शक्ति काम 16:14 - जिरेल

¹⁴ थेबे नाङ परमेश्‍वरला माने खित्‍कान्‍ते लिडिया सिराज्‍यीगोङ ओताक्‍वा। थे थिआटीरा सिराते सारगी मि ओतान। थे मोर्मुते रंग ग्‍यापाते आउदी दामीते खोलाक बेपार खित्‍कान्‍ते मि ओतान। प्रभु येशूकी थे फेम्‍मे मिला पावलगी साबाते बातओन लेमु खाला ङेन्‍च्‍ये सेम बिन्‍देकी थेकी लेमु खाईन थे बात ङेन्‍सुङ।

शक्ति काम 16:14 ပူးပေါင်းရင်းမြစ်များ

लूका 24:45

थेमे थेकी थेबाला थे खोरोङ विषयला परमेश्‍वर बातला टिबा ओताते बातओन लेमु खाईन खोच्‍या खाईन लाप्‍कीन बिन्‍सुङ।

यूहन्‍ना 12:20

निस्‍तार चाडगी बेलाला परमेश्‍वरला माने खिताला यरूशलेमदु वाबाते मि नाङ कोई कोई ग्रीकओनोङ ओतान।

शक्ति काम 10:2

यहूदी मेन्‍सीनोङ थेत्ताङ थे खाम्‍बे मि गाङेराङ परमेश्‍वर नियम ङेन्‍ला परमेश्‍वरला माने खिन ओतान। थेकी दुक्‍पा ङेताते यहूदीओनला दुक्‍पाला तेइन ओतान। थेमे थे परमेश्‍वरला प्रार्थनाङ खिन ओतान।

शक्ति काम 11:21

थोक खाला बात लोपाला प्रभु येशूकी थेबाला आउदी खाईन आशी बिन्‍सुङ। थेमे थेरू मि काल्‍बेईकी प्रभु येशूला विश्‍वास खाईन थे छ्य्‌वापा लै खासुङ।

शक्ति काम 13:43

थेरू मिटिङ सिन्‍नामेई यहूदीओन थेमे यहूदी धर्म माने खिताला स्‍यूकीन परमेश्‍वरला माने खित्‍कान्‍ते ज्‍येन ज्‍येन जातकी मि काल्‍बेई पावलताङ बारनाबास तिरी तिरी गाल्‍सुङ। थेमे थेबा ङिबोकी थे मिओनला “परमेश्‍वरगी ख्‍योकोनला दया खाबा ओतेकी था जस्‍तो ओङसीनोङ ख्‍योकोन येशूला विश्‍वास खिनराङ देत,” सिन सिदुक।

शक्ति काम 13:50

थोक ओङजीन यहूदीओनगीचेन पावलताङ बारनाबासला लेमु मि मेन सिन थे सारगी छ्ये छ्ये मि थेमे थेरू परमेश्‍वरला माने खित्‍कान्‍ते छ्युक्‍पु छ्युक्‍पुते फेम्‍मे मिला लुकीन खोपरोङ लाःक्‍तु लासुङ। थोक खाईन थेबाबरी गाङेराङ डिगीन पावलताङ बारनाबासला दुक्‍पा बिन्‍गीन थेरूकी उरगीन ताङसुङ।

शक्ति काम 16:40

थोक खानामेकी थेबा ङिबो जेलदुकी थेन्‍गीन लिडिये खाम्‍बापा गाल्‍गीन थेरू आज्‍यो न्‍वाओनला ठेता खासुङ। थेमे थेबाला जस्‍तोराङ ओङसीनोङ येशूला विश्‍वास खिन देता मातोङ सिन आँट बिन्‍गीन थेरूकी ख्‍याम्‍सुङ।

शक्ति काम 18:7

थे मिटिङ खित्‍च्‍येते खाम्‍बादु नोमुङ मेङच्‍या खाईन ताङगीन गाल्‍सुङ। थेरूई थे येशू बात लोपाला तीतस युस्‍तस सिराते मि खाम्‍बादु गाल्‍सुङ। थे परमेश्‍वरला माने खित्‍कान्‍ते मि ओतान। थे खाम्‍बाचेन होथे मिटिङ खित्‍च्‍येते खाम्‍बे दोन्‍दुराङ ओतान।

शक्ति काम 8:27

परमेश्‍वर दूतकी साबा च्‍योकराङ खाईन फिलिप थेमाला गाल्‍सुङ। डुइन डुइन थे लामदु थेकी एथियोपिये मिज्‍यीकला ठेत्‍सुङ। थे मि एथियोपिये लुङबे कन्‍दाकी सिराते गेल्‍मुते आउदी छ्येते मि ओतान। थेचेन थे गेल्‍मुते सेर नोरताङ सम्‍पत्ति स्‍युङकान्‍ते मि ओतान। थे मि फेम्‍मे मित्ताङ ङ्योम्‍बु देता मुथुप्‍च्‍या जोबाते मि ओतान। थे परमेश्‍वरला माने खिताला यरूशलेमपा गाल्‍गीन प्रार्थना खाईन च्‍याकीन

रोमी 9:16

थोगी परमेश्‍वरगी मिला ङिङज्‍ये खित्‍च्‍येतेचेन सुइँदा मिकी परमेश्‍वरगी ङाला ङिङज्‍ये खिता फाप्‍क्‍यो सिराच्‍योक खाबेकी खित्‍सादुङ मेन, स्‍याप स्‍याप खाईन धर्म कर्म खाबेकीङ मेन। थे खोरोङगी ङिङज्‍ये खिता सेम खाबेकीकामा थेकी मिओनला थोक खित्‍च्‍येते ईन।

फिलिप्‍पी 2:13

परमेश्‍वरगीराङ खेराङ नाङ काम खित्‍च्‍येते ईन्‍देकी ख्‍योकोनला थेला मन परे खित्‍च्‍येते काम खिता सेम लाङगो। थेमे थेकीराङ ख्‍योकोनला थोक्‍ते काम खिताला शक्तिङ तेरग्‍यो। ख्‍योकोन थे खोरोङगी ज्‍वा चालाच्‍योक लेमु मि ओङस्‍यीत सिन थेकी होदोक खाला ख्‍योकोन नाङ काम खिओ।

छ्या स्‍ये च्‍युताते बात 1:11

थेकीचेन “खुई च्‍यि च्‍यि थोङगीका थे गाङे बात स्‍यिउला टिला च्‍याला एफिसस, स्‍मर्ना, पर्गामम, थिआटीरा, सार्डिस, फिलाडेल्‍फियाताङ लाओडिसिया होदि सार दुईनकारदु जम्‍मा ओङकान्‍ते येशू ख्रीष्‍ट मिओनला थोङ,” सिन सिदुक।

छ्या स्‍ये च्‍युताते बात 3:20

लो लेमु खाला ङेन। ख्‍योकोन सेमगी नाङ देताला ओङगो सिन ङा ख्‍योकोन दोन्‍दु वाला कातोङगो। ङे थोक खित्‍जीन थे सेमगी नाङ स्‍योक सिन सिरकान्‍ते मि सेमगी नाङ स्‍यूला ङा थेत्ताङराङ देत्‍क्‍यो। थेमे थेत्ताङ ङा ङ्योम्‍बुराङ भोज सेइओ।

छ्या स्‍ये च्‍युताते बात 3:7

फिलाडेल्‍फिया सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन सेमला पाप सिराते छ्याःङ मेताते, खिओ साबा च्‍योकराङ खित्‍कान्‍ते ङा सिन ओत। ङात्ताङ गेल्‍बो दाऊद सारगी गो बेत्‍च्‍येते साँचो ओत। ङे पेताते गो सुङगीङ च्‍येता मुथुबो थेमे ङे च्‍येताते सुङगीङ बेताङ मुथुबो।