शक्ति काम 22:16 - जिरेल16 थोगी खुई था छ्याःङ अलमल मिक्किता खाला येशूला प्रभु सिन प्रार्थना खाला बप्तिस्मा लोङ। थेमे खोरोङगी थातासाक खाबाते पापतेबा गाङे परमेश्वरला माफ नाङ सि। दोक खानामेई थेकी खोल्ला माफ तेरग्यो,’ सिन सिदुक। အခန်းကိုကြည့်ပါ။ |
शक्ति काम 22:16
19 ပူးပေါင်းရင်းမြစ်များ
ङा दि चिट्ठी कोरिन्थ सारदु जम्मा ओङकान्ते परमेश्वर मिओन ख्योकोनला टिगीन ओत। येशू ख्रीष्टकी खित्सादु परमेश्वरगी ख्योकोन सेम खुदुक जोकीन थे खोरोङ सन्तान ईन सिन छाने खाबा ओत। दुरू टिबाते बातचेन ख्योकोन च्योकराङ प्रभु येशू ख्रीष्टला प्रभु सिन सिरकान्ते गाङेपे मिलाङ ईन। येशू ख्रीष्टचेन थेबेतेङ ङुरूङतेङ मालिक ईन।
ङुरूङला पापकी सजायदुकी टाल्सुङ। थेकी थोक खाबाते ङुरूङगी थेकी खि साबा साबाच्योक खाबेकी खित्सादु मेन। ङुरूङला आउदी खाला ङिङज्ये खितेकी खित्सादुकामा थेकी थोक खाबाते ईन। थेकी ङुरूङला ठु खाईन चोके खाबाच्योक खाईन परमेश्वर आत्मे छ्य्वापेकी लोईन केर च्युताच्योक खाईन साम्बाते जुनी बिन्गीन खुदुक जोसुङ।
बात दोक दोक ईन्देकी छ्याःङ शंका मिक्किता खाला परमेश्वरला विश्वास खिन सेमदु पाप सिराते छ्याःङ मोज्योबा खाला ङुरूङ थे दोन्दु ड्वा फाप्क्यो। च्यिला सासीन येशू ख्रीष्टकी खाबाते कामगी खित्सादु ङुरूङ पाप गाङे माफ ओङेकी था ईन्सीन ङे पाप पूरो खाईन माफ ओङसुङ सिन ङुरूङ ढुक्क खाला देता थुप्च्या ओङा ओत। थेमे चङगेते छ्युईकी ठु खाईन चोके खाबाते मि ओङा ओत।
थे भलदुकी थोक खाईन नूहताङ थे मिओन सोन्दाते बातचेन थरिङोला परमेश्वरगी मिला पापदुकी डेल्च्येते बप्तिस्मा तेरच्येते बातताङ डिइओ। चुक खाला सासीन छ्युला लुक्ला बप्तिस्मा तेरच्येते काम ठु खाला जीउकी ङेक्च्युक क्युरच्येते च्योक मेन। बप्तिस्मा लिन्कान्ते मिकीनी परमेश्वरगी ङाला पापदुकी टाल्ला ङे सेम लेमु जोरस्यीत सिन बप्तिस्मा लिन्च्येते ईन। परमेश्वरगी थोक्ते मिला पापदुकी डेल्च्येतेचेन येशू ख्रीष्ट सोम्बो लोक्पा ओतेकीराङ ईन।
ကြော်ငြာတွေ