शक्ति काम 22:25 - जिरेल

²⁵ थेमे मिल्‍टेरीओनगी पावलला नाङने खेरगीन ठाकीन कोर्रा लै खिताला ठिक्‍क खित्‍जीन थेकी थेबे क्‍याप्‍टेनला “च्‍यि रोमी नागरिकला कोर्रा लै खिता ङेत्‍क्‍यो? थोरूम बयानराङ मालाबाला ङाला चुक खाला दोक खिता ङेत्‍कीते?” सिन सिरजीन

शक्ति काम 22:25 ပူးပေါင်းရင်းမြစ်များ

मत्ती 10:17

मिओनताङ ख्‍योकोन च्‍याङबो खाला देत। थेबेकी ख्‍योकोनला जुम्‍ला मिटिङ खित्‍च्‍येते अड्डे छ्ये छ्ये मि दोन्‍दु केल्‍ग्‍यो। थेरू क्‍याल्‍ला ख्‍योकोनला दुङगो।

मत्ती 27:54

येशू स्‍यिजीनसाक थेला स्‍युङाला देत्‍कान्‍ते मिल्‍टेरी क्‍याप्‍टेनताङ मिल्‍टेरीओनगी सेदेर्मु गालाते थेमे थेरू ओङाते ज्‍येन ज्‍येनोङ बात थोङगीन आते खिन “दिनी साँच्‍चीराङ परमेश्‍वर फुज्‍युङराङ दुका,” सिन सिदुक।

मत्ती 8:8

थोक सिरजीन थेकी “मेन मेन प्रभु, खो च्‍योक्‍ते छ्ये मि ङा च्‍योक्‍ते मि खाम्‍बादु ड्वा सोई मिक्‍किओ। प्रभु खुई थे ठाक्‍स्‍यीत सिनकामा साला नाङ। थोस्‍यिक सानामेई थे दाक ठाइओ।

शक्ति काम 10:1

सिजरियादु कर्नेलियस सिराज्‍यीक मि ओतान। थे इटाली सिराते पल्‍टनते क्‍याप्‍टेन ओतान।

शक्ति काम 16:37

थोक सिरजीन पावलगी थे लोन खुलाङकान्‍ते मिओनला “ङ्योकोन रोमी नागरिक ईन। रोमी नागरिकला डन्‍डीकी दुङा मेङेदो सिरा ओत्‍सीनोङ सारगी छ्ये छ्ये मिकी ङ्योकोनला जुम्‍गीन छ्याःङ बयान मिलिन्‍दा खाईन मि गाङे ङोन्‍दु डन्‍डीकी दुकीन जेलला लुक्‍सुङ। ङ्योकोनला बिनाकारणला थोक खाबेकी था थेबेकी ग्‍युक सिरजीन ङ्योकोन खाराक्‍पा थेन्‍ला मोन्‍डोओ। थेबा खोपरोङराङ वाला ङ्योकोनला दुरूकी तेन्‍ला तोङा फाप्‍क्‍यो। थोक माक्‍याथुपनी ङ्योकोन थेन्‍ला डोराङ मोन्‍डो,” सिन सिदुक।

शक्ति काम 22:26

थे क्‍याप्‍टेनगी थे मिल्‍टेरी छ्येते मि ओत्‍सापा गाल्‍गीन “हजूर, थेनी रोमी नागरिकका ईनलो। हजूर खुई दोक च्‍यि खि साबे?” सिन सिदुक।

शक्ति काम 23:17

थे बात थोनामेकी थेकी मिल्‍टेरी क्‍याप्‍टेनज्‍यीकला काताङगीन च्‍याकीन “दिला ख्‍योकोनते छ्येते मि ओत्‍सादु क्‍याल्‍ला बिन। दिते थेत्ताङ बात खिता फाप्‍च्‍या ओत्‍लो,” सिन सिदुक।

शक्ति काम 23:27

बात च्‍यि सासीन दि मिला खरचिङ यहूदीओनगी जुम्‍गीन दुकीन सेता खाबा ओतान। तर दि रोमी नागरिक दुका सिन छ्या स्‍येकीन ङे ङाराङ मिल्‍टेरीओन खेरगीन दिला थेबे लाःक्‍तुकी ठ्वाकीन खुलाबाप।

शक्ति काम 25:16

थेबेकी थोक खित्‍जीन ङे थेबाला सुइँदा मिकी पक्‍काराङ गल्‍ती खाबाते ईन सिन छ्याराङ मास्‍येबाला थेला सजाय तेरा रोमी गेल्‍बो नियम कानूनताङ मिडिगो। ज्‍येनगी दोषी ईन साबाते मिकी थोक सिरकान्‍ते मिओन दोन्‍दुराङ अड्डादु थे खोरोङ बयान माबिनथुप थे मि न्‍याय खिता मेङेदो सिन साबाप।

शक्ति काम 27:1

थेरूई ङ्योकोनला इटाली लुङबापा तोङच्‍ये टुङ्गो ओङसुङ। थोक ओङनामेई थेपा खेराला पावल थेमे ज्‍येनोङ कोई कोई कैदीला मिल्‍टेरी क्‍याप्‍टेन युलियस सिराते जिम्‍मा लै खासुङ। थे क्‍याप्‍टेनचेन अगस्‍टस सिराते पल्‍टन मि ओतान।

शक्ति काम 27:3

थेरूई पानीजहाज चले खानामेई ङारो च्‍योक्‍ते ङ्योकोन सीदोन सिरसादु लेप्‍सुङ। थेमे थे क्‍याप्‍टेनगी थेरू पावल र्‍वातेबेकी थेला गोच्‍येतेबा तेरा ङेत्‍स्‍यीत सिन थेबाला ठेता खित ताङगीन लेमु खासुङ।

शक्ति काम 27:43

तर मिल्‍टेरी क्‍याप्‍टेनगी पावलला सेता मेङगो सिन कैदीज्‍यीकलाङ सेत माच्‍युत्‍सुङ। बरू थेकी गाङेला “लो पौडे खिता थुप्‍कान्‍तेबा पौडे खाला पाङनापा थेन।