शक्ति काम 18:15 - जिरेल

¹⁵ तर ख्‍योकोन उजूर बात खालि खेराङ रीतिथितिताङ खेराङ धर्मे नियम माङेन्‍सुङ सिराकामा ओतेकी दि बात खेराङगीराङ डिक्‍पा खि। दोक्‍ते बात ताच्‍येते ङाला छ्याःङ खाँचो मेत,” सिन

शक्ति काम 18:15 ပူးပေါင်းရင်းမြစ်များ

मत्ती 27:24

थेकी जे खित्‍जीनोङ छ्याःङ सीप लै माक्‍यासुङ। बरू थेरू मिओनगी हूलदङ्गाका मच्‍चे खाओङ सिराच्‍योक गालेकी थेकी गाङे दोन्‍दु लाक्‍पा ठुत्‍कीन “लो ख्‍योकोन दि बात छ्या स्‍येबा खि, दि गल्‍तीराङ मेताते मिला सेताते ङेते छ्याःङ दोष मेत। दिला सेत च्‍युताते ख्‍योकोनगीराङ ईन,” सिन सासुङ।

मत्ती 27:4

थेमे थेकी थेबाला “छ्याःङ दोष मेताते मिला ङे थाराङ धोका बिन्‍दुक, ङेनी पापका खादुक,” सिन सिरजीन थेबेकीचेन “ङ्योकोनलाका च्‍यि सिते? था खोरोङ जेसुकै खि,” सिन सिदुक।

यूहन्‍ना 18:31

थोक सिरजीन थेकी “दि मिला ख्‍योकोन खेराङगीराङ खेरला खेराङ धर्मे नियम ताला न्‍याय खि,” सिन सिदुक। थोक सानामेकी थेबेकी “ङ्योकोनगी सुइँदा मि सेता रोमी गेल्‍बो नियमताङ मिडिगो,” सिन सिदुक।

शक्ति काम 18:13

थेमे थेबेकी थे हाकिमला “हजूर, दि मिकी परमेश्‍वरला माने खिताला दोक दोकका खिता फाप्‍क्‍यो सिन नियमताङ डिकराङ मिडिक्‍च्‍येते मेन्‍दा मेन्‍दे बात दुरू मिओनला लोप्‍कीदुक,” सिन सासुङ।

शक्ति काम 23:29

दिला उजूर खित्‍कान्‍तेबेकी दिकी दिबा खोपरोङ धर्मे नियम माङेन्‍सुङ सिन साबा ओताक्‍वा। दिला सेताराङ फाप्‍च्‍येतेताङ जेलदु लुबा फाप्‍च्‍येते मेलेबा काम दिकी छ्याःङ खाबा मेताक्‍वा।

शक्ति काम 25:11

ईन्‍सीनोङ ङाला सेताराङ फाप्‍च्‍येते ङे खइँदा गल्‍ती खाबा ओत्‍सीन ङा स्‍याप्‍ला नाइँ मिसिरो। दिबेकी ङाला लै खाबाते दोष पक्‍काराङ ईन सिन छ्याःङ प्रमाण तेन्‍दा माथुप्‍नामेई न्‍याय खिताला ङाला सुङगीङ दिबे लाःक्‍तु सोम्‍पे खिता मुथुबो। ङे मुद्धा रोमी गेल्‍बोकीराङ तारस्‍यीत,” सिन सिदुक।

शक्ति काम 25:19

थेबेकी खालि थेकी खोपरोङ धर्मे बातताङ मिडिक्‍च्‍येते काम खासुङ सिन सिदुक। थेमे येशू सिराते स्‍यिइन सिन्‍दाते मिज्‍यीक बातला थेबा थेत्ताङ बान्‍दा मिडिक्‍च्‍याक्‍वा सिनोङ ङे छ्या स्‍येसुङ। लोक्‍ला थे मिचेन थे येशू सिराते मि स्‍यिइनोङ सोम्‍बो लोक्‍पा ओत सिन सिरच्‍याक्‍वा।

शक्ति काम 26:3

च्‍यिला सासीन यहूदीओन रीतिथिति चुक ओते थेमे खोपरोङ धर्मे बात खित्‍जीन खाङ बातला थेबा मिडिक्‍ते सिन गेल्‍बो खोल्‍ला लेमु खाला छ्याराङ ओत। था दुक्‍पा माने मिक्‍किता खाला ङे बात ङेन्‍ला नाङ सिन ङा बिन्‍ती खिओ।

१ तिमोथी 1:4

थेमे थेबाला छ्याःङ काम लै मिक्‍किच्‍येते कथा थेमे थाङबो थाङबोमे वंशावली बात खाला दिन तोङच्‍येते माकेत सि। थोक्‍ते बात खित्‍जीन खालि टेकाटेउरीकामा स्‍योरग्‍यो, नोमुङ डिक्‍च्‍येते बात मेङगो। थोक्‍ते बात खित्‍कान्‍ते मिओनगीचेन परमेश्‍वरगी मिओन नाङ खिता चालाते काम मिक्‍किओ। येशू ख्रीष्‍टला लेमु खाला विश्‍वास खालाकामा परमेश्‍वरगी खिता चालाते काम खिता थुप्‍क्‍यो।

१ तिमोथी 6:4

थोक्‍ते मिओनगी गाङे बात छ्या ओताच्‍योक खाईन छ्ये खासीनोङ थेबेकीनी च्‍यि बात चुक ईन्‍दे सिन छ्याःङ खोबा मेङगो। थेबेकीचेन टेकाटेउरी स्‍योरच्‍येते छ्याःङ काम लै मिक्‍किच्‍येते बातकामा देन्‍दा चाल्‍ला होथोक्‍ते बातकामा छोल्‍गीन ख्‍याम्‍ग्‍यो। थोक्‍ते बात खित्‍जीन खालि स्‍येदाङ लाङच्‍येते, डिक्‍ला थुन्‍ला देता मुथुप्‍च्‍येते, मि मोत्‍च्‍येते, शंका खाला ईनराङ मेन्‍दे दोष लै खित्‍च्‍येते

२ तिमोथी 2:23

थेमे छ्याःङ काम लै मिक्‍किच्‍येतेताङ ईनराङ मेन्‍दाते बात खासीन खालि थोम्‍मु जीङगाकामा स्‍योरग्‍यो सिन खोल्‍ला छ्याराङ ओतेकी होदोक्‍ते बात खित्‍कान्‍ते मिओनताङ खुई थोक्‍ते बात छ्याःङ माकेत।

तीतस 3:9

तर बात खाला नोमुङ डिक्‍पा मुथुप्‍च्‍येते छ्याःङ काम लै मिक्‍किच्‍येते थाङबो थाङबोमे वंशावली बातओन खित्‍च्‍येते थेमे परमेश्‍वर नियम बात खाला टेकाटेउरी खिन थोम्‍मु खित्‍च्‍येतेचेन नोमुङ माकेत। थोक्‍ते बात खाला डिक्‍च्‍येतेताङ सुइँदाला लेमु ओङच्‍येते सिराते नोमुङ छ्याःङ मेङगो।