शक्ति काम 17:21 - जिरेल

²¹ थेबेकी च्‍यिला पावलला थोक साबा ओताने सासीन थे सारगी मि थेमे ज्‍येन लुङबादुकी थेरू देताला वाबाते मिओन काल्‍बा च्‍योक्‍ते गाङेराङ गोमा थोबा मेताते साम्‍बा साम्‍बाते बात खालाकामा ङीन तोङगीन ओतान।

शक्ति काम 17:21 ပူးပေါင်းရင်းမြစ်များ

शक्ति काम 17:15

पावलला केल डोकान्‍ते मिओनगी थेला एथेन्‍स सारनापा क्‍याल्‍गीन बिन्‍सुङ। थेमे थेकी थेबाला “खाँपा लेप्‍ला च्‍याला सिलासताङ तिमोथीला थुप थुपला होत्ता देपा स्‍योक्‍लो सिन सिसा,” सिन सिदुक। थेरूकी थे मिओनचेन खोपरोङ खाम्‍बापा ग्‍युरगीन लिच्‍युङ।

शक्ति काम 17:16

सिलासताङ तिमोथीला एथेन्‍सदु गुला देत्‍जीन पावलगी थेरू मन्‍दिरताङ ल्‍हे मूर्ति आउदी काल्‍बेई थोङसुङ। थोक थोङजीन थेरू मिओनगी परमेश्‍वरला माने मिक्‍किच्‍याक्‍वा सिन पावलला आउदी मेलेबा लासुङ।

शक्ति काम 17:20

खुई साबाते दि ल्‍हे बातनी ङ्योकोनगी नोमुङ थोबा मेत। दि बात च्‍यि ईन्‍दे ङ्योकोनलाङ लेमु खाला लाप्‍ला नाङ,” सिन सिदुक।

शक्ति काम 2:10

थेमे लाला फ्रिगिया, पामफिलियाताङ मिश्रे मिओन ईन। थोकराङ खाला कोई लिबिये लुङबेते साइरेनी सारगी छेउकी नाङपेते ईन। कोई रोम सारदुई वाबाते ईन। ङुरूङ कोई यहूदीओन थेमे कोई यहूदी धर्म माने खिताला स्‍यूबाते ज्‍येन ज्‍येन जातकी मि ईन।

एफिसी 5:16

दि कलि जुग ईन्‍देकी दोक्‍ते काम खिता ङेत्‍च्‍येते समय था काल्‍बा मेत सिन छ्या स्‍येला दोक्‍ते कामताङ बाततेबा टोले मिक्‍किता खाला खि।

कलस्‍सी 4:5

येशू ख्रीष्‍ट मि मेन्‍दाते मिओनताङ चुक खाला बात खिता फाप्‍कीते, थेबे दोन्‍दु च्‍यि काम खिता लेमु ईन्‍दे सिन लेमु खाला विचार खाला खि। दोक्‍ते काम खिता ङेत्‍च्‍येते समय था काल्‍बा मेत सिन छ्या स्‍येला टोले मिक्‍किता खाला दोक खिन देत।

१ तिमोथी 5:13

दोस्‍यिककामा मेन, थेबे मिन गन्‍तीला टिसीन थेबा अल्‍छी ड्वा थुप्‍क्‍यो। थेमे थाराङ मि खाम्‍बा खाम्‍बाला युला ख्‍याम्‍ग्‍यो। थेबा अल्‍छी डोच्‍येतेकामा मेन, मि बात खिन ख्‍याम्‍ग्‍यो। थेमे मि काम ङ्ये ज्‍युत्‍च्‍येतेताङ खोपरोङला चासोराङ मेताते बात खिन ख्‍याम्‍ग्‍यो।