गाल्गीन ज्यीबाराङ मिक्किता खाईन थेरू जम्मा ओङाते मिओनला येशू बात लोपाला स्यूसुङ। प्रिस्किलाताङ अक्वीलाङ थेरू ओतान। थेकी थेरू लापाते बात थोनामेई दि मिकी येशू बात गाङे लेमु खाईन छ्या स्येबा मेताक्वा सिन छ्या स्येकीन थेबा ङिबोकी थेला खोपरोङ खाम्बापा खेरगीन थेकी छ्या मास्येबाते बातओन लेमु खाईन लाप्कीन बिन्सुङ।
शक्ति काम 19:23 - जिरेल23 थे बेलाला येशू बातकी खित्सादु एफिससदु ज्यीबा लाङच्याज्यीक हूलदङ्गा ओङसुङ। အခန်းကိုကြည့်ပါ။ |
शक्ति काम 19:23
10 ပူးပေါင်းရင်းမြစ်များ
तर कोई कोईकीचेन थेकी लोप्च्येते येशू बात बान्दा माङेन्सुङ। मि गाङे दोन्दु थेबेकी दिकी लोप्च्येते बात सत्यते ईनराङ मेन, दि बात ङेन्दा मेङगो सिन सासुङ। थेबेकी थोक खानामेई थरिङमेई ङा दुरू लोपराङ मोलोबो सिन पावल थेरू येशू चेलाओनला टीकीन थे मिटिङ खित्च्येते खाम्बा ताङगीन गाल्सुङ। थेमे टिरान्नस सिराते मि स्कूलपा गाल्गीन थेरू जम्मा ओङाते मिओनला ङीमे ठाङमा येशू बात लाप्सुङ।
थेकी दमस्कस सारनापा गाल्ला थेपा येशू बात ङेन्गीन थे छ्य्वापा लै खाबाते मि गाङेला चाल्ला ख्योओ मि, फेम्मे मि गाङेला जुम्ला यरूशलेमपा खुलाङच्ये विचार खासुङ। थोगी थेकी गाङे भन्दा छ्येते पूजारी ओत्सादु गाल्गीन दमस्कसदु ओताते यहूदीओनते मिटिङ खित्च्येते खाम्बा खाम्बे छ्येते मिला थेला थोक खिताला मद्धत बिन सि सिन चिट्ठी टिकीन नाङ खासुङ।
थोक खाला फार छुर डुइनराङ देता फाप्जीन ङा पालोताङ पालो भल ग्यासालाङ फाप्सुङ। पालोताङ पालो डाँकाओन लाःक्तुङ फाप्सुङ। पालोताङ पालो ङाराङला नाम सेत्कीताना सिन ङे ङाराङ यहूदीओन थेमे ज्येन ज्येन जातकी मि ज्यीबा खुरगीन ख्याम्बा फाप्सुङ। सारगी नाङला युक्जीन ईन्स्यीत, खाम्बाताङ युल छ्याःङ मेत्साला ख्याम्जीन ईन्स्यीत, समुन्द्रदुकी खाला डोसाला ईन्स्यीत थेमे येशू ख्रीष्टला विश्वास खित्कान्ते ईन सिरकान्तेबा तर थोक मेन्देकी ङाला मेलेबा खिता छोल्कान्ते मिओन नाङला ईन्स्यीत जहाँदुङ जहिलेङ ङाला ज्यीबाकामा ओतान।
थोकराङ खाला थाराङ मि लाक्पे दुताक सा फाप्सीनोङ, जेलदु देता फाप्सीनोङ, ङेराङ विरोधला हूलदङ्गा खासीनोङ ङ्योकोन खपेराङ खाला देत्क्यो। दोस्यिककामा मेन, ङीन नुप स्याप स्याप खाला काम खिता फाप्सीनोङ, मिक छुम मिक्किता खाला जागोराङ देत्ला नुप स्येन्दा फाप्सीनोङ थेमे त्वाबा तुक्पाराङ देता फाप्सीनोङ दोकराङ खिओ।
ङ्योकोन दोक्ते मि ईन सिन लेमु खाला छ्या ओत्सीनोङ मिकी ङ्योकोन चुक्ते मि ईन्दे सिन छ्या स्येबा मेता च्योकराङ खिदुक। पालोताङ पालो था नाम स्यिइताना सिराच्योक खाईन देता फाप्सीनोङ ङ्योकोन थोरूमसाक दि धर्ती लाक काम्बा चुला ख्याम्गीनराङ ओत। थेमे ङ्योकोन च्येते खाला ङेराङ काम खिता तोङस्यीत सिन ङ्योकोनला दुकीन सेता चाल्सीनोङ थोरूमसाक स्यापराङचेन मेत।
ကြော်ငြာတွေ