शक्ति काम 16:31 - जिरेल

³¹ थेमे थेबेकी “खुई प्रभु येशूला विश्‍वास खि। दोक खासीन खोत्ताङ खुई खाम्‍बे मि गाङेला परमेश्‍वरगी पापकी सजायदुकी डेल्‍ग्‍यो,” सिन सिदुक।

शक्ति काम 16:31 ပူးပေါင်းရင်းမြစ်များ

मर्कूस 16:16

दि बात ङेन्‍ला ङाला विश्‍वास खाला बप्‍तिस्‍मा लिन्‍कान्‍ते मिला परमेश्‍वरगी पापकी सजायदुकी डेल्‍ग्‍यो। दि बात मेङेन्‍कानताङ ङाला विश्‍वास मिक्‍किकान्‍तेलाचेन परमेश्‍वरगी पापकी सजाय तेरग्‍यो।

यूहन्‍ना 1:12

दोक ईन्‍सीनोङ थे वादुक सिन मान खिन थेला विश्‍वास खित्‍कान्‍ते मिओनलाचेन थेकी परमेश्‍वर फुज्‍युङ फुमु ओङच्‍येते अधिकार बिन्‍सुङ।

यूहन्‍ना 20:31

दि बातओन टिबातेचेन येशू परमेश्‍वरगी तोङगो साबाते ख्रीष्‍ट ईन, थे परमेश्‍वर फुज्‍युङ ईन सिन छ्या स्‍येला ख्‍योकोनगी थेला विश्‍वास खित्‍स्‍यीत थेमे थेला विश्‍वास खाला नोमुङ मिसिन्‍च्‍येते जुनी ङेत्‍स्‍यीत सिनराङ ईन।

यूहन्‍ना 3:36

परमेश्‍वर फुज्‍युङला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थेला विश्‍वास मिक्‍किकान्‍ते मिकीचेन दोक्‍ते जुनी मेङेदो। थोक्‍ते मिकीचेन परमेश्‍वरगी स्‍येदाङगी चूर गाल्‍ला तेरच्‍येते सजाय ङेत्‍क्‍यो,” सिन सिदुक।

यूहन्‍ना 6:40

ङाला थे खोरोङ फुज्‍युङ दुका सिन छ्या स्‍येला विश्‍वास खित्‍कान गाङेकी नोमुङ मिसिन्‍च्‍येते जुनी ङेत्‍स्‍यीत सिरच्‍येते ङे आबेते आउदी सेम ओत। थोक्‍ते मिओनलाचेन न्‍याय खिते छोमु ङा सोम्‍बो लोइओ,” सिन सिदुक।

यूहन्‍ना 6:47

ङा ख्‍योकोनला दि बात सिओ। च्‍यि सासीन ङाला विश्‍वास खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍कीन सिन्‍दा ओत।

शक्ति काम 15:11

साँच्‍चीराङ थोक खिता मेङगो। च्‍यि प्रभु येशूकी ङुरूङलाङ थेबाला च्‍योकराङ खाईन दया खाईन पापदुकी टालाते मेनरो?” सिन सासुङ।

शक्ति काम 16:15

थेमे थे फेम्‍मे मित्ताङ थे खाम्‍बादु देत्‍कान्‍ते गाङेकी बप्‍तिस्‍मा लासुङ। थोक खानामेई थे फेम्‍मे मिकी “ङे पक्‍काराङ प्रभु येशूला विश्‍वास खिताला स्‍यूबाते ईन सिन ख्‍योकोन पत्ते खिओ सासीन ङे खाम्‍बापा देताला डुइ,” सिन ढिपी खाईन ङ्योकोनला थे मोरोङ खाँपा खेरसुङ।

शक्ति काम 16:32

थेमे थेबा ङिबोकी थे हाकिमताङ थे खाम्‍बे मि गाङेला प्रभु येशू बात लाप्‍कीन बिन्‍सुङ।

शक्ति काम 18:8

पावलगी लापाते बात ङेन्‍गीन क्रिस्‍पसताङ थे खाम्‍बे मि गाङेकी प्रभु येशूला विश्‍वास खिताला स्‍यूसुङ। क्रिस्‍पसचेन होथे मिटिङ खित्‍च्‍येते खाम्‍बेते छ्येते मि ओतान। पावलगी लोप्‍कीन ओताते बात ङेन्‍गीन कोरिन्‍थदु ज्‍येनोङ मि काल्‍बेईकी प्रभु येशूला विश्‍वास खाईन बप्‍तिस्‍मा लासुङ।

शक्ति काम 4:12

थोगी मिओनला दुक्‍पादुकी डेल्‍कान्‍ते खालि येशू ख्रीष्‍टकामा ईन। मि गाङेला पापताङ दुक्‍पादुकी डेल्‍कान्‍ते ज्‍येन सुङ मेतेकी परमेश्‍वरगी थेलाराङ दि सा लुङबादु ताङाते ईन। थेकीकामा ङुरूङला पापकी सजायदुकी डेला थुप्‍क्‍यो,” सिन सिदुक।

शक्ति काम 8:36

थेबा ङिबो थोक खाला लामला डुइन डुइनला छ्यु ओत्‍सादु ख्‍योल्‍सुङ। थेमे थे मिकी “लो तो, दुरू छ्यु ओताक्‍वा। ङाला छ्युला लुक्‍ला बप्‍तिस्‍मा नाङ, ना दोक खिताला थोरूमोङ ङे खइँदा खिता फाप्‍कीते?” सिन सिरजीन

रोमी 11:16

इस्राएलीओन बात खित्‍जीन दि बातओनोङ विचार खि। च्‍यि सासीन स्‍योबेन स्‍येक्‍जीन गोमा स्‍येबाते स्‍योबेन परमेश्‍वरला चढे खानामेई थे ज्‍येन्‍ताक गाङे थेला चढे खाबा छेतराङ ईन। थोकराङ खाला दोङबो चाप्रेन लेमु ओत्‍नामेईराङ हाँगाओनोङ लेमु ओङच्‍येते ईन।

गलाती 3:14

ज्‍येन ज्‍येन जातकी मिकीङ परमेश्‍वरगी अब्राहामला तेरग्‍यो साबाते आशी ङेत्‍स्‍यीत थेमे थेला विश्‍वास खित्‍कान्‍ते मि ङुरूङ गाङेकी परमेश्‍वरगी तेरग्‍यो साबाते थे खोरोङ आत्‍मा ङेत्‍स्‍यीत सिन येशू ख्रीष्‍ट थोक खाईन परमेश्‍वरगी ङुरूङला सराप बिन्‍ला तेरच्‍येते सजाय छ्य्‌वापेई डेलाला स्‍याप्‍ते ईन।

गलाती 3:22

बरू बात चुक सासीन सा लुङबा खाङगी मि गाङेराङ परमेश्‍वर नियम माङेन्‍ला पापकामा खित्‍च्‍येते बानी थ्‍वाबाते ईन सिन परमेश्‍वर बातला साबा ओत। थोक ईन्‍देकी थेकी जमान खाईन तेरग्‍यो साबाते आशीचेन परमेश्‍वरगी येशू ख्रीष्‍टला विश्‍वास खित्‍कान्‍ते मिओनलाकामा तेरग्‍यो सिरच्‍येते बात पत्ते खित्‍कान्‍ते मिओनला तेरग्‍यो।

गलाती 3:26

येशू ख्रीष्‍टला विश्‍वास खाबेकी खित्‍सादु था ख्‍योकोन गाङेराङ परमेश्‍वर फुज्‍युङ फुमु ओङाते ईन।