शक्ति काम 18:3 - जिरेल

³ थेबा जाप्राङ ङिकाराङ पाल जोकान ओतान। पावलगीङ गोमा पाल जोच्‍येते लापा ओतेकी थेबाताङ ङ्योम्‍बु देत्‍कीन पाल ज्‍वाप्‍ला स्‍यूसुङ।

शक्ति काम 18:3 ပူးပေါင်းရင်းမြစ်များ

१ कोरिन्‍थी 4:12

साप थुङाताङ खोन्‍दे लाईदु ङ्योकोन स्‍याप स्‍याप खाला काम खिओ। ङेराङला मोता सराप खित्‍कान्‍ते मिओनला ङ्योकोन आशी तेरग्‍यो। थेमे ज्‍येनगी खेदापानी खित्‍जीनोङ ङ्योकोन छ्याःङ मिक्‍किता खाला खपेराङ खाला देत्‍क्‍यो।

१ कोरिन्‍थी 9:14

होदोकराङ खाला गा लाङच्‍येते बात लोप्‍कान्‍तेबेकीङ थे कामगी छ्य्‌वापेकीराङ खोपरोङ जीउ पाला खित्‍स्‍यीत सिन प्रभु येशूकी कोता ओत।

१ कोरिन्‍थी 9:15

दोक खाला ङेते नाङ सिरच्‍येते अधिकार ओत्‍सीनोङ ङे थोरूमसाक सुङताङ छ्याःङ लाबा मेत। ङाराङला गोच्‍येते ख्‍योकोनताङ नाङ सिराप सिनोङ ङे दि बात टिबाते मेन। ख्‍योकोनताङ खइँदा लाला गा लाङच्‍येते बात लोपा भन्‍दानी बरू ङाला स्‍याप्‍ते लेमु लाङगीदुक। च्‍यिला सासीन सुङताङ छ्याःङज्‍यीक खाङज्‍यीक मिलिन्‍दा खाला दि काम खित्‍जीनराङ ङाला आउदी गा लाङगीदुक, दि बातलाचेन ङा छ्येराङ खिओ।

१ कोरिन्‍थी 9:18

थोक सासीन च्‍यि ङे छ्याःङ इनाम मेङेदो? ङाराङला गोच्‍येते ज्‍येनताङ लिन्‍च्‍येते अधिकार ओत्‍सीनोङ ङा सुङताङ छ्याःङ मिलिन्‍दा खाला गा लाङच्‍येते बात लोप्‍क्‍यो। ङे दोक खित्‍च्‍येतेराङ ङे ङेत्‍च्‍येते इनाम ईन।

२ कोरिन्‍थी 11:7

थेमे ख्‍योकोनला लेमु ओङस्‍यीत सिन ङे छ्याःङ छ्ये मिक्‍किता खाईन काम खाबाप। दोक खिन ख्‍योकोनला छ्याःङज्‍यीक खाङज्‍यीक मिलिन्‍दा खाईन परमेश्‍वरते गा लाङच्‍येते बात लाप्‍कीन बिन्‍दाते च्‍यि ङे मेलेबा काम खाबाते ईनरो?

२ कोरिन्‍थी 11:9

ख्‍योकोनताङ ङ्योम्‍बु देत्‍जीन ङाराङला मादाङजीनोङ ङे सुङताङ छ्याःङ नाङ मासा। ङाला खाँचो परे खाबे बेलाला म्‍यासिडोनियादुकी ओङकान्‍ते आज्‍यो न्‍वाओनगी पैसा खुलाकीन बिन्‍दा ओतान। दोक खाईन ङे ख्‍योकोनला गोमाबाङ छ्याःङज्‍यीक खाङज्‍यीक दुक्‍पा माबिन, थाङ नोमुङ थोक मिक्‍किओ।

२ कोरिन्‍थी 12:13

च्‍यि ङे ख्‍योकोनला ज्‍येन ज्‍येन ठाउँकी येशू ख्रीष्‍ट मिओनला भन्‍दा खुदुकराङ खासुङ साबाप? ईन, कामज्‍यीकचेन ङे खुदुकराङ खाबा ओतान। च्‍यि सासीन ङे ख्‍योकोनताङ छ्याःङज्‍यीक खाङज्‍यीगोङ नाङ मासा। ङे थोक माक्‍यासुङ सिन ङात्ताङ स्‍येदाङ माकेत।

१ थिस्‍सलोनिकी 2:9

आज्‍यो न्‍वावे, ख्‍योकोनला परमेश्‍वरते गा लाङच्‍येते बात लोप्‍जीन ख्‍योकोन सुङलाङ छ्याःङ दुक्‍पा तेरा माफाप्‍स्‍यीत सिन ङेराङ लाईदु साप थुङा ङ्य्‌वाप्‍ला ङीन नुप ठोत थेनथेन काम खाबाप। ङ्योकोनगी थोक खाबाते बात ख्‍योकोनगी टोक ज्‍येता मेतासीन।

१ थिस्‍सलोनिकी 4:11

थेमे ङ्योकोनगी गोमाका साबा च्‍योकराङ ख्‍योकोनगी च्‍यि खित्‍च्‍ये छ्य्‌वापा स्‍येत खिसे सासीन ख्‍योकोनगी दाक्‍पोन दाक्‍पोन लाक रेरे खि। ज्‍येनला लोप्‍च्‍येते कोत्‍च्‍येते छ्याःङ खाँचो मेत्‍सीनोङ थेबाला दोक खि, थोक खि सिन लोपा कोता चाल्‍ला दुक्‍पा मातेर। दाक्‍पोन दाक्‍पोन पाखुरा चले खाला सो।