शक्ति काम 2:17 - जिरेल17 थेकीचेन ‘परमेश्वरगी च्यि सिका सासीन था दि जुग सिन्दे खाला ङा मि गाङेला ङाराङ आत्मा तेरग्यो। दोक ओङनामेई ख्योकोन फुज्युङ फुमुबेकी ङे सिर च्युताते बात खिओ। थेमे स्याराते मिओनला ङा मिलाम खित ज्युताच्योक खाला ङे खिता चालाते कामओन तेन्ला तेरग्यो। थोकराङ खाला गान्दाते मिओनताङ ङा मिलामला बात खिओ। အခန်းကိုကြည့်ပါ။ |
शक्ति काम 2:17
38 ပူးပေါင်းရင်းမြစ်များ
थोक ओङनामेकी थेबा गाङेकी खोपरोङगी छ्या मास्येबाते खुदुक खुदुकते भाषाला बात खाईन परमेश्वरला छ्ये ज्वाप्ला स्यूसुङ। थोक ओङा थोङगीन पत्रुसताङ ङ्योम्बु गालाते येशूला विश्वास खित्कान्ते यहूदीओन “ओहो, परमेश्वरगीनी ज्येन ज्येन जातकी मिलाङ परमेश्वर आत्मा तेरच्याक्वा,” सिन छकदाङ परे खासुङ। थेमे पत्रुसकीचेन
थोक खाईन सोम्बो लोक्नामेकी परमेश्वरगी थेला छ्येज्यीक मान बिन्गीन थे खोरोङ सामे छ्य्वापा ज्याक्पा ओत। थे खोरोङगी मिओनला तेरग्यो साबाते परमेश्वर आत्मा तेरच्येते जिम्मा थेकी येशूला बिन्सुङ। आबातेकी जिम्मा बिन्दा च्योकराङ खाईन थेकी ङ्योकोनला परमेश्वर आत्मा बिन्सुङ। ख्योकोनगी थरिङ थोङातेताङ थोबाते बात ङ्योकोनगी परमेश्वर आत्मा ङेतेकी खित्सादुराङ ईन।
लोक्ला कोईला अचम्ब अचम्बतेन्दे काम खित्च्येते शक्ति बिन्दा ओङगो सासीन कोईला परमेश्वरगी सिर च्युताते बात खित्च्येते शक्ति बिन्दा ओङगो। थोकराङ खाला कोईला सुइँदेकी खाबाते बात परमेश्वर आत्मेकी सिर च्युताते ईन्दाना मेन्दे सिन डेल्च्येते शक्ति बिन्दा ओङगो। थेमे कोईला खोपरोङगी छ्या मास्येबाते खुदुक खुदुकते भाषाला बात खित्च्येते शक्ति बिन्दा ओङगो सासीन ज्येनज्यीकलाचेन होथोक्ते भाषाला बात खित्कान्ते मिकी खाबाते बातकी अर्थ खोले खित्च्येते शक्ति बिन्दा ओङगो।
येशू ख्रीष्ट मिओन नाङ परमेश्वरगी छ्येदुकी शुरू खाईन टेक्टेसाक गाङेला दाक्पोन दाक्पोन जिम्मा बिन्दा ओत। थेबे नाङ गाङे भन्दा गोमाचेन येशू ख्रीष्टकी खटे खाबाते मिओन, थेबे तिरी परमेश्वर बात खित्कान्तेबा, थेरूकी परमेश्वर बात लोप्कान्तेबा फाप्क्यो। थोकराङ खाला अचम्ब अचम्बतेन्दे काम खित्कान्तेबा, नाबाते मिओनला ठाक्पा खित्च्येते शक्ति ङेता ओतातेबा, ज्येनला मद्धत खित्कान्तेबा, खाङ काम चुक खाला खिता फाप्कीते सिन छ्या स्येकान्तेबा थेमे खोपरोङगी छ्या मास्येबाते खुदुक खुदुकते भाषाला बात खित्कान्ते मिओन फाप्क्यो।
थोकराङ खाला ख्योकोनताङ ओताते सेरताङ चाँदीङ खिये खाला डुइओ। था परमेश्वरगी मि गाङे न्याय खिते छोमु ख्योकोन सेर चाँदी थोक खाईन खिये खाबाते थोङजीन ख्योकोनगी खेराङला लेमु ओङच्येते कामकामा खादुक सिन परमेश्वरगी छ्या स्येक्यो। ख्योकोन सेर चाँदी थोक डोच्या खाईन ज्याक्पेकी ख्योकोन मेकी छिक्ला सोला डुइओ। ख्योकोनगी था परमेश्वरगी मि गाङे न्याय खिते छोमु सजाय ङेताला सम्पत्ति साकीन ज्याक्ला दुक।
ကြော်ငြာတွေ