताङ बारनाबास देत्सादु ताङसुङ।
तर कोई कोईकीचेन थेकी लोप्च्येते येशू बात बान्दा माङेन्सुङ। मि गाङे दोन्दु थेबेकी दिकी लोप्च्येते बात सत्यते ईनराङ मेन, दि बात ङेन्दा मेङगो सिन सासुङ। थेबेकी थोक खानामेई थरिङमेई ङा दुरू लोपराङ मोलोबो सिन पावल थेरू येशू चेलाओनला टीकीन थे मिटिङ खित्च्येते खाम्बा ताङगीन गाल्सुङ। थेमे टिरान्नस सिराते मि स्कूलपा गाल्गीन थेरू जम्मा ओङाते मिओनला ङीमे ठाङमा येशू बात लाप्सुङ।
थेमे थेबेकी लोक्ला थे बात ङेन्दाला दि छोमु ओङगो सिन दिनगी टुङ्गो खासुङ। थेमे थे छोमु यहूदीओन झन काल्बेई पावल ओत्सादु जम्मा ओङसुङ। थेमे थेकी थेबाताङ च्याक ङोमुमेकी ग्वासेसाकराङ बात खिन परमेश्वर राज्य बात लाप्कीन बिन्सुङ। थोक खित्जीन थेकी मोशेकी टिबाते परमेश्वर नियमला थेमे परमेश्वर बात खित्कान्तेबेकी ख्रीष्टकी विषयला टिबाते बात लोप्कीन थेबेकी टिबाते होथे बातओन येशूकी पूरो खासुङ सिन थेबाला लेमु खाईन लाप्कीन बिन्सुङ।
बात चुक ईन्दे सासीन थरिङ दि अचम्बते काम खित च्युत्कीन ङुरूङ ज्युज्यु पुर्खा अब्राहाम, इसहाकताङ याकूबकी माने खाबाते परमेश्वरगी थे खोरोङ काम खित्कान्ते येशूताङ चुक छ्येज्यीक शक्ति ओते सिन छ्या स्ये च्युत्कीन बिन्दाते ईन। येशूला सेता फाप्क्यो सिन ख्योकोनगीचेन ज्येन जातकी मिओन लाःक्तु सोम्पे खासुङ। थेमे रोमी गेल्बो हाकिम पिलातसकी थेते छ्याःङ गल्ती मिन्दुक सिन तोङा छोल्जीनोङ ख्योकोनगी थेला मातोङ, थेलाचेन सेताराङ फाप्क्यो सिन साकीन
थेकी दमस्कस सारनापा गाल्ला थेपा येशू बात ङेन्गीन थे छ्य्वापा लै खाबाते मि गाङेला चाल्ला ख्योओ मि, फेम्मे मि गाङेला जुम्ला यरूशलेमपा खुलाङच्ये विचार खासुङ। थोगी थेकी गाङे भन्दा छ्येते पूजारी ओत्सादु गाल्गीन दमस्कसदु ओताते यहूदीओनते मिटिङ खित्च्येते खाम्बा खाम्बे छ्येते मिला थेला थोक खिताला मद्धत बिन सि सिन चिट्ठी टिकीन नाङ खासुङ।
थेबे सेमगी नाङ ओताते ख्रीष्टकी आत्मेकी ख्रीष्टकी देमा वाला दुक्पा भोगे खाला स्या फाप्च्येते थेमे थे दुक्पा भोगे खाईन सिन्नामेई परमेश्वरगी थेला छ्येज्यीक मान तेरच्येते बात थेबाला छ्या स्ये च्युत्नामेई था च्यि बेलाला चुक चुक ओङजीन परमेश्वरगी थोक खिताका सिन थेबेकी छ्या स्येबा चाला ओतान।
थेकी थोक सानामेई से खिताप सिन ङा थे दूतकी काम्बादु गुर्बु खिता खाबा ओतान। तर थेकी ङाला “खुई ङाला दोक खाला परमेश्वरला च्योक खाला से माकेत। येशू सु ईन्दे, थेकी च्यि खिते सिन लोप्कान्ते खोत्ताङ खुई आज्यो न्वाओन च्योकराङ ङाङ परमेश्वर काम खित्कान्तेकामा ईन। थोगी परमेश्वरलाकामा छ्ये जो। येशू सु ईन्दे, थेकी च्यि खिते सिन लोप्च्येतेचेन परमेश्वर आत्मे छ्य्वापेई खित्च्येते ईन,” सिन सिदुक।
ကြော်ငြာတွေ