शक्ति काम 15:36 - जिरेल

³⁶ थेमे टिक्‍पी तिरी पावलगी बारनाबासला “लो था ङुरूङ गोमा दाक्‍पोनगी प्रभु येशू बात लापाते सार सारला गाङेपा ग्‍युरला डुइ। थेमे थेङला आज्‍यो न्‍वाओनला च्‍यि च्‍यि ओङका, थेबा चुक दुका तार डुइ,” सिन सिदुक।

शक्ति काम 15:36 ပူးပေါင်းရင်းမြစ်များ

मत्ती 25:36

ङा पेर्दुङबाराङ ओत्‍जीन ख्‍योकोनगी खोन्‍च्‍या बिन्‍दा ओतान। नाबा ओत्‍जीन ख्‍योकोनगी ङाला लेमु खाईन ताबा ओतान। थोकराङ खाईन ङा जेलला देता फापे बेलाला ख्‍योकोन ङाला ठेता खित वाबा ओतान,’ सिन सिओ।

मत्ती 25:43

ङा मि लुङबे मि च्‍योक ओत्‍जीन ख्‍योकोनगी ङाला डोम्‍बो सिन नोमुङ छ्याःङ खाबा मेतान। ङा पेर्दुङबाराङ ओत्‍जीन खोन सिन ख्‍योकोनगी ङाला छ्याःङ बिन्‍दा मेतान। ङा नाबा ओत्‍जीन थेमे जेलदु फापा ओत्‍जीन ख्‍योकोन ङाला तारोङ वाबा मेतान,’ सिन सिओ।

शक्ति काम 13:12

थेला थोक ओङा थोङगीन थे हाकिम छक्‍क परे खासुङ। थेमे थेकी पावलबेकी लोप्‍च्‍येते प्रभु येशू बात पक्‍काराङ सत्‍यते दुका सिन येशूला विश्‍वास खिताला स्‍यूसुङ।

शक्ति काम 13:4

थोक खाईन परमेश्‍वर आत्‍मेकी बारनाबासताङ शावलला थेरूकी ताङनामेकी थेबा सिल्‍युसिया सारनामा गाल्‍सुङ। थेमे थेरूकी पानीजहाजला जेकीन समुन्‍द्रे किल्‍दु ओताते साइप्रस लुङबापा गाल्‍सुङ।

शक्ति काम 13:51

थेरूकी थोक खाला उरला तोङजीन पावलताङ बारनाबासकीङ थे मिओनतेराङ गल्‍ती ईन सिराला खोपरोङ काम्‍बाला खोबाते थाला समेदोङ टाक टाक खाईन एन्‍टिओखियादुकी थेन्‍गीन आइकोनियमपा गाल्‍सुङ।

शक्ति काम 14:1

आइकोनियमदु लेप्‍नामेकी पावलताङ बारनाबासकी ज्‍येन ठाउँला च्‍योकराङ खाईन यहूदीओनते मिटिङ खित्‍च्‍येते खाम्‍बादु गाल्‍गीन थेरूङ बात खिताला स्‍यूसुङ। थेबा ङिबोकी येशू बात आउदी लेमु खाईन लापेकी थेरू यहूदीओनताङ ज्‍येन ज्‍येन जातकी मि काल्‍बेईकी थे बात ङेन्‍गीन येशूला विश्‍वास खिताला स्‍यूसुङ।

शक्ति काम 14:21

थेपा लेप्‍नामेकी थेरूङ थेबा ङिबोकी मिओनला गा लाङच्‍येते बात लाप्‍सुङ। थेबे बात ङेन्‍गीन थेरूङ मि काल्‍बेई येशू चेला ओङसुङ। तिरी थेबा ङिबो थेरूकी याङराङ लिस्‍त्राताङ आइकोनियमपाराङ खाईन पिसिदिये अञ्‍चल एन्‍टिओखिया सारनापा ग्‍युरसुङ।

शक्ति काम 14:6

थेबेकी थोक खिता चालाते बात छ्या स्‍येकीन पावलताङ बारनाबासचेन थेरूकी फ्रोकीन लाइकाओनिया सिरसादु गाल्‍सुङ। थेमे थेरू लिस्‍त्राताङ डर्बी सिराते सारदु थेमे थे फेरोला ओताते युलगी नाङले मिओनला

शक्ति काम 7:23

मोशा लो खाल ङि छाङनामेकी थे खोरोङ इस्राएलीओनला चुक दुका सिन छ्या स्‍येबा फाप्‍सुङ सिन थेबाला ठेत गाल्‍सुङ।

रोमी 1:11

ङाला ख्‍योकोनला ठेता आउदी सेम ओत। दोक खाईन ङुरूङ ठेता ङेत्‍सीन परमेश्‍वर आत्‍मेकी तेरच्‍येते सीपताङ शक्ति ख्‍योकोनगीङ ङेत्‍स्‍यीत सिन लाप्‍ला तेरा थुप्‍च्‍या ओतान। दोक खाईन ख्‍योकोनगीङ थोक्‍ते सीपताङ शक्ति ङेत्‍नामेई प्रभु येशूला झन लेमु खाला विश्‍वास खिता थुप्‍च्‍या ओतान।

२ कोरिन्‍थी 11:28

दोक्‍ते बात खिइ सासीन ज्‍येनोङ काल्‍बेई ओत। दोक्‍ते बात भन्‍दाङ ङीमे ठाङमा ङा सुर्ता खिन देताते बात ठाउँ ठाउँला जम्‍मा ओङकान्‍ते येशू ख्रीष्‍ट मिओनला चुक ओताका, थेबेकी चुक खिन ओताका सिरच्‍येतेराङ ओतान।

फिलिप्‍पी 1:27

था जे ओङसीनोङ ख्रीष्‍टते गा लाङच्‍येते बात ङेन्‍कान्‍ते मिओनगी चुक चुक खिता फाप्‍च्‍येते ईन्‍दे ख्‍योकोनगी होथोकराङ खि। च्‍यि सासीन ख्‍योकोन गाङेराङ सेमज्‍यीकराङ खाला डिक्‍ला देत। ज्‍येनगी जे सासीनोङ जति दुक्‍पा बिन्‍सीनोङ ख्‍योकोन गाङेराङ डिक्‍ला खेराङगी ङेन्‍दाते गा लाङच्‍येते बात ङेन्‍गीनराङ देत। ङा थेपा वासीन ख्‍योकोनगी थोक खिन ओताते ङाराङगीराङ थोङगो, मासुङ सासीनोङ ख्‍योकोनगी थोक खिन दुक्‍लो सिन ङे थोबा ङेत्‍स्‍यीत।

१ थिस्‍सलोनिकी 3:6

थेमे तिमोथी भर्खर थेपेकी ग्‍युरगीन वाकीन ङ्योकोनला आउदी लेमुते लोन लाःप्‍सुङ। चुक सासीन ख्‍योकोन प्रभु येशूला विश्‍वास खिनराङ दुक्‍लो, ज्‍येनला ङिङज्‍ये खिताङ ताङा मिन्‍दुक्‍लो थेमे ङ्योकोनगी ख्‍योकोनला ठेता सेम खाबा च्‍योकराङ ख्‍योकोनगीङ ङ्योकोनला आउदी खाला सम्‍झे खिन नाम ठेता ङेदोङा सिराच्‍योक खाईन गुकीन देत्‍ला दुक्‍लो सिन थेपे लोनतेबा गाङे लाःप्‍सुङ।

२ तिमोथी 1:4

ङुरूङ ठाल्‍जीन खो चुक आउदी खाईन ङुबा ओताने सिन ङाला ठेम्‍बा लाङगीदुक। थे बात सम्‍झे खित्‍जीन ङाला खोल्‍ला ठेता आउदी सेम लाङगीदुक। खोल्‍ला लोक्‍ला ठेता ङेत्‍सीन ङाला आउदी गा लाङच्‍या ओतान।