शक्ति काम 2:45 - जिरेल

⁴⁵ खोपरोङ नाङ सुइँदाला खइँदा गोसुङ सासीन थेबेकी खोपरोङ स्‍यीङताङ सम्‍पत्तितेबा च्‍वालाङ थेबे खाँचो टारे खिन ओतान।

शक्ति काम 2:45 ပူးပေါင်းရင်းမြစ်များ

मत्ती 19:21

थेमे थेकी “खोल्‍ला परमेश्‍वरगी खि साबा साबा च्‍योककामा खाला साँच्‍चीराङ नोमुङ मिसिन्‍च्‍येते जुनी ङेता सेम लाङगीदुक सासीन था गाल्‍ला खोरोङते ओताते जति जेसुकै च्‍वाला पैसाचेन दुक्‍पा ङेताते मिओनला गोला बिन। थोक खासीन खुई मिनला स्‍वर्गने नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति जम्‍मा ओङला देत्‍क्‍यो। ङे थाल्‍ला साबाच्‍योक खाला खोरोङचेन ङात्ताङ ख्‍योम,” सिन सिदुक।

लूका 16:9

ङा ख्‍योकोनलाचेन चुक खि सिते सासीन खेराङ सम्‍पत्ति दुक्‍पा ङेताते मिओनला गोला बिन। थेमे थेबा ख्‍योकोन र्‍वा ओङगो। सम्‍पत्ति सिरे जानी ङीमाई दाक सिन्‍ला डुइओ। थोगी ख्‍योकोनगी ङे खि साबा च्‍योकराङ खि। थोक खासीनराङ ख्‍योकोनगी स्‍वर्गने देत्‍च्‍येते ठाउँ ङेत्‍क्‍यो।

लूका 18:22

थेमे येशूकी थेला “नोमुङ मिसिन्‍च्‍येते जुनी ङेता सेम लासीन थोरूमोङ खुई खिता फाप्‍च्‍येते कामज्‍यीक ओत। था खुई गाल्‍ला खोरोङते ओताते जति जेसुकै च्‍वाला पैसाचेन दुक्‍पा ङेताते मिओनला गोला बिन। थोक खासीन खुई मिनला स्‍वर्गने नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति जम्‍मा ओङला देत्‍क्‍यो। ङे थाल्‍ला साबाच्‍योक खाला खोरोङचेन ङात्ताङ ख्‍योम,” सिन सिदुक।

लूका 19:8

थेमे प्रभु येशूताङ बात खिन खिनला लाकीन जखायसकी “लो प्रभु, था ङा ङाराङते ओताते जति सम्‍पत्ति बो ङि जोला बोज्‍यीकचेन दुक्‍पा ङेताते मिओनला गोला तेरग्‍यो। थेमे ङे ठगे खाबाते मिओनला ङाराङगी ठगे खाबाते लाक्‍तु दोबोर सुम थपे खाला तेरामीन,” सिन सिदुक।

शक्ति काम 11:29

अगाबसकी साबाते बात थोनामेकी थेरू ओताते चेलातेबा गाङेकी यहूदिये अञ्‍चलदु ओताते येशूला विश्‍वास खित्‍कान्‍ते ज्‍येन आज्‍यो न्‍वाओन लाईदु पैसा दुला तोङगी सिन ठो खासुङ। थेमे थेबाबरीकी खोपरोङगी जति जति तेरा थुप्‍कीदुक उति उतिराङ पैसा जम्‍मा खासुङ।

शक्ति काम 4:34

थेबा सुङलाङ साच्‍येतेताङ खोन्‍च्‍येते दुक्‍पा मेतान। सुइँदाला खइँदा गोबे बेलाला खाम्‍बाताङ स्‍यीङ आदोराङ ओत्‍कानगीचेन बेला बेलाला थेबाङ च्‍वाला पैसाचेन खुलाला येशू ख्रीष्‍टकी खटे खाबाते मिओनला तेरगीन ओतान।

शक्ति काम 4:35

थेमे थेबेईचेन गाङे नाङ सु सुला पैसा गोला दुका, थे थेला गोला तेरगीन ओतान।

२ कोरिन्‍थी 9:1

यरूशलेमदु ओताते परमेश्‍वर सन्‍तानओनला मद्धत तेराला सिन पैसा जम्‍मा खिन ओताते बात ङे ख्‍योकोनला याङराङ टिक्‍पा फाप्‍क्‍यो सिराच्‍योक मालाङदुक।

२ कोरिन्‍थी 9:9

परमेश्‍वर बातला “थे मिकी थे खोरोङगी थुपासम्‍म गाङेला गोकीन बिन्‍ला दुक। थेकी छ्याःङ मेताते मिओनला गोच्‍येते बिन्‍गीन लेमु खाला दुक। थेकी थोक लेमु खाबाते परमेश्‍वरगी नोमुङ टोक मेज्‍येदो,” सिन टिबा ओत।

१ यूहन्‍ना 3:17

दोक सिइना, सुइँदा मित्ताङ जेसुकै वालछ्येल दुक थेमे थेकी थे खोरोङ आज्‍यो न्‍वातेबा सुइँदा दुक्‍पा ङेत्‍कीन फेटेक फेटेक परे खाबा थोङजीनोङ थेला मिक कार्बोकीङ ग्‍युरला मातादुक सासीन च्‍यि थेकी परमेश्‍वरगी ज्‍येनला ङिङज्‍ये खि साबाच्‍योक खाईन ङिङज्‍ये खाबाते ईनरो?