शक्ति काम 21:37 - जिरेल

³⁷ थोक खाला नाङने लुबा खित्‍जीन पावलगी थे मिल्‍टेरी छ्येते मिला “हजूर, ङा खइँदा बात खिता थुप्‍क्‍यो?” सिन सासुङ। थेकी ग्रीक भाषाला थोक सिरजीन थे छ्येते मि छक्‍क परे खिन “खोनी ग्रीक बादोङ खिता थुप्‍च्‍याक्‍वा।

शक्ति काम 21:37 ပူးပေါင်းရင်းမြစ်များ

लूका 21:15

च्‍यिला सासीन थेजीन ङा ङाराङराङ ख्‍योकोनला चुक सिन बात खित्‍च्‍ये सिन बुद्धि तेरग्‍यो। थोक ओङनामेकी ख्‍योकोन विरोध खित्‍कान्‍तेबा सुङगीङ ख्‍योकोन बातला मेन सिरा मुथुबो, ख्‍योकोन बात साँचो मेन सिन थेबेकी छ्याःङ कारण तेरा मुथुबो।

शक्ति काम 19:30

र्‍वातेबाला थोक खानामेकी पावल थेरू ड्वा चाल्‍सुङ। तर थेरू येशू चेलाओनगी थे मिओन दोन्‍दु थाल्‍ला ड्वा मेङगो सिन थेला थेपा ताङराङ माताङसुङ।

शक्ति काम 21:19

थेबा गाङेला ठेत्‍नामेई पावलगी थे खोरोङगी येशू बात लोप्‍जीन थे छ्य्‌वापेई परमेश्‍वरगी ज्‍येन ज्‍येन जातकी मिला चुक लेमु खासुङा सिन बातज्‍यीगोङ बाँकी मोज्‍योबा खाईन लाःप्‍सुङ।

शक्ति काम 21:34

थोक सिन ठिजीन थे मिओनगी दोक्‍पोईकी बातज्‍यीक ज्‍येनज्‍यीगी बातज्‍यीक खिन छेरा खासुङ। थोक ओङजीन थे छ्येते मिकी पावलला च्‍यिला थोक खाईन दुबाते ईन्‍दाका सिन छ्याःङ छ्या मास्‍येसुङ। थोगी थेकी मिल्‍टेरीओनला “दिला ब्‍यारेक नाङने खेर,” सिन कोत्‍सुङ।

शक्ति काम 22:24

याङराङ थोक ओङजीन थे मिल्‍टेरी छ्येते मिकी “दि मिला छिटो नाङने खेर। थेमे दि मिओन दित्ताङ च्‍यिला दोक खाईन स्‍येदाङ खाबाते ईन्‍दे सिन कोर्रा लै खाला बात ठि,” सिन कोत्‍सुङ।

शक्ति काम 23:10

थेबेकी थोक सानामेईनी थेबा झन जीङा जीङाराङ खिताला स्‍यूसुङ। थेरू थोक हल्‍ला खल्‍ला ओङा थोकीन थेबा जीला पावलला सेत्‍कीता सिन ज्‍यीबेकी थे मिल्‍टेरी छ्येते मिकी “मिमा गाल्‍ला थे मिला छिटो याङराङ देने लाला खोरच्‍योक,” सिन मिल्‍टेरीओनला लिन ताङसुङ।

शक्ति काम 23:16

थेबेकी थोक खाईन ठो खाईन पावलला सेता चालाते बात थे भानिजतेकी थोसुङ। थेमे थेकी ब्‍यारेकपा गाल्‍गीन पावलला थे बात लाःप्‍सुङ।