शक्ति काम 17:32 - जिरेल32 पावलगी परमेश्वरगी स्याप्ते मिला सोम्बो लोक्पा ओत सानामेई थेरू ओताते कोई कोई मिकी “दोक बादोङ चुक खाला ओङगीतेरो,” सिन थेला आउदी खाईन खिस्यी खासुङ। तर कोईकीचेन थेला “दि बात ङ्योकोनला था तिरीङ पालोई लाप्ला नाङ,” सिन सासुङ। အခန်းကိုကြည့်ပါ။ |
शक्ति काम 17:32
23 ပူးပေါင်းရင်းမြစ်များ
थेबेकी चुक साबा ओताने सासीन ‘ङे बातला ईनराङ मेन सिन खिस्यी खित्कान्ते मिवे, लेमु खाला ङेन। ङा ख्योकोन नाङ कामज्यीक खिओ। थे काम च्यि ईन्दे सिन सुइँदेकी ख्योकोनला लेमु खाईन लाप्कीन बिन्सीनोङ ख्योकोनगीचेन परमेश्वरगी थोक खाबाते ईनराङ मेन सिन पत्ते मिक्किओ। थोगी ख्योकोन गाङे सजाय ङेत्ला स्यिइओ,’ सिन परमेश्वरगी साबाते बात टिबा ओतान,” सिन सिदुक।
थे मि रूक्सादु इपिक्युरीताङ स्तोइकी सिरातेन्दे पाटी गुरूओनोङ ओतान। पावलगी लापाते येशू बात थेमे स्यिनामेकी याङराङ सोम्बो लोइओ सिरच्येते बात थोजीन थेत्ताङ छलफल खिन थेबे नाङ लालेकी “दि फतफते बादोङ च्यि ङेन्च्ये?” सिन सासुङ। लालेकीचेन “दिकी ज्येन लुङबे ल्हे बात खित्च्या ईन्दा च्यिन्दा,” सिन सासुङ।
च्यिला सासीन थेकी ङीमा लेनज्यीक सुङलाङ काका पाका मिक्किता खाला मि गाङेते न्याय खिओ। थे छोमु सु सुला चुक चुक खिता फाप्कीका सिरच्येते टुङ्गोचेन थेकी छाने खाबाते मिज्यीगी खिओ। थे मि थे खोरोङगीराङ छाने खाबाते ईन सिन मिओनगी छ्या स्येस्यीत सिन थेकी थेला स्यिसादुकी सोम्बो लोक्पा ओत,” सिन बात खासुङ।
मिओनगी परमेश्वरगी साबा साबा च्योकराङ खिता फाप्च्येते, दाक्पोन सेम काबूला ज्य्वाबा फाप्च्येते थेमे परमेश्वरगी मि गाङे न्याय खित्च्येते दिन ओङगो सिनोङ लाप्कीन बिन्सुङ। थेकी दि बातओन खित्जीन ज्यीबा लाबेकी फेलिक्सकी थेला “लो थरिङ दोस्यिकराङ ओङसुङ। ज्येन बात खिताला फुर्सत ङेत्नामेई ङा ङारो ना लोक्ला खोल्ला कातोङामीन,” सिन थेला थेरूकी ताङसुङ।
ख्रीष्टकी मि ईन्देकी ङ्योकोनचेन छ्याःङ मेस्येकान्ते लेम्बाते मि च्योक ओङा ओत। तर ख्रीष्टकी खित्सादु ख्योकोननी आउदी च्याङबो गाल्दुक। थेमे ङ्योकोन छ्याःङ खिता मुथुप्कान्ते मि ईन। ख्योकोनचेन जेङ खिता थुप्कान्ते ईन। थोकराङ खाला मिओनगी ङ्योकोनला दिबाङ सु ईन्देरो सिराच्योक खिदुक। ख्योकोनलाचेन गाङेकी मान खिओ।
परमेश्वर बातला परमेश्वरगी च्यि साबा ओते सासीन “ङाराङगी ख्योकोनला लेमु खिता फाप्च्ये बेलाला ङे ख्योकोन बिन्ती ङेन्गीन लेमु खाबान। ङे ख्योकोनला पापताङ दुक्पादुकी डेला फाप्च्ये बेलाला पापताङ दुक्पादुकीङ टालान,” सिन साबा ओत। ङा ख्योकोनला च्यि सिते सासीन परमेश्वरगी लेमु खित्च्येते थेमे पापताङ दुक्पादुकी डेल्च्येते समय थरिङोलाराङ ईन।
ကြော်ငြာတွေ