शक्ति काम 19:2 - जिरेल

² थेमे थेकी थेबाला “ख्‍योकोनगी येशूला विश्‍वास खानामेई परमेश्‍वर आत्‍मा ङेत्‍सुङाना माङेत्‍सुङा?” सिन ठिजीन थेबेकी “परमेश्‍वर आत्‍मा ओत सिरच्‍येते बातनी ङ्योकोनगी थरिङकामा थोसुङ। थे बातनी थातासाक थोबाङ मेतान,” सिन सिदुक।

शक्ति काम 19:2 ပူးပေါင်းရင်းမြစ်များ

यूहन्‍ना 7:39

दि बात थेकी थे खोरोङला विश्‍वास खित्‍कान्‍ते मिओनगी तिरी परमेश्‍वर आत्‍मा ङेत्‍क्‍यो सिन सिराला साबा ओतान। परमेश्‍वरगी येशूला स्‍यिसादुकी सोम्‍बो लोक्‍ला स्‍वर्गने खेरच्‍येते काम थोरूमसाक खाबा मेतेकी परमेश्‍वरगी थेजीनसाक सुङलाङ परमेश्‍वर आत्‍मा बिन्‍दा मेतान।

शक्ति काम 10:44

पत्रुस थोक सिन बात खिनराङ ओतान। थे बात खिन खिनलाराङ थेरू बात ङेन्‍कान्‍ते मि गाङेकी परमेश्‍वर आत्‍मा ङेत्‍सुङ।

शक्ति काम 19:5

पावलगी दि बाततेबा लाप्‍कीन बिन्‍नामेकी थे मिओनला प्रभु येशू मिनगी छ्य्‌वापेई बप्‍तिस्‍मा बिन्‍सुङ।

शक्ति काम 2:17

थेकीचेन ‘परमेश्‍वरगी च्‍यि सिका सासीन था दि जुग सिन्‍दे खाला ङा मि गाङेला ङाराङ आत्‍मा तेरग्‍यो। दोक ओङनामेई ख्‍योकोन फुज्‍युङ फुमुबेकी ङे सिर च्‍युताते बात खिओ। थेमे स्‍याराते मिओनला ङा मिलाम खित ज्‍युताच्‍योक खाला ङे खिता चालाते कामओन तेन्‍ला तेरग्‍यो। थोकराङ खाला गान्‍दाते मिओनताङ ङा मिलामला बात खिओ।

रोमी 1:11

ङाला ख्‍योकोनला ठेता आउदी सेम ओत। दोक खाईन ङुरूङ ठेता ङेत्‍सीन परमेश्‍वर आत्‍मेकी तेरच्‍येते सीपताङ शक्ति ख्‍योकोनगीङ ङेत्‍स्‍यीत सिन लाप्‍ला तेरा थुप्‍च्‍या ओतान। दोक खाईन ख्‍योकोनगीङ थोक्‍ते सीपताङ शक्ति ङेत्‍नामेई प्रभु येशूला झन लेमु खाला विश्‍वास खिता थुप्‍च्‍या ओतान।

१ कोरिन्‍थी 6:19

परमेश्‍वरगी ख्‍योकोनला बिन्‍दाते परमेश्‍वर आत्‍मा ख्‍योकोन नाङ देत्‍क्‍यो। थोगी ख्‍योकोन जीउ परमेश्‍वर आत्‍मे मन्‍दिर ईन सिन च्‍यि ख्‍योकोनला छ्या मेत? थोक ईन्‍देकी ख्‍योकोनगी खेराङ खुशी खिता मेङेदो। परमेश्‍वर ख्‍योकोन मालिक ईन।

गलाती 3:5

थेमे परमेश्‍वरगी ख्‍योकोनला थे खोरोङ आत्‍मा तेरगीन देत्‍च्‍येते थेमे ख्‍योकोन नाङ अचम्‍ब अचम्‍बते काम खित्‍च्‍येते ख्‍योकोनगी परमेश्‍वर नियमला खि साबाते ङेन्‍देकी खित्‍सादु ईन्‍दाना खेराङला लापाते बात ङेन्‍गीन येशू ख्रीष्‍टला विश्‍वास खिन ओतेकी ईन्‍दे?