शक्ति काम 16:19 - जिरेल

¹⁹ पावलगी थे ल्‍हन्‍डीकला तेन्‍गीन ताङनामेकी थे फेम्‍मे फिजेते पैसा जोच्‍येते लामराङ तोरसुङ। थोक ओङाते थाहा छ्येत्‍कीन थे फेम्‍मे फिजे मालिकतेबा पावलताङ आउदी खाईन स्‍येदाङ खासुङ। थेमे थेबेकी पावलताङ सिलासला जुम्‍ला ठुत्‍कीनकामा अड्डादु खेरसुङ।

शक्ति काम 16:19 ပူးပေါင်းရင်းမြစ်များ

मत्ती 24:9

ख्‍योकोनला दुक्‍पा तेरस्‍यीत थेमे सेत्‍स्‍यीत सिन थेजीन ज्‍येनगी ख्‍योकोनला जिन च्‍युत्‍ला छ्ये छ्ये मि लाःक्‍तु सोम्‍पे खिओ। ङे मि ईन्‍देकीराङ गाङे लुङबा लुङबाला मिओनगी ख्‍योकोनला मिगी थोङसार्मु खिओ।

मर्कूस 13:9

दि बातओन छ्या स्‍येला ख्‍योकोन च्‍याङबो खाला देत। थेजीन ज्‍येनगी ख्‍योकोनला जुम्‍ला मिटिङ खित्‍च्‍येते खाम्‍बादु ओताते अड्डे छ्ये छ्ये मि दोन्‍दु केल्‍ग्‍यो। थेरू क्‍याल्‍ला ख्‍योकोनला दुङगो। दोस्‍यिककामा मेन, ख्‍योकोनला रोमी गेल्‍बो हाकिमओन थेमे गेल्‍बोओन दोन्‍दुङ केल्‍ग्‍यो। ङे मि ईन्‍देकीराङ ख्‍योकोनला दोक दोक खिओ। थेजीन ख्‍योकोनगी थेबाला खेराङ च्‍यिला ङाला विश्‍वास खिते सिन लाःपा ङेत्‍क्‍यो।

शक्ति काम 14:19

थे तिरी एन्‍टिओखियाताङ आइकोनियमदुकी कोई कोई यहूदी थेरू लेप्‍कीन थेरू मिओनला उल्‍के खाईन खोपरोङ छ्य्‌वापा लै खित च्‍युत्‍सुङ। थेमे थे यहूदीओनगी पावलला सेता फाप्‍क्‍यो सिन थेला आउदी खाईन दोईकी ग्‍याप्‍सुङ। थेमे थे स्‍याप्‍सीन सिन थेला सारदुकी ठुत्‍कीन खेरगीन पाङला क्‍युरसुङ।

शक्ति काम 14:5

थेबे विरोध खित्‍कान्‍ते यहूदीओनताङ ज्‍येन ज्‍येन जातकी मिकीचेन खोपरोङ छ्ये छ्ये मित्ताङ डिगीन थेबा ङिबोला खइँदा माक्‍याबाला मेङगो सिन दोईकी ग्‍याप्‍ला सेताला ठो खासुङ।

शक्ति काम 15:22

याकूबकी थोक सानामेकी थेरू येशू ख्रीष्‍टकी खटे खाबाते मिओन, येशू ख्रीष्‍ट मिओनला ताकान्‍तेबा थेमे येशू ख्रीष्‍ट मि गाङेकी थे बात ङेन्‍गीन “लो था ङुरूङगी ङुरूङ नाङदुई कोई कोईला छाने खाला च्‍याला पावल थेमे बारनाबासताङराङ एन्‍टिओखियापा तोङगी,” सिन सल्‍लाह खासुङ। थेमे खोपरोङ नाङदुई बारसाबास सिराते यहूदाताङ सिलासला छाने खासुङ। थेबा ङिबोचेन थेरू खोपरोङ नाङ छ्येते मि ओतान।

शक्ति काम 15:26

ङुरूङ प्रभु येशू ख्रीष्‍ट सु ईन्‍दे सिन लोप्‍जीन दिबेकी झन्‍दै खोपरोङ ज्‍यानगी मायाङ मारे खिता फापा ओतान सिननी ख्‍योकोनलाङ छ्याराङ ओतासीन।

शक्ति काम 15:40

पावलगीचेन सिलासला थेत्ताङ खेरच्‍ये विचार खासुङ। थेमे पावलताङ सिलासला एन्‍टिओखियादु ओताते आज्‍यो न्‍वाओनगी प्रभु येशूकी ख्‍योकोनला दया खाला आशी तेरस्‍यीत साकीन थेरूकी ताङसुङ।

शक्ति काम 16:16

ङीमाई लोईन परमेश्‍वरला प्रार्थना खित्‍च्‍येते ठाउँनामा डोजीन ङ्योकोनगी फेम्‍मे फिजाज्‍यीकला ठेत्‍सुङ। थे फेम्‍मे फिजा योङमु ओतान। थेला खोबा ओताते ल्‍हन्‍डीक शक्तिकी खित्‍सादु थेकी ज्‍येनला तिरी ओङच्‍येते बात लाःपा थुप्‍कीन ओतान। थोगी मि काल्‍बेई थे ओत्‍सादु वाला खोपरोङला तिरी चुक चुक ओङच्‍या दुका सिन तार ज्‍युत्‍कीन ओतान। थोक खाईन थे फेम्‍मे फिजेकी जोबाते पैसाबरीचेन मालिकतेबेकी लिन्‍च्‍येते ईन्‍देकी थेबा आउदी छ्युक्‍पु गाला ओतान।

शक्ति काम 16:20

थेरू थे सारगी छ्ये छ्ये मि दोन्‍दु क्‍याल्‍गीन थेबेकी “दि मिओन ङुरूङ सारदु वाला होहल्‍ला खित ज्‍युत्‍कीदुक। दिबा यहूदी ईन।

शक्ति काम 16:25

थे छोमु ग्‍वाका नुप फेतला पावलताङ सिलासचेन परमेश्‍वरला प्रार्थना खिन थेला छ्ये जोच्‍येते लु लिन्‍गीन ओतान। थेबेकी थोक खाबाते थेरू जेलदु ओताते ज्‍येन कैदीओनगीङ थोकीन ङेन्‍गीन देता ओतान।

शक्ति काम 16:29

थेकी थोक सिरजीन थे हाकिमगी बत्ती खोरच्‍योक साकीन ज्‍यीबेकी दारगीनकामा पावलताङ सिलास ओत्‍सादु छ्य्‌वाकीन गाल्‍गीन थेबे काम्‍बा तेगीन से खासुङ।

शक्ति काम 17:6

थेपा गाल्‍ला ताजीन थेबा ङिबोला माथेप्‍नामेई थेबेकी यासोनताङ थेरू आज्‍यो न्‍वाओनलाराङ कोई कोईला जुम्‍गीन थे सारगी छ्ये छ्ये मि दोन्‍दु खेरसुङ। थेमे गाङेकी थोच्‍या खाला बात खिन थेबेकी “लो तो, सा लुङबा खाङ युला गाङेपा मि नाङ होहल्‍ला खित ज्‍युत्‍कान्‍ते मिओन दुरू ङुरूङ सारदुङ लेप्‍तुक।

शक्ति काम 21:30

थोक खाईन थेबेकी सार खाङराङ हल्‍ला खल्‍ला मच्‍चे खासुङ। थेमे सारगी मिओन थेरू फुङ पुकीन दिला सेताराङ फाप्‍क्‍यो सिन पावलला जुम्‍गीन ठुत्‍कीनकामा मन्‍दिरदुकी फिनामा तेन्‍गीन मन्‍दिर गोचेन डाम डुम च्‍येत्‍सुङ।

शक्ति काम 8:3

शावलगीचेन येशू ख्रीष्‍ट मि दोक्‍पोईलाङ बाँकी ज्‍य्‌वाबा मेङगो सिन खाम्‍बा खाम्‍बाला गाल्‍गीन ख्‍योओ मि ईन्‍स्‍यीत, फेम्‍मे मि ईन्‍स्‍यीत गाङेला जिन्‍गीन जेलला लुकीन खिताला स्‍यूसुङ।

शक्ति काम 9:16

ङा सु ईन्‍दे सिन लोप्‍जीन थेकी आउदी दुक्‍पा खपे खिता फाप्‍क्‍यो सिरच्‍येते बादोङ ङा थेला सिओ,” सिन सिदुक।

२ कोरिन्‍थी 6:5

थोकराङ खाला थाराङ मि लाक्‍पे दुताक सा फाप्‍सीनोङ, जेलदु देता फाप्‍सीनोङ, ङेराङ विरोधला हूलदङ्गा खासीनोङ ङ्योकोन खपेराङ खाला देत्‍क्‍यो। दोस्‍यिककामा मेन, ङीन नुप स्‍याप स्‍याप खाला काम खिता फाप्‍सीनोङ, मिक छुम मिक्‍किता खाला जागोराङ देत्‍ला नुप स्‍येन्‍दा फाप्‍सीनोङ थेमे त्‍वाबा तुक्‍पाराङ देता फाप्‍सीनोङ दोकराङ खिओ।

फिलिप्‍पी 1:30

गा लाङच्‍येते बात ङेन्‍गीन देताला थेमे फैले खिताला थरिङोला ख्‍योकोनगीङ ङे च्‍योकराङ दुक्‍पा खिता फापा ओत। जति दुक्‍पा ओङजीनोङ ङे चुक खाईन गा लाङच्‍येते बात लोप्‍कीनराङ देता ओताने थे ख्‍योकोनगी थोङातेराङ ईन। ङा थोरूमोङ थोकराङ खिन ओताते बादोङ ख्‍योकोनगी माथोबाते मेन।

१ थिस्‍सलोनिकी 2:2

च्‍यि सासीन ख्‍योकोन ओत्‍सापा ओङा भन्‍दा गोमा फिलिप्‍पी सारदु परमेश्‍वरते गा लाङच्‍येते बात लोप्‍जीन थेरू मिओनगी ङ्योकोनला दुकीन इज्‍जत बेइज्‍जत खाबाते बात ख्‍योकोनगी छ्या मास्‍येबाते मेन। थेरू थोक खाईन दुक्‍पा बिन्‍सीनोङ परमेश्‍वरगी ङ्योकोनला आँट बिन्‍देकी ङ्योकोनगी ख्‍योकोन ओत्‍सादु वाकीन थेरूङ थे बातराङ लापाप। थेरूङ मिओनगी आउदी दुक्‍पा बिन्‍सीनोङ ङ्योकोनगी छ्याःङ ज्‍यीबा मिक्‍किता खाईन ख्‍योकोनला थे बात लापा ओतान।

१ तिमोथी 6:10

च्‍यिला सासीन पैसे लोभकी खित्‍सादुराङ मिकी जेसुकै मेलेबा काम खित्‍च्‍येते ईन। पैसे लोभला स्‍यूकीन कोई कोईकी येशू ख्रीष्‍टला विश्‍वास खाईन ङेन्‍दाते बात ङेन्‍दा ताङला दुक। थोक खाबेकी खित्‍सादु थेबा हत्तेरिका ङे च्‍यिला थोक खाताका सिराच्‍योक गाल्‍गीन थेबे सेम पीरताङ तापकी छोला दुक।

याकूब 2:6

ख्‍योकोनचेन होथोक्‍ते मिओनलाराङ हेला खिदुक। च्‍यि ख्‍योकोनला दुक्‍पा तेरकान्‍ते थेमे मुद्धा लाङला अड्डादु केल्‍कान्‍ते छ्युक्‍पुते मिओनराङ मेनरो?