शक्ति काम 20:3 - जिरेल

³ थेमे दावा सुमसाक थेरूराङ देत्‍सुङ। थेरूकी थे पानीजहाजला जेला सिरिये लुङबापा ड्वाप्‍ला ठीक खासुङ। थे थेपा डोजीन ग्रीसदु यहूदीओनगी थेला पानीजहाजलाराङ सेत्‍च्‍येते ठो खाला दुक्‍लो सिन थोबेकी थे सिरियापा पानीजहाजला मोन्‍डोबा खाईन म्‍यासिडोनियापा खाला ड्वा फाप्‍सुङ सिन थेपाराङ खाईन गाल्‍सुङ।

शक्ति काम 20:3 ပူးပေါင်းရင်းမြစ်များ

मत्ती 4:24

थेकी खाबाते दि कामगी बाततेबा सिरिये लुङबा खाङोङ फैले खासुङ। थेमे मिओनगी थरी थरी रोग लै खाईन नाबाते मिओन, ल्‍हन्‍डीक खोबातेबा, जा लाङकान्‍तेबा, कुज्‍येतेबा गाङेला ठाक्‍पा खाला तेरस्‍यीत सिन थे ओत्‍सादु क्‍याल्‍सुङ। थेमे थेकी थे मि गाङेला ठाक्‍पा खाईन बिन्‍सुङ।

शक्ति काम 16:12

थेमे थेरूकी ख्‍याम्‍गीन म्‍यासिडोनिये लुङबे फिलिप्‍पी सारनापा लेपाप। थे सारचेन थे लुङबेते छ्येते सार ओतान। थेरू काल्‍बा च्‍योक्‍ते रोमीओन देत्‍कीन ओतान। ङ्योकोनोङ टिक्‍पी दिन थेरूराङ देताप।

शक्ति काम 16:9

त्रोआसदु लेपे छोमु ग्‍वाका परमेश्‍वरगी पावलला मिलाम खित ज्‍युताच्‍योक खित च्‍युत्‍तुक। थोक ओङजीन पावलगी म्‍यासिडोनिये लुङबे मिज्‍यीगी थे ओत्‍सादु वाकीन “ओर्च्‍ये, ङ्योकोन ओत्‍सापा वाला ङ्योकोनला मद्धत नाङ,” सिन सिरा थोङदुक।

शक्ति काम 18:18

थोक थोक ओङनामेकीङ पावल आदोराङ कोरिन्‍थदुराङ देत्‍सुङ। थेमे तिरी थेरू आज्‍यो न्‍वाओनताङ ड्वामीन सिन बात खाईन थे सिरिये लुङबापाला ख्‍याम्‍सुङ। प्रिस्‍किलाताङ अक्‍वीलाङ थेत्ताङ ङ्योम्‍बुराङ गाल्‍सुङ। परमेश्‍वरला कोबोलज्‍यीक खाबा ओतेकी किंक्रियादु लेप्‍नामेकी पावलगी थे खोरोङ टा ठेसुङ। किंक्रियादुकीचेन थेबा पानीजहाजला जेकीन गाल्‍सुङ।

शक्ति काम 19:21

थेरूकी पावलगी म्‍यासिडोनियाताङ अखैये लुङबापेई खाला यरूशलेमपा डोच्‍ये टुङ्गो खासुङ। थेपा गाल्‍नामेई ङा रोम सारदु ड्वा फाप्‍क्‍यो सिरच्‍येते बादोङ थेकी खासुङ।

शक्ति काम 20:1

थोक खाईन थे होहल्‍ला तोरनामेकी पावलगी थेरू येशू चेला गाङेला काताङसुङ। थेमे थेकी था ङा ड्वामीन। जस्‍तो ओङसीनोङ येशूला विश्‍वास खिन देता मातोङ सिन थेबाला आँट बिन्‍सुङ। थेमे थे थेरूकी म्‍यासिडोनिये लुङबापा गाल्‍सुङ।

शक्ति काम 20:19

च्‍यि सासीन प्रभु येशूकी ङाला खि साबाते काम ङे छ्ये मिक्‍किता खाईन खाबाप। यहूदीओनगी ङाला सेताप सिन बाजिताङ बाजि ठो खाबेकी दि काम खित्‍जीन ङे पीर खिन दुक्‍पाङ भोगे खिता फाप्‍सुङ।

शक्ति काम 20:2

म्‍यासिडोनियादु ठाउँ ठाउँला ओताते येशू ख्रीष्‍ट मिओनला ठेत्‍कीन थेकी थेबाताङ आदोराङ बात खाईन जस्‍तो ओङसीनोङ येशूला विश्‍वास खिन देता तोङा मेङगो सिन आँट बिन्‍सुङ। थोक खाला युगीन युगीन थे ग्रीस लुङबापा लेप्‍सुङ।

शक्ति काम 21:3

थोक खाला डोजीन ङ्योकोनगी थारीलेई साइप्रस लुङबा थोङसुङ। थेमे थे लुङबे दक्षिण छ्य्‌वामेई खाईन ङ्योकोन सिरिये लुङबापा गालाप। थेरू टायरदु लेप्‍कीन सामानतेबा थेन्‍दाला थे पानीजहाज रोके खासुङ।

शक्ति काम 25:3

पावलला यरूशलेमने ताङसीन लेमु ओङच्‍या ओतान साकीन थेला थेने थोङ सिन आउदी खाईन बिन्‍ती खासुङ। थेला थेने ताङसीन लामला गुला देत्‍ला ओङगीन ओङगीनलाराङ सेताप सिन थेबेकी ठो खाबा ओतान।

२ कोरिन्‍थी 1:15

ङाराङला होदि बात लेमु खाला छ्या ओतेकी ङा गोमा ख्‍योकोन ओत्‍सादु ओङाला ठीक खाबा ओतान। थोक खाला पालो ङि ठेता ङेत्‍जीन परमेश्‍वरगी ख्‍योकोनला झन आशी तेरच्‍या ओतान।

२ कोरिन्‍थी 11:26

थोक खाला फार छुर डुइनराङ देता फाप्‍जीन ङा पालोताङ पालो भल ग्‍यासालाङ फाप्‍सुङ। पालोताङ पालो डाँकाओन लाःक्‍तुङ फाप्‍सुङ। पालोताङ पालो ङाराङला नाम सेत्‍कीताना सिन ङे ङाराङ यहूदीओन थेमे ज्‍येन ज्‍येन जातकी मि ज्‍यीबा खुरगीन ख्‍याम्‍बा फाप्‍सुङ। सारगी नाङला युक्‍जीन ईन्‍स्‍यीत, खाम्‍बाताङ युल छ्याःङ मेत्‍साला ख्‍याम्‍जीन ईन्‍स्‍यीत, समुन्‍द्रदुकी खाला डोसाला ईन्‍स्‍यीत थेमे येशू ख्रीष्‍टला विश्‍वास खित्‍कान्‍ते ईन सिरकान्‍तेबा तर थोक मेन्‍देकी ङाला मेलेबा खिता छोल्‍कान्‍ते मिओन नाङला ईन्‍स्‍यीत जहाँदुङ जहिलेङ ङाला ज्‍यीबाकामा ओतान।

२ कोरिन्‍थी 7:5

चुक सासीन म्‍यासिडोनिये लुङबापा ख्‍योल्‍नामेकीङ मिओनगी ङ्योकोनला मिगी थोङसार्मु खित्‍च्‍येतेताङ दुक्‍पा तेरच्‍येते बाई ज्‍येनतोक छ्याःङ माक्‍यासुङ। छ्य्‌वाच्‍यीकपा ङेराङला थोक दुक्‍पा ओङगीन ओतान सासीन लोक्‍ला सेमगी नाङचेन येशू ख्रीष्‍ट मिओनला च्‍यि ओङाना, चुक ओताना सिन आउदी ज्‍यीबा लाबा ओतान।

गलाती 1:21

पत्रुसबाला ठेत्‍नामेईचेन ङा सिरियाताङ सिलिसिये अञ्‍चल नाङपा गालाप।