च्यिला सासीन था ङा ख्योकोन नाङ परमेश्वर बात खित्कान्ते मिओन, आउदी बुद्धि ओताते मिओन थेमे परमेश्वर बात लोप्कान्तेबाला तोङगो। थेबे नाङ ख्योकोनगी कोईला सेत्क्यो, कोईला स्यिङगी थामला टाँए खाला सेत्क्यो, कोईला खेराङ मिटिङ खित्च्येते खाम्बे नाङला खेरला कोर्रा लै खिओ थेमे कोईलाचेन थेबा जुन जुन सारदु डुइदुक थेरू थेरूराङ गाल्ला थेङलेकी उरला तोङगो।
शक्ति काम 15:32 - जिरेल32 यहूदाताङ सिलासोङ ङिकाराङ परमेश्वर बात खित्कान्ते मि ओतान। थेबेकी थेरू आज्यो न्वाओनला चुक चुक खिता फाप्कीते सिन लाप्कीन बिन्गीन जस्तोराङ ओङसीनोङ प्रभु येशूला विश्वास खिन देता मातोङ सिन आँटोङ बिन्सुङ। အခန်းကိုကြည့်ပါ။ |
शक्ति काम 15:32
39 ပူးပေါင်းရင်းမြစ်များ
खेराङ ज्युज्यु पुर्खाताङ ख्योकोनगी होदोक्ते काम खिओ सिन थे खोरोङ बुद्धिकी परमेश्वरगी गोमाका छ्या स्येबा ओतान। थेमे थेकी ‘ङा ङे बात खित्कान्तेबा थेमे ज्येनोङ ङाराङगी खटे खाबाते मिओन मि नाङ तोङगो। तर मिओनगीचेन ङे ताङाते मिओन नाङ कोईला सेत्क्यो, कोईला आउदी दुक्पा बिन्ला उरला तोङगो,’ सिन साबा ओतान।
याकूबकी थोक सानामेकी थेरू येशू ख्रीष्टकी खटे खाबाते मिओन, येशू ख्रीष्ट मिओनला ताकान्तेबा थेमे येशू ख्रीष्ट मि गाङेकी थे बात ङेन्गीन “लो था ङुरूङगी ङुरूङ नाङदुई कोई कोईला छाने खाला च्याला पावल थेमे बारनाबासताङराङ एन्टिओखियापा तोङगी,” सिन सल्लाह खासुङ। थेमे खोपरोङ नाङदुई बारसाबास सिराते यहूदाताङ सिलासला छाने खासुङ। थेबा ङिबोचेन थेरू खोपरोङ नाङ छ्येते मि ओतान।
परमेश्वरगी दया खाईन ङुरूङला दाक्पोन दाक्पोनला खुदुक खुदुक काम खित्च्येते सीपताङ शक्ति बिन्दा ओत। दाक्पोनताङ च्यि खित्च्येते सीप कि शक्ति ओते ङुरूङगी थे काम लेमु खाला खिता फाप्क्यो। च्यि सासीन परमेश्वरगी ङुरूङ सुइँदाला थे खोरोङगी सिर च्युताते बात खित्च्येते शक्ति बिन्ला दुक सासीन थे मिकी थे कामराङ खिता फाप्क्यो। तर थेकी थे खोरोङगी परमेश्वरला खजो विश्वास खिका थे ताला परमेश्वरगी सिर च्युता च्युता बातकामा सिरा फाप्क्यो, ज्येन बात खिता मेङगो।
ज्येनला सल्लाह बिन्ला आँट तेरा थुप्कान्ते मिकी ज्येनतेबे नाङ दोक खिता फाप्क्यो। थेमे दुक्पा ङेता ओताते मिओनताङ गोला साच्येते सीप बिन्दा ओताते मिकीङ कुच्यीरी मिक्किता खाला तेरा थुपासम्म तेरा फाप्क्यो। थोकराङ खाला सुइँदाला परमेश्वरगी थे खोरोङ सन्तानओनला ताकान्ते छ्येते मि जोला दुक सासीन थोक्ते मिकीङ अल्छी मिक्किता खाला लेमु खाला थे काम खिता फाप्क्यो। नाबाते थेमे सुङ मेताते गरीब दुःखीला ताच्येते सीप ङेता ओताते मिकीङ सुइँदे करला फाप्कीन खाबाच्योक मिक्किता खाला सोचित्तेकीराङ थे काम खिता फाप्क्यो।
ङुरूङ न्वा तिमोथीला ख्योकोन ओत्सापा ताङा ओतान। तिमोथीङ ङ्योकोनताङराङ परमेश्वर काम खिन मिओनला ख्रीष्टते गा लाङच्येते बात लोप्कान्ते मिराङ ईन सिन ख्योकोनला सिरा माफाप्तासीन। ज्येनगी दुक्पा तेरजीन ख्योकोन सुङगीङ प्रभु येशूला विश्वास खिता तोङा मेङगो, बरू जति दुक्पा ओङसीनोङ सेम मेसेता खाला थेला विश्वास खिनराङ देता फाप्क्यो सिन आँट तेराला ङ्योकोनगी तिमोथीला थेपा ताङा ओतान। प्रभु येशूला विश्वास खाबेकी खित्सादु ङुरूङगी दुक्पा भोगे खिता फाप्क्यो सिन ख्योकोनला लेमु खाला छ्याराङ ओत।
आज्यो न्वावे, था ज्येन बात च्यि सासीन परमेश्वरला चुक्ते काम मन परे खिते, ख्योकोनगी चुक खाला देता फाप्कीते सिन ङ्योकोनगी ख्योकोनला लाप्कीन बिन्दा ओत। ङ्योकोनगी लापाच्योक खाला ख्योकोन कामोङ खिनराङ दुक। प्रभु येशूताङ जीउज्यीकराङ ओङाते मि ईन्देकी ङ्योकोन ख्योकोनला थोरूमसाक खिन ओताच्योक खिन देता मातोङ, झन लेमु खाला दोक खिनराङ देत सिन सिओ।
थेमे आज्यो न्वावे, ख्योकोनगी खेराङ नाङ दाक्पोन लाःक खिता ताङला अल्छी खाला देत्कानला थोक माकेत, काम खिता फाप्क्यो सिन सि, ज्यीबा खित्कानला ज्यीबा खिता माफाबो सिन सि, प्रभु येशूला विश्वास खाईन पाको गाला मेतातेबाला पाको ड्वाप्ला मद्धत बिन। थेमे स्येदाङ मिक्किता खाला गाङेताङ खा छ्येत लेमु खाला काम खि।
थेमे गाङे भन्दा गोमा था ङा च्यि सिते सासीन संगति खित्जीन येशू ख्रीष्ट मिओनगी परमेश्वरला प्रार्थना खिता फाप्क्यो। प्रार्थना खित्जीन थेबेकी च्यि च्यि गोकीका परमेश्वरला नाङ सिरा फाप्क्यो। ज्येन ज्येन मि लाईदुङ प्रार्थना खिता फाप्क्यो। परमेश्वरगी खाबाते कामगी लाईदु थेला धन्यवाद सिरा फाप्क्यो। थोक खाला मि गाङे लाईदु प्रार्थना खिता फाप्क्यो।
खुई चुक खिता फाप्कीते सासीन मिओनला परमेश्वर बात लोप्कीनराङ देत, मिओनगी ङेन्सीनोङ माङेन्सीनोङ जुन बेलालाङ थे बात लोपा मातोङ थेमे गल्ती खित्कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्दे सिन गाङेला लाप्ला बिन। थानी दिबाला थोई लोप्च्ये सिराच्योक माकेत, सुङताङ स्येदाङ मिक्किता खाला खा छ्येत लेमु खिन दोक खाला लोप्कीनराङ देत।
थाचेन ङा ख्योकोन नाङ येशू ख्रीष्ट मिओनला ताकान्ते मिओनला बातज्यीक बात ङि सिरामीन। ङा ङाराङोङ ख्योकोन च्योकराङ येशू ख्रीष्ट मिओनला ताकान्ते मिज्यीक ईन। ख्रीष्टकी भोगे खाबाते दुक्पातेबा ङे गाङे ङाराङ मिगीराङ थोङाते ईन। था थे छ्येज्यीक शक्ति ङेत्ला ग्युरला ओङजीन ङाङ मान ङेत्ला थेत्ताङ देता ङेत्क्यो सिनोङ ङाला छ्या ओत। येशू ख्रीष्ट मिओनला ताकान्ते मिओन ख्योकोनगी ओर्च्ये दोक खि।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
दि चिट्ठी ङे सिल्वानसला टिक च्युताते ईन। सिल्वानसचेन खिओ साबा च्योकराङ खित्कान्ते मि ईन। दि ङेते ङाराङ न्वा च्योकराङ ईन। जति दुक्पा ओङजीनोङ ख्योकोन सेम मेसेता खाला देत्स्यीत सिन आँट तेराला थेमे परमेश्वरगी पक्काराङ दया खिओ सिन ख्योकोनगी लेमु खाला छ्या स्येस्यीत सिन ङे थुम्मी खाईन दि चिट्ठी टिबाते ईन। परमेश्वरगी खेराङला दया खिनराङ देत्स्यीत सिन थेला माने खिन देता मातोङ।
ကြော်ငြာတွေ