शक्ति काम 2:29 - जिरेल

²⁹ थेमे आज्‍यो न्‍वावे, होदि बात खित्‍कान्‍ते ङुरूङ पुर्खा दाऊद गेल्‍बो बातनी ङुरूङ गाङेला लेमु खाला छ्याराङ ओत। थेनी स्‍यिइन दाक रूल्‍गीनोङ गाल्‍सुङ। थेला दिबाते थुर्सा थोरूमसाकोङ ङुरूङ दोन्‍दु ओत्‍कीन ओत।

शक्ति काम 2:29 ပူးပေါင်းရင်းမြစ်များ

शक्ति काम 13:36

गेल्‍बो दाऊदकीचेन थे खोरोङ पालो मिओनला परमेश्‍वरगी थे खोरोङला खित च्‍युता च्‍योकराङ खाला राज्‍य खिन ओतान। उमेर छाङनामेकी थे स्‍यिसुङ। थेमे थेला थे खोरोङ पुर्खाओन दिसे खादुराङ दिसुङ। थेमे थे दाक रूल्‍गीनोङ गाल्‍सुङ।

शक्ति काम 2:28

ङाला दि जुनी तेरकान्‍तेङ प्रभु परमेश्‍वर खोराङ ईन। परमेश्‍वर खो ङात्ताङ ओतेकी ङा आउदी गा खिओ,’ सिन साबा ओतान।

शक्ति काम 22:5

ङे थोक खाबा ओतान सिन गाङे भन्‍दा छ्येते पूजारी, धर्मे गुरूओन थेमे ज्‍येन छ्ये छ्ये मि गाङेकी सिरा थुप्‍क्‍यो। थेबेकीराङ ङाला दमस्‍कस सारदु येशूला विश्‍वास खित्‍कान्‍तेबाला जुम्‍ला सजाय तेराला दुरू खुलाङ छ्युत सिन दमस्‍कसपे यहूदी छ्ये छ्ये मिला चिट्ठी टिकीन बिन्‍गीन ताङा ओतान।

शक्ति काम 26:26

ङे च्‍यि च्‍यि बात खासुङा सिन गेल्‍बो अग्रिपाला गाङे लेमु खाला छ्या ओत। थोगी गेल्‍बोकी मोखोता सिन छ्याःङ ज्‍यीबा मिक्‍किता खाला ङा दि गाङे बात खिन ओत। दि बाततेबा गाङे मि मिगी दोन्‍दुराङ ओङाते बात ईन्‍देकी गेल्‍बोला छ्या मेताते बात मेन,” सिन साकीन

हिब्रू 7:4

ङुरूङ ज्‍युज्‍यु अब्राहामगी थे खोरोङगी लडाइँला ग्‍याल्‍गीन ठ्वाकीन खुलाबाते जेसुकै नाङ बो च्‍युताम्‍बेते बोज्‍यीक टाल्‍गीन थेला बिन्‍दा ओतान। थोगी थे अब्राहाम भन्‍दाङ छ्ये ईन सिन लेमु खाला छ्या स्‍येकीदुक।