शक्ति काम 22:30 - जिरेल

³⁰ थेमे यहूदीओन च्‍यिला पावलताङ थोक खाईन स्‍येदाङ खाबाते ईन्‍दाका सिन छ्या स्‍येबाला ङारो च्‍योक्‍ते थे मिल्‍टेरी छ्येते मिकी किल्‍सादुकी थेला तेन्‍सुङ। थेमे छ्ये छ्ये पूजारी, धर्मे गुरूओन थेमे यहूदीओनते ज्‍येनोङ छ्ये छ्ये मि गाङेराङ रूला छलफल खित ज्‍युत्‍च्‍या सिन थेबाबरीला कातोङ ताङगीन थेला थेबा गाङे रूसादु क्‍याल्‍सुङ।

शक्ति काम 22:30 ပူးပေါင်းရင်းမြစ်များ

मत्ती 10:17

मिओनताङ ख्‍योकोन च्‍याङबो खाला देत। थेबेकी ख्‍योकोनला जुम्‍ला मिटिङ खित्‍च्‍येते अड्डे छ्ये छ्ये मि दोन्‍दु केल्‍ग्‍यो। थेरू क्‍याल्‍ला ख्‍योकोनला दुङगो।

मत्ती 27:2

थेमे थेला ठाकीन रोमी गेल्‍बो हाकिम पिलातस ओत्‍सादु खेरगीन थे लाःक्‍तु सोम्‍पे खासुङ।

मत्ती 5:22

ङाचेन ख्‍योकोनला च्‍यि सिते सासीन सुइँदा दाक्‍पोन आज्‍यो न्‍वाताङ स्‍येदाङ खासुङ सासीनकामाङ थेलाङ सजाय तेरा फाप्‍क्‍यो। थेमे आज्‍यो न्‍वाला खो ङ्येबे ङ्येस्‍यु सिन सिरकान्‍ते मिला सजाय बिन सिन छ्ये छ्ये मि रूसादु खेरा फाप्‍क्‍यो। थेमे आज्‍यो न्‍वाला खोनी ठुङराङ माठुङसीन ओङच्‍या ओतान सिन सिरकान्‍ते मिनी झन सजाय ङेत्‍ला नरककुण्‍डमा मे नाङराङ स्‍यूइओ।

शक्ति काम 21:11

ङ्योकोनताङ ठेत्‍नामेकी थेकी पावलगी च्‍यिबाते काराककी थे खोरोङ लाक्‍पा काम्‍बा ठाकीन “थाल्‍ला ङे लाक्‍पा काम्‍बा ठाबाते काराक जसकीते ईन थेला यरूशलेमदु यहूदीओनगी दोकराङ खाला जुम्‍ला ठाला ज्‍येन ज्‍येन जातकी मि लाःक्‍तु सोम्‍पे खिओ, दि परमेश्‍वर आत्‍मेकी साबाते बात ईन,” सिन सिदुक।

शक्ति काम 21:33

थेमे थे छ्येते मिकी “दि मिला जुम्‍ला लाक्‍पा ङिकारला नेल कोन,” सिन पावलला जिन च्‍युत्‍कीन थेरू मिओनला “दि मि सु ईन्‍दे? दिकी च्‍यि खासुङा?” सिन ठिसुङ।

शक्ति काम 22:5

ङे थोक खाबा ओतान सिन गाङे भन्‍दा छ्येते पूजारी, धर्मे गुरूओन थेमे ज्‍येन छ्ये छ्ये मि गाङेकी सिरा थुप्‍क्‍यो। थेबेकीराङ ङाला दमस्‍कस सारदु येशूला विश्‍वास खित्‍कान्‍तेबाला जुम्‍ला सजाय तेराला दुरू खुलाङ छ्युत सिन दमस्‍कसपे यहूदी छ्ये छ्ये मिला चिट्ठी टिकीन बिन्‍गीन ताङा ओतान।

शक्ति काम 23:1

थोक खाईन यहूदीओन छ्ये छ्ये मि गाङे दोन्‍दु क्‍याल्‍नामेकी छ्याःङ ज्‍यीबाराङ मिक्‍किता खाईन थेबा ओत्‍सापाला ताकीन पावलगी “आज्‍यो न्‍वावे, परमेश्‍वरते छ्याःङ विरोध मिक्‍किता खाईन ङे जुनी खाङ थेला लेमु खाईन माने खाबा ओत,” सिन बात खिताला स्‍यूसुङ।

शक्ति काम 23:15

थोगी थेकी च्‍यि च्‍यि मेलेबा खाला दुका सिन लेमु खाला छ्या स्‍येबा फाप्‍सुङ सिरजुम खाला ख्‍योकोन थेमे यहूदीओनते ज्‍येनोङ छ्ये छ्ये मि गाङेराङ रूसादु थेला थोङ सिन थे मिल्‍टेरी छ्येते मिला बिन्‍ती खि। ताङनामेई ङ्योकोन थेला लामला ओङगीन ओङगीनलाराङ सेत्‍ला क्‍युरग्‍यो,” सिन सिदुक।

शक्ति काम 23:20

थेमे थेकी “हजूर, कोई कोई यहूदीकी डिगीन आज्‍याङ पावलगी च्‍यि च्‍यि गल्‍ती खाका लेमु खाला ठिच्‍ये निउँ खाला ङारो थेला छ्ये छ्ये मि गाङेराङ रूसादु थोङ सिन हजूर खोल्‍ला बिन्‍ती खिताला मिओन तोङच्‍ये ठो खाला दुक।

शक्ति काम 23:28

थेमे दिकी च्‍यि मेलेबा खाका सिन छ्या स्‍येबाला ङे दिला छ्ये छ्ये पूजारी, धर्मे गुरूओन थेमे यहूदीओनते ज्‍येनोङ छ्ये छ्ये मि गाङेराङ जम्‍मा ओङसादु बात ठिर खेराप।

शक्ति काम 23:6

थेरू जम्‍मा ओङाते यहूदीओन छ्ये छ्ये मि नाङ कोई सदुकी पाटी मि, कोईचेन फरिसी पाटी मि ओतान। थेरू पाटी ङि मि ओताते बात छ्या स्‍येकीन पावलगी गाङेकी थोच्‍या खाईन “आज्‍यो न्‍वावे, ङाङ फरिसी पाटी मि ईन। ङे आबाबा गोप्‍पोबाङ फरिसी पाटी मिराङ ओतान। ङा परमेश्‍वरगी स्‍याप्‍ते मिला तिरी सोम्‍बो लोइओ सिन पत्ते खित्‍कान्‍ते मि ईन्‍देकीराङ ङाला मुद्धा चले खाईन दोक खाईन थरिङ ख्‍योकोन गाङे दोन्‍दु खुलाबाते ईन,” सिन सिदुक।

शक्ति काम 26:29

थेमे पावलगी “बात जस्‍तो ईन्‍सीनोङ होत्ता ईन्‍स्‍यीत तिरीकामा ईन्‍स्‍यीत थरिङ दुरू दि बातओन थोकान्‍तेबा सरकार खो थेमे ज्‍येन दुरू ओतातेबरी गाङेराङ ङा च्‍योकराङ येशूला विश्‍वास खित्‍कान ओङस्‍यीत सिन ङा परमेश्‍वरला प्रार्थना खिओ। तर ङे च्‍योक खाला ख्‍योकोनगीचेन नेल खोन्‍दा माफाप्‍स्‍यीत,” सिन सिदुक।

शक्ति काम 5:21

थेमे थेबाङ ङारो च्‍योक्‍ते ङोमुका मन्‍दिरपा गाल्‍गीन थे दूतकी साबा च्‍योकराङ खाईन मिओनला लोपाला स्‍यूसुङ। थेमे गाङे भन्‍दा छ्येते पूजारीताङ थे र्‍वाओनगी छ्ये छ्ये पूजारी, धर्मे गुरूओन थेमे ज्‍येनोङ छ्ये छ्ये मि गाङेला काताङसुङ। दोक खाईन थेबेकी इस्राएलीओन छ्ये छ्ये मि गाङेला जम्‍मा खासुङ। थेमे थेबेकी येशू ख्रीष्‍टकी खटे खाबाते मिओनला खोपरोङ दोन्‍दु खोरच्‍योक सिन पुलिसओनला जेलदु ताङसुङ।