शक्ति काम 20:28 - जिरेल28 थोगी येशूला विश्वास खिता मोतोङा खाला था ख्योकोन खेराङोङ च्याङबो खाला देत। थेमे लेमु खाला तो सिन परमेश्वर आत्मेकी खेराङ जिम्माला बिन्दाते परमेश्वर मि गाङेते लेमु खाला हेर विचार खि। येशू ख्रीष्ट स्यिजीन थे जीउदुकी थेन्दाते ठागी थेकी थेबाला परमेश्वर मि ओङाला ङ्योबाते ईन सिन सम्झे खाला थेबाला लेमु खाला तो। အခန်းကိုကြည့်ပါ။ |
शक्ति काम 20:28
61 ပူးပေါင်းရင်းမြစ်များ
दि बातओन छ्या स्येला ख्योकोन च्याङबो खाला देत। थेजीन ज्येनगी ख्योकोनला जुम्ला मिटिङ खित्च्येते खाम्बादु ओताते अड्डे छ्ये छ्ये मि दोन्दु केल्ग्यो। थेरू क्याल्ला ख्योकोनला दुङगो। दोस्यिककामा मेन, ख्योकोनला रोमी गेल्बो हाकिमओन थेमे गेल्बोओन दोन्दुङ केल्ग्यो। ङे मि ईन्देकीराङ ख्योकोनला दोक दोक खिओ। थेजीन ख्योकोनगी थेबाला खेराङ च्यिला ङाला विश्वास खिते सिन लाःपा ङेत्क्यो।
थोगी ख्योकोनगी परमेश्वर ओत्सादुई वाबाते मि ङा ग्युरला ओङे छोमुसाक चुक खाला देता फाप्च्या ईन्दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्या थुङच्याताङ खोन्च्ये पीर माकेत। दोक खिन देत्सीन खरेउ तोर्बाकला थेप्लु खाला थे दिन लेपे छोमुकामा ख्योकोनगी छ्या स्येक्यो।
ङा दि चिट्ठी कोरिन्थ सारदु जम्मा ओङकान्ते परमेश्वर मिओन ख्योकोनला टिगीन ओत। येशू ख्रीष्टकी खित्सादु परमेश्वरगी ख्योकोन सेम खुदुक जोकीन थे खोरोङ सन्तान ईन सिन छाने खाबा ओत। दुरू टिबाते बातचेन ख्योकोन च्योकराङ प्रभु येशू ख्रीष्टला प्रभु सिन सिरकान्ते गाङेपे मिलाङ ईन। येशू ख्रीष्टचेन थेबेतेङ ङुरूङतेङ मालिक ईन।
ङुरूङगी परमेश्वर आत्मा ङेता ओतेकी परमेश्वरगी तिरी ङुरूङला तेरग्यो सिन साबा ओताते जति गाङे ङेत्क्यो सिन ङुरूङगी छ्या स्येक्यो। थेकी थे खोरोङ मि गाङेला पूरो खाला पापदुकी टाल्ला थे खोरोङताङ देत ज्युत्जीन थेकी ङुरूङला तेरग्यो सिन साबा ओताते जति गाङे ङुरूङगी ङेत्क्यो। थेकी खाबाते होदि गाङे काम ताला थे चुक अचम्ब खाला काम खित्कान्ते ईन्दे सिन ङुरूङगी थेते जय जय खिता थुप्स्यीत सिन परमेश्वरगी होदि गाङे काम खाबाते ईन।
थेकीराङ मिओनला खुदुक खुदुकते काम खित्च्येते सीपताङ शक्ति बिन्गीन कोईला थे खोरोङगी खटे खाबाते मि थेमे कोईला परमेश्वर बात खित्कान्ते मि जोसुङ। थोकराङ खाईन कोईला ठाउँ ठाउँला गाल्ला गा लाङच्येते बात लोप्कान्ते मि थेमे कोईला परमेश्वर सन्तानओनला ताकान्ते थेमे परमेश्वर बात लोप्कान्ते मि जोसुङ।
दि चिट्ठी टिक्कान्ते ङा पावल थेमे तिमोथी ईन। ङ्योकोन येशू ख्रीष्ट काम खित्कान्ते मि ईन। ङ्योकोन दि चिट्ठी फिलिप्पी सारदु ओताते परमेश्वर सन्तानओनला ताकान्तेबे नाङ छ्येते मिओन थेमे थेबाला थोक खिताला मद्धत तेरकान्ते मिओनला टिगीन ओत। थेबालाकामा मेन्देकी दि चिट्ठी येशू ख्रीष्टताङ जीउज्यीकराङ ओङाते परमेश्वर सन्तान ख्योकोन गाङेला टिगीन ओत।
थोक्ते मिचेन सुङगीङ दिकी दि दि गल्ती खाबा ओत सिन साबा मेताज्यीक ओङा फाप्क्यो। थेते फेम्मेज्यीककामा ओङा फाप्क्यो। थेचेन जहिलेङ च्याङबो खाला देत्कानज्यीक, दाक्पोन सेम काबूला ज्य्वाबा थुप्कानज्यीक ओङा फाप्क्यो। थे बानी लेमु ओताज्यीक, डोम्बोओनताङ फार छुर ख्याम्कान मिओनला लेमु खित्कानज्यीक थेमे मिओनला परमेश्वर बात लेमु खाला लोपा थुप्कानज्यीक ओङा फाप्क्यो।
येशू ख्रीष्ट मिओनला ताकान्ते मिओनगी खुई गोःकी लाक लाक्पा ज्याक्ला प्रार्थना खिते बेलाला कोई कोईकी परमेश्वरगी खुई विषयला सिर च्युताते बात खाबा ओतान। थोक खाईन परमेश्वरगी खोल्ला सीप बिन्दा ओतान सिन खुई टोक ज्येता मेतासीन। थेकी खोरोङला दोक खाईन बिन्दाते सीप पित मोतोङा खाला लेमु खाला चले खिन देत।
दोक खाला येशू ख्रीष्ट मिओनला ताकान्ते छ्येते मिकीचेन परमेश्वरगी खि साबाते काम खित्च्येते ईन्देकी सुङगीङ दिकी दि दि गल्ती खाबा ओत सिन साबा मेताज्यीक ओङा फाप्क्यो। थोक्ते मि दाक्पोन बातलाकामा जिद्धी मिक्किकानज्यीक, होत्ता स्येदाङ मिक्किकानज्यीक, छ्याङ रक्सी काल्बा मुथुङकानज्यीक, मिला लाःक मोतोङकानज्यीक थेमे सम्पत्ति ज्वाप सिन पैसे लोभला मुस्यूक्कानज्यीक ओङा फाप्क्यो।
थेमे ज्येन बात खेराङला ताकान्ते छ्ये छ्ये मिकी साबाते ङेन, थेबे अधीनला देत। खेराङला छ्याःङ मेलेबा मेङस्यीत सिन थेबेकी ख्योकोनला तेइनराङ देत्क्यो। थेबेकी चुक चुक खाबे, च्यि खाबे सिन ङीमाई परमेश्वर दोन्दु गाङे हर हिसाब तेरा फाप्क्यो। ख्योकोनगी थेबेकी लाःपा कोताते ङेन्सीन खोपरोङगी खित्च्येते काम थेबाला लेमु लाला गा खिन खिओ। ख्योकोनगी थोक माक्यासीन थेबाला थे काम खिता सेम मालाङो। थेमे ख्योकोनला च्यि फाइदा ओङगीते?
बात दोक ईन्सीनोङ ख्योकोनलाचेन परमेश्वरगी थे खोरोङ मि ईन सिन छाने खाबा ओत। ख्योकोनचेन परमेश्वर पूजारी ईन, थेचेन गेल्बो ईन। ख्योकोन परमेश्वरला माने खित्कान्ते मि ईन। ख्योकोन परमेश्वर मिराङ ईन। थेकी ख्योकोनला पापताङ लोभदुकी टाल्ला थे खोरोङ नाम्दाकला देताला थे खोरोङ दोन्दु स्योक सिन काताङा ओत। थेकी खाबाते अचम्ब अचम्बतेन्दे कामगी बात ख्योकोनगी ज्येनलाङ सिरस्यीत सिन थेकी ख्योकोनला दोक खाबाते ईन।
ကြော်ငြာတွေ