शक्ति काम 23:35 - जिरेल

³⁵ थेमे थे हाकिमगी थेला “था खोल्‍ला उजूर खित्‍कान्‍ते मिओन वानामेकीकामा खुई बयान लिन्‍ग्‍यो,” सिन साकीन थेला हेरोद गेल्‍बो दरवारदु खेरला फ्रोबा मुथुप्‍च्‍या खाला स्‍योक सिन थे खोरोङ मिल्‍टेरीओनला कोत्‍सुङ।

शक्ति काम 23:35 ပူးပေါင်းရင်းမြစ်များ

मत्ती 2:1

येशू यहूदिये अञ्‍चलते बेथलेहेम सिरसादु केबा ओतान। थेजीन थे अञ्‍चलदु हेरोद गेल्‍बो राज्‍य खिन ओतान। येशू केनामेकी टिक्‍पी तिरी च्‍यि ओङसुङा सासीन पूर्वे छ्य्‌वापे लुङबे नाङपेई कोई कोई ज्‍योतिषी यहूदिये अञ्‍चल यरूशलेम सारदु लेप्‍सुङ।

मत्ती 2:16

थेमे थे खोरोङला सिसा साबाते बात छ्याःङ मिसिरा खाईन ज्‍योतिषीओन खोपरोङ लुङबापा ग्‍युरगीन गालाते बात छ्या स्‍येनामेई हेरोद गेल्‍बोला स्‍येदाङगी मे बारसुङ। दोक ओङनामेकी थेकी थे फिजाला मासेताला मेङगो सिन बेथलेहेमताङ थे फेरोला ओताते युलगी नाङला लो ङि छाङातेताङ थे चावादु ख्‍योओ फिजाबरी गाङे सेत च्‍युत्‍सुङ। ज्‍योतिषीओनगी येशू केबाते छ्या स्‍ये ज्‍युत्‍च्‍येते कार्मा थेन्‍दाते समय गोमाका थेला लाःप्‍कीन बिन्‍दा ओतेकी हेरोद गेल्‍बोकी येशूचेन कि लो ङिकी नाङ कि थे चावादु ओङा फाप्‍क्‍यो सिन थोक खाईन थे फिजाओन सेत च्‍युता ओतान।

मत्ती 2:3

थे खोरोङ राज्‍यदु गेल्‍बो ओङाला फिजाज्‍यीक केबा ओत सिन थोनामेई हेरोद गेल्‍बो सेमला ठङगे स्‍यूसुङ। थेमे थेत्ताङ यरूशलेम मि गाङेराङ ज्‍यीबेकी थरावरी गाल्‍सुङ।

मत्ती 27:27

थेमे थे रोमी गेल्‍बो हाकिम मिल्‍टेरीओनगी थेरूकी येशूला रोमी गेल्‍बो हाकिम पिलातस खाम्‍बादु खेरसुङ। थे खाम्‍बाला प्रेटोरियम सिन ओतान। थेमे थेरू ओताते ज्‍येन मिल्‍टेरीओनलाङ गाङेला थेरू जम्‍मा खासुङ।

यूहन्‍ना 18:28

थेमे थेबेकी येशूला कैयाफे खाम्‍बादुकी रोमी गेल्‍बो हाकिम खाम्‍बापा खेरसुङ। थेजीन नाम लाङा लाङा खाबा ओतान। निस्‍तार चाड लेपा ओतेकी थे भोज साप्‍ला खोपरोङ बिटुले मिक्‍किस्‍यीत सिन थे खाम्‍बे नाङने मुस्‍यूक्‍पा खाईन यहूदीओन स्‍याङकामाराङ देत्‍सुङ।

शक्ति काम 23:30

थेबेकी थोरूमोङ दिला सेता चाल्‍ला दुक सिन थोबेकी ङे दिला हजूर खो ओत्‍सापा केल ताङा ओत। थेमे दिला उजूर खित्‍कान्‍ते मिओनलाङ हजूर ओत्‍सापाराङ गाल्‍ला बयान खि सिन साबा ओत,” सिन टिबा ओतान।

शक्ति काम 24:1

ङीमा ङा तिरी गाङे भन्‍दा छ्येते पूजारी हननिया सिजरियापा गाल्‍सुङ। थेकी यहूदीओन छ्ये छ्ये मि नाङ कोई कोईला थेमे तर्तुल्‍लस सिराते वकीलज्‍यीकला थे खोरोङताङ टीकीन खेरसुङ। थेबाबरी थेरू लेप्‍नामेकी हाकिम ओत्‍सादु गाल्‍गीन पावलगी दोक दोक मेलेबा खासुङ सिन बात खासुङ।

शक्ति काम 24:10

तर्तुल्‍लसकी बात खाईन सिन्‍नामेई हाकिमगी पावलला बात खि सिन थेतेङ बयान लासुङ। थेमे पावलगी “हजूर, खुई दि लुङबादु राज्‍य खिताला स्‍यूबाते आदोराङ गालेकी दि लुङबे मि बाततेबा लेमु खाला छ्याराङ ओत। थोगी हजूर खुई दोन्‍दु ङा छ्याःङ ज्‍यीबा मिक्‍किता खाला बात खिता थुप्‍क्‍यो।

शक्ति काम 24:22

येशू बातओन चुक्‍ते बात ईन्‍दे सिन थेला लेमुराङ खाला छ्या ओतेकी पावलगी बात खाईन सिन्‍नामेई हाकिम फेलिक्‍सकी “थरिङ बात दोस्‍यिकराङ ईन। दि मुद्धे फैसलाचेन था ङा मिल्‍टेरी छ्येते मि लायसिअस दुरू वानामेकीकामा खाला तेरग्‍यो,” सिन टारे खाईन थेबाला थेरूई ताङसुङ।

शक्ति काम 24:23

थेमे थेकी मिल्‍टेरी क्‍याप्‍टेनला “दिला फ्रोबा मुथुप्‍च्‍या खाला लेमु खाला स्‍योक, छ्याःङ दुक्‍पाङ मातेर। थेमे दिला गोच्‍येते केल ओङकान्‍ते र्‍वातेबाला रोके माकेत,” सिन कोत्‍सुङ।

शक्ति काम 25:16

थेबेकी थोक खित्‍जीन ङे थेबाला सुइँदा मिकी पक्‍काराङ गल्‍ती खाबाते ईन सिन छ्याराङ मास्‍येबाला थेला सजाय तेरा रोमी गेल्‍बो नियम कानूनताङ मिडिगो। ज्‍येनगी दोषी ईन साबाते मिकी थोक सिरकान्‍ते मिओन दोन्‍दुराङ अड्डादु थे खोरोङ बयान माबिनथुप थे मि न्‍याय खिता मेङेदो सिन साबाप।