थोक ओङनामेकी थेबा गाङेकी खोपरोङगी छ्या मास्येबाते खुदुक खुदुकते भाषाला बात खाईन परमेश्वरला छ्ये ज्वाप्ला स्यूसुङ। थोक ओङा थोङगीन पत्रुसताङ ङ्योम्बु गालाते येशूला विश्वास खित्कान्ते यहूदीओन “ओहो, परमेश्वरगीनी ज्येन ज्येन जातकी मिलाङ परमेश्वर आत्मा तेरच्याक्वा,” सिन छकदाङ परे खासुङ। थेमे पत्रुसकीचेन
शक्ति काम 2:39 - जिरेल39 ङुरूङ प्रभु परमेश्वरगी मिओनला तेरग्यो सिन साबाते परमेश्वर आत्मा थेकी ख्योकोनला, ख्योकोन सन्तानला थेमे ज्येन ज्येन लुङबाला देत्कान्तेबा गाङेला तेरग्यो। प्रभु परमेश्वरगी सु सुला थे खोरोङ दोन्दु स्योक सिन कातोङगीका थेबा गाङेला थे खोरोङ आत्मा तेरग्यो,” सिन सिदुक। အခန်းကိုကြည့်ပါ။ |
शक्ति काम 2:39
41 ပူးပေါင်းရင်းမြစ်များ
थेबानी परमेश्वरगी थे खोरोङ मि सिन साबाते इस्राएलीओनराङ ईन। थेबाचेन परमेश्वरगी थे खोरोङ धर्म-पुत्र जोबाते मि ईन। थेबेकी परमेश्वरला मिगी ताराङ मुथुप्च्या झिलिमिली नाम्दाकला देता ओता थोङा ओतान। थे खोरोङगी च्यि च्यि खिते सिन परमेश्वरगी थेबाताङ पालोताङ पालो जमान खाबा ओतान। थेमे थेबेकी चुक चुक खिता फाप्कीते सिन नियमओनोङ बिन्दा ओतान। थे खोरोङला चुक खाला माने खिता फाप्कीते सिन लाप्कीन बिन्गीन थेकी थेबाला आशी बिन्ला लेमु खिओ सिनोङ याङ याङराङ साबा ओतान।
ङे च्यिला दोक साबाते ईन्दे सासीन सुइँदेते ख्योबोते येशूला विश्वास खित्कान मेन्सीनोङ फेम्मेताङ ङ्योम्बुराङ देत्सीन थेलाङ परमेश्वरगी थे खोरोङ मि ईन सिओ। थोकराङ खाला सुइँदेते फेम्मेते येशूला विश्वास खित्कान मेन्सीनोङ ख्योबोताङ ङ्योम्बुराङ देत्सीन थेलाङ परमेश्वरगी थे खोरोङ मि ईन सिओ। थोक ईन्देकीराङ ख्योकोन फिजाओनलाङ परमेश्वरगी थे खोरोङ मि ईन सिओ। थोक मेन्दा ईन्सीन थेकी थेबाला थे खोरोङला माने मिक्किकान्ते मि फिजा च्योकराङ ईन सिरच्या ओतान।
ङा ज्येनोङ च्यि सिन प्रार्थना खिते सासीन परमेश्वरगी ख्योकोनला थे खोरोङ दोन्दु स्योक सिन कातोङजीन तिरी ख्योकोनते च्यि आश ओते सिन साबाते बात थेमे थे खोरोङ सन्तान ज्येनतेबाताङराङ तिरी ख्योकोनगी ङेत्च्येते जति चुक लेमु ईन्दे सिरच्येते बात थेकी ख्योकोनला लेमु खाला खो ज्युत्स्यीत सिन प्रार्थना खिओ।
ख्योकोनगी टोक ज्येता मेङच्येते बात च्यि सासीन ख्योकोन गोमा ख्रीष्टकी छ्य्वापेई छ्याःङ मेङेत्कान्ते मि ओतान, परमेश्वरगी छाने खाबाते इस्राएली नाङ फाप्कीन मेतान थेमे परमेश्वरगी जमान खाईन थेबाला तेरग्यो साबातेबा ङेत्च्येते ख्योकोनते छ्याःङ हक मेतान। दोस्यिककामा मेन, तिरी जुनीला लेमु ओङच्येते ख्योकोनते छ्याःङ आश मेतान थेमे परमेश्वरला छ्या मास्येकीन दि सा लुङबादु खेराङला लेमु खित्कान्ते सुङ मेताच्योक खाईन देता ओतान।
होदि बाततेबा टोक मेज्येता खाला ङ्योकोन ख्योकोन लाईदु जहिलेङ ङुरूङ परमेश्वरला दोक सिन प्रार्थना खिओ। चुक सासीन थेकी ख्योकोनला थे खोरोङ दोन्दु स्योक सिन काताङाते ईन्देकी ख्योकोन चुक ओङा फाप्च्येते ईन्दे थोकराङ ओङ ज्युत्स्यीत। दोक खाला ख्योकोनगी खिता चालाते लेमुते कामताङ बात थेमे प्रभु येशूला विश्वास खाईन खिताला स्यूबाते कामतेबा गाङे परमेश्वरगी ख्योकोनला थे खोरोङ शक्ति बिन्ला पूरो खित ज्युत्स्यीत सिन प्रार्थना खिओ।
थेकीराङ ङुरूङला पापकी सजायदुकी टाल्गीन बिन्दा ओत। थेमे ङुरूङ सेम खुदुक गाल्ला मेलेबाते कामताङ बात सिराते छ्याःङ मिक्किस्यीत सिन थे खोरोङ दोन्दु स्योक सिन काताङा ओत। थेकी थोक खाबाते ङुरूङगी थेकी खि साबा साबाच्योक खाईन लेमु काम खाबेकी खित्सादु मेन, बरू थे खोरोङ दयेकी ङुरूङला थोक खिता चालेकी खित्सादुकामा ईन। येशू ख्रीष्ट छ्य्वापेकी ङुरूङ लाईदु दोक खिओ सिन थेकी दि सा नाम ज्वा भन्दा गोमाकाराङ टुङ्गो खाबा ओतान।
बात दोक दोक ईन्देकी आज्यो न्वावे, ख्योकोनचेन स्वर्गने देताला परमेश्वरगी थे खोरोङ दोन्दु स्योक सिन काताङाते मि ईन्देकी येशू चुक छ्ये ईन्दे सिरच्येते बातकीतेकामा ध्यान खिन देत। थेचेन परमेश्वरगीराङ खटे खाईन ताङाते थेमे गाङे भन्दा छ्येते पूजारी ईन। थे पक्काराङ होदोक छ्ये ईन सिन ङुरूङ थेला विश्वास खिओ।
थोक खाईन स्यिइन ख्रीष्टचेन परमेश्वरगी तिरी खाबाते जमान पूरो खाला तेरकान्ते ओङा ओत। थे थोक खित्कान्ते ओङेकी खित्सादु परमेश्वरगी थे खोरोङ दोन्दु स्योक सिन काताङाते मिओनला नोमुङ मोतोरच्या खाला तेरग्यो सिन साबाते जति था थेबेकी गाङे ङेत्च्या ओङा ओत। परमेश्वरगी गोमे जमान खानामेई तिरी जमान खित खितसाक मिओनगी खाबाते गाङे पाप माफ तेराला थेबे पापकी सजाय ख्रीष्टकी भोगे खाईन स्याप्की खित्सादु थेबेकी ङेत्च्येते जति ङेत्च्या ओङाते ईन।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
दाक्पोनगी ङेताते साम्बाते जुनीला खिता फापाच्योक खिताला थेमे थेला माने खिताला खिता फाप्च्येते कामताङ बात खिताला गोच्येते जति गाङे परमेश्वरगी थे खोरोङताङ ओताते छ्येज्यीक शक्ति छ्य्वापेकी ङुरूङला बिन्दा ओत। थे सु ईन्दे, चुक्ते ईन्दे सिन थेला छ्या स्येबेकी खित्सादु थेकी ङुरूङला दोक खाईन गोच्येते जति बिन्दाते ईन। थे खोरोङताङ छ्येज्यीक शक्ति ओतेकी थेमे जे खित्जीनोङ लेमु खित्कान्ते ईन्देकी थेकी ङुरूङला थे खोरोङ दोन्दु स्योक सिन काताङा ओत।
थेबा गाङेराङ ङ्योम्बुराङ डिक्ला लुई रीउताङ लडाइँ खिओ। लडाइँ खित्जीन लुई रीउकी थेबाला ग्याल्ग्यो। च्यिला सासीन लुई रीउचेन गाङे छ्येतेबेतेङ छ्येते थेमे गेल्बोओनतेङ गेल्बो ईन। परमेश्वरगी थे खोरोङ दोन्दु स्योक सिन काताङाते मिओनचेन लुई रीउताङ ङ्योम्बु देत्क्यो। थेबाचेन परमेश्वरगी छाने खाबाते थेमे जस्तो ओङसीनोङ थेला विश्वास खिन देत्कान्ते मिओन ईन,” सिन सिदुक।
ကြော်ငြာတွေ