शक्ति काम 20:32 - जिरेल32 था ङा ख्योकोन गाङेला परमेश्वर लाःक्तुराङ सोम्पे खिओ। थेमे थेकी दया खिओ सिन छ्या स्येच्येते गा लाङच्येते बात ङेन्गीन देत सिनोङ सिओ। दोक खिन देत्सीन ख्योकोनगी प्रभु येशूला झन लेमु खाला विश्वास खिता थुप्क्यो। थेमे परमेश्वरगी सेम खुदुक जोबाते मि गाङेला तिरी तेरग्यो साबाते जति गाङे ख्योकोनलाङ तेरग्यो। အခန်းကိုကြည့်ပါ။ |
शक्ति काम 20:32
37 ပူးပေါင်းရင်းမြစ်များ
थेरूकीचेन पानीजहाजला जेकीन सिरिये लुङबे एन्टिओखिया सारनापा ग्युरगीन गाल्सुङ। थेबा ङिबो गोमा गाङेपा गा लाङच्येते बात लोप डोजीन थे सारदु ओताते येशू ख्रीष्ट मिओनगीराङ परमेश्वरगी थेबाला दया खाला आशी तेरस्यीत सिन ताङा ओतान। थोक खाईन थेबा ङिबो खोपरोङगी खिता फाप्च्येते काम पूरो खाईन लोईन थेरू ग्युरगीन लेपा ओतान।
थेबा पापताङ लोभदुकी ठाल्ला परमेश्वर नाम्दाकला देता ङेत्स्यीत, दोक खाला शैतान लाःक्तुकी ठोल्ला परमेश्वर छ्य्वापा लै खित्स्यीत सिन खुई थेबाला ङे बात छ्या स्येबा खाला तेरा फाप्क्यो। थेमे थेबेकी ङाला विश्वास खानामेई परमेश्वरगी थेबे पाप गाङे माफ तेरग्यो। थेमे परमेश्वरगी सेम खुदुक जोबाते मि ज्येनतेबेकी ङेत्च्येते जति गाङे थेबेकीङ ङेत्क्यो,’ सिन सिरा थोसुङ।
थे तिरी यहूदिया, गालील थेमे सामरिये अञ्चल नाङला ठाउँ ठाउँला जम्मा ओङकान्ते येशू ख्रीष्ट मि गाङेला लेमु ओङसुङ। था थेबाला सुङगीङ दुक्पा तेरगीन मेतान। प्रभु येशूला मन परे मिक्किच्येते छ्याःङ खिता मेङगो सिन ज्यीबा खिन थेबेकी झन झन लेमु खाईन थेला विश्वास खिताला स्यूसुङ। परमेश्वर आत्मेकी थेबाला आँट बिन्सुङ। दोक खाईन थेबा झन झन फेल्गीन ड्वाप्ला स्यूसुङ।
थे फुज्युङ फुमु ओङनामेई थे खोरोङ फुज्युङ फुमुला तेरग्यो साबाते जेसुकै परमेश्वरगी ङुरूङला तेरग्यो। थोक खाला येशू ख्रीष्टकी ङेत्च्येते ङुरूङगीङ ङेत्क्यो। ईन्दालाचेन येशू ख्रीष्टकी खाबा च्योकराङ ङुरूङगीङ थरिङोला दुक्पा भोगे खिता फाप्क्यो। थेमे थेला छ्येज्यीक मान बिन्दा च्योकराङ परमेश्वरगी ङुरूङलाङ मान बिन्ला थे खोरोङगी ज्वा चाला च्योकराङ लेमु जोइओ।
ङा दि चिट्ठी कोरिन्थ सारदु जम्मा ओङकान्ते परमेश्वर मिओन ख्योकोनला टिगीन ओत। येशू ख्रीष्टकी खित्सादु परमेश्वरगी ख्योकोन सेम खुदुक जोकीन थे खोरोङ सन्तान ईन सिन छाने खाबा ओत। दुरू टिबाते बातचेन ख्योकोन च्योकराङ प्रभु येशू ख्रीष्टला प्रभु सिन सिरकान्ते गाङेपे मिलाङ ईन। येशू ख्रीष्टचेन थेबेतेङ ङुरूङतेङ मालिक ईन।
ज्येनला अन्याय खित्कानताङ मेलेबा काम खित्कान्ते मि सुङ परमेश्वर राज्यने स्यूक्पा मेङेदो सिन च्यि ख्योकोनला छ्या मेत? ख्योकोन सुङगीङ दाक्पोनगी ठुबाते डालुम नाङ दाक्पोनराङ स्यूक्च्येते काम माकेत। चुक सासीन रन्डीबाजी थेमे होदि च्योक्ते खिता मेङच्येते काम खित्कान्तेबा, ल्हा लु माने खित्कान्तेबा, मि ख्यावा फेम्मेताङ ङ्याल्कान्तेबा, ख्योओ मिकी फेम्मे मि च्योक खाला ख्योओ मि ज्याक्ला खिता मेङच्येते काम खित्कान्तेबा,
ङुरूङगी परमेश्वर आत्मा ङेता ओतेकी परमेश्वरगी तिरी ङुरूङला तेरग्यो सिन साबा ओताते जति गाङे ङेत्क्यो सिन ङुरूङगी छ्या स्येक्यो। थेकी थे खोरोङ मि गाङेला पूरो खाला पापदुकी टाल्ला थे खोरोङताङ देत ज्युत्जीन थेकी ङुरूङला तेरग्यो सिन साबा ओताते जति गाङे ङुरूङगी ङेत्क्यो। थेकी खाबाते होदि गाङे काम ताला थे चुक अचम्ब खाला काम खित्कान्ते ईन्दे सिन ङुरूङगी थेते जय जय खिता थुप्स्यीत सिन परमेश्वरगी होदि गाङे काम खाबाते ईन।
ङा ज्येनोङ च्यि सिन प्रार्थना खिते सासीन परमेश्वरगी ख्योकोनला थे खोरोङ दोन्दु स्योक सिन कातोङजीन तिरी ख्योकोनते च्यि आश ओते सिन साबाते बात थेमे थे खोरोङ सन्तान ज्येनतेबाताङराङ तिरी ख्योकोनगी ङेत्च्येते जति चुक लेमु ईन्दे सिरच्येते बात थेकी ख्योकोनला लेमु खाला खो ज्युत्स्यीत सिन प्रार्थना खिओ।
परमेश्वर सन्तान गाङेकी परमेश्वरगी खाबाते थेमे थेकी च्यि खि सिते सिन छ्या स्येला खोपरोङगी खिता फाप्च्येते काम खिता थुप्स्यीत, दोक खाला ख्रीष्टकी जीउ च्योक ओङाते थेबा गाङेराङ डिक्ला चुक खासीन दाक्पोन नाङ लेमु ओङगीका थोकराङ खित्स्यीत सिनराङ मिओनला खुदुक खुदुक काम खित्च्येते होदोक्ते सीपताङ शक्ति बिन्दाते ईन।
थेमे ख्रीष्टकी थे खोरोङ मि गाङेला डिक च्युत्ला सेमज्यीकराङ खाला काम खित्कान जोला दोक्पोईकी ज्येनज्यीकला लेमु खित्स्यीत सिन थेबाला गोच्येते जति गाङे तेरग्यो। दोक ओङनामेई थेबा खोपरोङ नाङ ङिङज्ये खिन मि जीउ छारगीन ड्वापच्योक खाला ख्रीष्टकी थेबाला जस्तो ज्वा चाला ओतान थोकराङ डुइन डुइओ। दोक ओङाला थेबेकीङ दाक्पोन दाक्पोनगी खिता फाप्च्येते काम खिता फाप्क्यो।
च्यि सासीन येशू ख्रीष्ट सु ईन्दे, चुक्ते ईन्दे सिन खेराङगी छ्या स्येबाते बात ङेन्दा नोमुङ मातोङ, झन झन लेमु खाला थे बातला खि साबा च्योकराङ खिन येशू ख्रीष्टला विश्वास खिन देत, ज्येनगी जे सासीनोङ खेराङला लाप्कीन बिन्दाते येशू ख्रीष्ट बातला छ्याःङ शंका माकेत थेमे परमेश्वरगी खेराङला चुक लेमु खासुङा सिन थेला धन्यवाद सिरा नोमुङ मातोङ।
बात दोक ईन्देकी परमेश्वर बात ईन सिन थे बातताङ डिकराङ मिडिक्च्येते खुदुक खुदुकते बात ङेन्ला छक्के माकेत। परमेश्वरगी दया खाबा ओतेकी खित्सादु होथोक्ते बातला नामज्योक मेसेता खाला छ्याःङ शंका मिक्किता खाला थेला विश्वास खिन देता लेमु ईन। दि सा ओङगो, थे सा मेङगो सिरच्येते नियम ङेन्ला सुङलाङ छ्याःङ फाइदा मेत।
थोक खाईन स्यिइन ख्रीष्टचेन परमेश्वरगी तिरी खाबाते जमान पूरो खाला तेरकान्ते ओङा ओत। थे थोक खित्कान्ते ओङेकी खित्सादु परमेश्वरगी थे खोरोङ दोन्दु स्योक सिन काताङाते मिओनला नोमुङ मोतोरच्या खाला तेरग्यो सिन साबाते जति था थेबेकी गाङे ङेत्च्या ओङा ओत। परमेश्वरगी गोमे जमान खानामेई तिरी जमान खित खितसाक मिओनगी खाबाते गाङे पाप माफ तेराला थेबे पापकी सजाय ख्रीष्टकी भोगे खाईन स्याप्की खित्सादु थेबेकी ङेत्च्येते जति ङेत्च्या ओङाते ईन।
ကြော်ငြာတွေ