शक्ति काम 17:20 - जिरेल

²⁰ खुई साबाते दि ल्‍हे बातनी ङ्योकोनगी नोमुङ थोबा मेत। दि बात च्‍यि ईन्‍दे ङ्योकोनलाङ लेमु खाला लाप्‍ला नाङ,” सिन सिदुक।

शक्ति काम 17:20 ပူးပေါင်းရင်းမြစ်များ

मर्कूस 9:10

साबा च्‍योकराङ खाईन थेबेकीङ थे बात सुङलाङ मालाःप्‍सुङ। ईन्‍सीनोङ खोपरोङ सुमबो नाङचेन दि स्‍यिसादुकी सोम्‍बो लोक्‍च्‍येते साबाते च्‍यि ईन्‍ताका, चुक ओङगीताका सिन बात खासुङ।

यूहन्‍ना 6:60

येशूकी साबाते दि बाततेबा थेत्ताङ ख्‍याम्‍कान्‍ते ज्‍येन चेलाओन सेमला मागाल्‍सुङ। थोगी थेबा “दोक बादोङ सुई ङेन्‍गीते? दिकी साबाते बातनी सुङगीङ सेमला डोच्‍या मिन्‍दुक,” सिराला स्‍यूसुङ।

शक्ति काम 10:17

परमेश्‍वरगी मिलाम खित ज्‍युताच्‍योक खाईन थे खोरोङला दि बात तेन्‍गीन सिन्‍नामेकी दोक ओङाते च्‍यि ईन्‍ताका सिन पत्रुस विचार खिन ओतान। थे बेलालाराङ कर्नेलियसकी ताङाते मिओन थे सर्की खाम्‍बा छोल्‍गीन थे खाम्‍बे खादु लेप्‍सुङ।

शक्ति काम 17:19

थेमे थेबेकी पावलला अरियोपागस सिराते मिटिङ खित्‍च्‍येते खाम्‍बापा खेरगीन च्‍याकीन “खुई लोप्‍कीन ख्‍याम्‍बाते बात ङ्योकोनला छ्या स्‍येबा सेम लासुङ।

शक्ति काम 17:21

थेबेकी च्‍यिला पावलला थोक साबा ओताने सासीन थे सारगी मि थेमे ज्‍येन लुङबादुकी थेरू देताला वाबाते मिओन काल्‍बा च्‍योक्‍ते गाङेराङ गोमा थोबा मेताते साम्‍बा साम्‍बाते बात खालाकामा ङीन तोङगीन ओतान।

शक्ति काम 2:12

थोक खाला थेबा छक्‍क परे खिन “दि दोक च्‍यि ओङाते ईन्‍ताका?” सिन ठिरीङ खिताला स्‍यूसुङ।

१ कोरिन्‍थी 1:18

बात चुक सासीन ख्रीष्‍ट मिओनला पापकी सजायदुकी डेलाला स्‍यिङगी थामला टाँए खाईन स्‍याप्‍ते ईन सिरजीन तिरी नरककुण्‍डमा स्‍यूक्‍कान्‍ते मिओनगीचेन दि लेम्‍बे बात ईन सिन पत्ते मिक्‍किओ। दोक ईन्‍सीनोङ परमेश्‍वरगी पापकी सजायदुकी टालाते मि ङुरूङगीचेन ख्रीष्‍टकी खाबाते थे काम ताला परमेश्‍वर शक्ति चुक छ्ये ईन्‍दे सिन छ्या स्‍येबा थुप्‍क्‍यो।

१ कोरिन्‍थी 1:23

दोक ईन्‍सीनोङ ङ्योकोनचेन ख्रीष्‍ट मिओनला पापकी सजायदुकी डेलाला स्‍यिङगी थामला टाँए खाईन स्‍याप्‍ते ईन सिन मिओनला लोप्‍क्‍यो। दि बात लोप्‍जीन यहूदीओनचेन दिनी परमेश्‍वर विरोध खाबाते ईन सिन स्‍येदाङ खिदुक। थेमे ग्रीकओनचेन दि लेम्‍बे बात ईन सिन ङेनराङ मेङेन्‍दुक।

१ कोरिन्‍थी 2:14

परमेश्‍वर आत्‍मा ङेता मेताते मिओनगीनी परमेश्‍वर आत्‍मेकी लापाते बातओन ङेनराङ मेङेनो। दोक्‍ते बातनी थेबे लाईदु कामराङ लै मिक्‍किच्‍या लेम्‍बे बात च्‍योकका ओङगो। परमेश्‍वर आत्‍मे छ्य्‌वापेईकामा थे बात चुक्‍ते ईन्‍दे सिन छ्या स्‍येबा थुप्‍च्‍येते ईन्‍देकी परमेश्‍वर आत्‍मा ङेता मेताते मिओनगी दोक्‍ते बात छ्याःङ खोबाराङ मुथुबो।

हिब्रू 5:11

ङुरूङते गाङे भन्‍दा छ्येते पूजारी विषयला ख्‍योकोनला सिरा फाप्‍च्‍येते दोक्‍ते बात थोरूमोङ काल्‍बेई ओत। ईन्‍सीनोङ ख्‍योकोन खोले खोलेकामा खोकान ईन्‍देकी दोक्‍ते बात पालोईला सिराराङ मुथुबो।

१ पत्रुस 4:4

तर था ख्‍योकोनगी थोक्‍ते मेलेबा काम खिता ताङेकी थोरूमसाक होथोक्‍ते कामराङ खिन ओताते मिओनचेन ख्‍योकोन च्‍यिला खोपरोङगी च्‍योकराङ मिक्‍किका सिन छक्‍क परे खिदुक। थेमे ख्‍योकोनला ईन्‍दा मेन्‍दा साला ख्‍योकोन विरोध खिदुक।