शक्ति काम 2:30 - जिरेल

³⁰ थेचेन दोक्‍पोई परमेश्‍वर बात खित्‍कान्‍ते मि ओतान। थेमे परमेश्‍वरगी तिरी थे सन्‍तान नाङ दोक्‍पोईला थे राज्‍यदु गेल्‍बो जोइओ सिन ना क्‍याल्‍गीन थेत्ताङ जमान खाबा ओतान।

शक्ति काम 2:30 ပူးပေါင်းရင်းမြစ်များ

मत्ती 22:43

थेरूई थेकी “थोक ईन्‍सीन ख्रीष्‍टकी विषयला बात खित्‍जीन चुक खाईन गेल्‍बो दाऊदकी परमेश्‍वर आत्‍मे छ्य्‌वापेई गोमाकाराङ थेला प्रभु सिन साबा ओताने, ओना?

मत्ती 27:35

थेमे मिल्‍टेरीओनगी थेला लाक्‍पा काम्‍बाला काँटी ग्‍याप्‍कीन स्‍यिङगी थामला टाँए खाईन लाङसुङ। थोक खानामेई थेबेकी येशू खोलाक सु सुला खाङ खाङ फाप्‍च्‍या ईन्‍दाका सिन चिट्ठा ग्‍याप्‍कीन गोकीन खासुङ।

मर्कूस 12:36

च्‍यिला सासीन ख्रीष्‍टकी विषयला बात खित्‍जीन परमेश्‍वर आत्‍मे छ्य्‌वापेई गेल्‍बो दाऊद खोरोङगीराङ दोक सिन टिबा ओत। चुक सासीन ‘प्रभु परमेश्‍वरगी ङे प्रभुला ङे खुई शत्रुओनला ग्‍याल्‍गीन खुई तिङबे ओक्‍तु माज्‍याकथुप खो दुरू स्‍योक, ङे सामे छ्य्‌वापा देत,’ सिन साबाते बात टिबा ओत।

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

शक्ति काम 1:16

“आज्‍यो न्‍वावे, येशूला पक्रे खित ओङकान्‍ते मिओनला थे खाङ ईन्‍दे सिन तेन्‍ला तेरकान्‍ते यहूदाला चुक ओङगीते सिन परमेश्‍वर आत्‍मेकी गेल्‍बो दाऊदला थाङबोका सिर च्‍युता ओतान। परमेश्‍वर बातला साबाते थे बात साबा च्‍योकराङ ओङा फाप्‍सुङ।

रोमी 1:3

परमेश्‍वरगी छ्या स्‍ये ज्‍युत्‍क्‍यो साबाते दि गा लाङच्‍येते बातचेन थे खोरोङ फुज्‍युङ बातराङ ईन। परमेश्‍वर फुज्‍युङ मि जुनी लाला दुरू ओङजीन गेल्‍बो दाऊद सन्‍तान नाङ केबा ओतान।

रोमी 15:12

थेमे यशैयेकीङ “था तिरी यिशै सन्‍तान नाङ मिज्‍यीक केइओ। थेकीचेन ज्‍येन ज्‍येन जातकी मि गाङेला राज्‍य खिओ। थेमे थेबा गाङेकी खोपरोङला लेमु खित्‍कान्‍ते थेकामा ईन सिन थेलाराङ भर परे खिओ,” सिन साबा ओतान।

२ तिमोथी 2:8

थेमे गेल्‍बो दाऊद सन्‍तान नाङ केबाते येशू ख्रीष्‍टला सधैँ सम्‍झे खिन देत। परमेश्‍वरगी थेला स्‍यिसादुकी सोम्‍बो लोक्‍पा ओत। मिओनला ङे लोप्‍कीन ओताते गा लाङच्‍येते बादोङ दिराङ ईन।

हिब्रू 1:1

परमेश्‍वरगी थाङबो थाङबोबा ङुरूङ ज्‍युज्‍यु पुर्खाताङ पालोताङ पालो थरी थरी खाईन परमेश्‍वर बात खित्‍कान्‍तेबे छ्य्‌वापेई बात खाबा ओतान।

हिब्रू 3:7

थोक ईन्‍देकी परमेश्‍वर आत्‍मेकी दोक दोक सिन साबाते बात ङुरूङगी ङेन्‍दा फाप्‍क्‍यो। थेकी चुक साला दुका सासीन “थरिङ परमेश्‍वरगी खेराङला च्‍यि सिका थे थोनामेई

हिब्रू 4:7

थोक खिओ सिन परमेश्‍वरगी याङराङ समयज्‍यीक तोके खाईन थे समयला “थरिङ दिन” सिन सासुङ। होदि समय बात खिन गेल्‍बो दाऊदकी “थरिङ परमेश्‍वरगी खेराङला च्‍यि सिका थे थोनामेई ख्‍योकोन अटेरी खाला मादेत,” सिन साबाते बात परमेश्‍वर बातला टिला दुक।

हिब्रू 6:17

थे खोरोङगी जमान खाबाच्‍योक पक्‍काराङ खिओ थेमे थे बात बान्‍दा खुदुक मोजोओ सिन सिराला परमेश्‍वरगीङ ना क्‍याला ओतान।

हिब्रू 7:21

परमेश्‍वरगी ना क्‍याल्‍गीन थेला पूजारी जोबाते बात परमेश्‍वर बातला “ङा प्रभु परमेश्‍वर खोत्ताङ दि बात नोमुङ खुदुक मोजोओ सिन ना केल्‍ग्‍यो। च्‍यि सासीन खोचेन सधैँभरि पूजारी ओङला देत्‍क्‍यो,” सिन टिला दुक।

२ पत्रुस 1:21

थे बातओननी थे खोरोङ आत्‍मे छ्य्‌वापेई परमेश्‍वरगीराङ थेबाला सिर च्‍युताते ईन, मिओनगी खोपरोङ सेमला नोकीन खाबाते बात मेन।

छ्या स्‍ये च्‍युताते बात 17:14

थेबा गाङेराङ ङ्योम्‍बुराङ डिक्‍ला लुई रीउताङ लडाइँ खिओ। लडाइँ खित्‍जीन लुई रीउकी थेबाला ग्‍याल्‍ग्‍यो। च्‍यिला सासीन लुई रीउचेन गाङे छ्येतेबेतेङ छ्येते थेमे गेल्‍बोओनतेङ गेल्‍बो ईन। परमेश्‍वरगी थे खोरोङ दोन्‍दु स्‍योक सिन काताङाते मिओनचेन लुई रीउताङ ङ्योम्‍बु देत्‍क्‍यो। थेबाचेन परमेश्‍वरगी छाने खाबाते थेमे जस्‍तो ओङसीनोङ थेला विश्‍वास खिन देत्‍कान्‍ते मिओन ईन,” सिन सिदुक।

छ्या स्‍ये च्‍युताते बात 19:16

थेकी खोन्‍दाते खोलाकताङ थे फाल्‍काला “गेल्‍बोओनतेङ गेल्‍बो थेमे गाङे छ्येतेबेतेङ छ्येते” सिन मिन टिबा ओतान।