शक्ति काम 15:28 - जिरेल

²⁸ ङ्योकोनला खालि ख्‍योकोनगी ङेन्‍दाराङ फाप्‍च्‍येते दि बातज्‍यीक बात ङिकामा टिला तोङा लेमु ईन सिराच्‍योक लासुङ। परमेश्‍वर आत्‍मेकी ङ्योकोनला होदि बातओनकामा टिसीन ओङगो सिन छ्या स्‍येबा खाईन बिन्‍सुङ।

शक्ति काम 15:28 ပူးပေါင်းရင်းမြစ်များ

मत्ती 11:30

ङा ख्‍योकोनगी खिता मुथुप्‍च्‍येते खि मिसिरो, ङे खि साबाते ङेन्‍दा दुक्‍पा मेत,” सिन सिदुक।

मत्ती 23:4

थेबेकी ज्‍येनलाचेन स्‍यिच्‍या खाईन खुर्बु कुरा च्‍योकराङ खाला दि खि, थे खि सिन परी परी नियम ङेन्‍दा फाप्‍क्‍यो खिदुक। मिओनगी थोक खिता थुप्‍कीता मुथुप्‍ता सिन थेबेकी छ्याःङ विचार मिक्‍किदुक।

यूहन्‍ना 16:13

दोक ईन्‍सीनोङ ख्‍योकोनला सल्‍लाह तेरकान्‍ते परमेश्‍वर आत्‍मा दुरू वानामेकी थेकीराङ ख्‍योकोनला सत्‍यते बात गाङे खो ज्‍युत्‍क्‍यो। थेकी खित्‍च्‍येते बात थे खोरोङगी जोला खित्‍च्‍येते मेन। थेकीनी थे खोरोङगी थोबाते बातकामा खिओ। थेमे था थोरूमोङ च्‍यि च्‍यि ओङगीते सिन लाप्‍ला तेरग्‍यो।

शक्ति काम 15:19

परमेश्‍वरगीराङ थोक साबा ओतेकी ङाचेन था ख्‍योकोनला चुक सिते सासीन परमेश्‍वर छ्य्‌वापा लै खित्‍कान्‍ते ज्‍येन ज्‍येन जातकी मिकीङ ङुरूङ यहूदीओनला बिन्‍दाते परमेश्‍वर नियम गाङे ङेन्‍दाराङ फाप्‍क्‍यो साला थेबाला दुक्‍पा तेरा मेङगो।

शक्ति काम 15:25

दि बात थोनामेकी ङ्योकोन गाङेकी डिगीन दुरू ङेराङ नाङदुई कोई कोईला छाने खाला पावल थेमे बारनाबासताङराङ ख्‍योकोन ओत्‍सापा तोङगी सिन सल्‍लाह खाबाप। पावलताङ बारनाबासला ङ्योकोन आउदी ङिङज्‍ये खिओ।

शक्ति काम 15:8

थेमे मि सेमगी बात छ्या स्‍येकान्‍ते परमेश्‍वरगी ज्‍येन ज्‍येन जातकी मिलाङ ङुरूङला च्‍योकराङ खाईन परमेश्‍वर आत्‍मा बिन्‍गीन थे खोरोङ मि जोसुङ।

शक्ति काम 16:4

थेरूई पावलबा सार सारला युगीन गाल्‍सुङ। थोक खाला युगीन डोजीन थेबेकी थे सार सारगी येशू ख्रीष्‍ट मिओनलाङ यरूशलेमदु ओताते येशू ख्रीष्‍टकी खटे खाबाते मिओन थेमे येशू ख्रीष्‍ट मिओनला ताकान्‍तेबेकी ताङाते चिट्ठी बात खाईन थेरू टिबाते बात ङेन सिन गाल्‍सुङ।

शक्ति काम 5:32

ङ्योकोन खालि ङेराङगी थोङातेताङ थोबाते बातकामा खिओ। दि बाततेबा ईन्‍दातेराङ ईन सिन परमेश्‍वर आत्‍मेकीङ छ्या स्‍ये ज्‍युत्‍क्‍यो। परमेश्‍वर आत्‍माचेन परमेश्‍वरगी थे खोरोङगी खि साबा साबा खित्‍कान्‍ते मिओनला बिन्‍दा ओत,” सिन सासुङ।

१ कोरिन्‍थी 14:37

सुइँदेकी ङा परमेश्‍वरगी सिर च्‍युताते बात खित्‍कान्‍ते मि ईन कि परमेश्‍वर आत्‍मेकी ङाला थोक खित्‍च्‍येते शक्ति बिन्‍दा ओत खिदुक सासीन थोक्‍ते मिला ङा दि बात सिओ। च्‍यि सासीन थेकी ङे टिबाते दि बातओन प्रभु येशूकीराङ खि सिन कोताते ईन सिन छ्या स्‍येबा फाप्‍क्‍यो।

१ कोरिन्‍थी 7:25

थेमे ख्‍योकोनगी कर्नेते मिओनगीचेन चुक खिता लेमु ईन्‍ताका सिन ङाला ठिबा ओताक्‍वा। थोक्‍ते मिओनगी च्‍यि खित्‍च्‍ये, चुक खिता फाप्‍कीते सिरच्‍येते बातनी प्रभु येशूकी ङाला कोता मेत। ईन्‍सीनोङ कर्नेते मिओनगी चुक खिता लेमु ईन्‍दे सिन सल्‍लाह तेरामीन। प्रभु येशूकी ङाला दया खाबा ओतेकी ख्‍योकोनगी ङे सल्‍लाह ठीक ईन सिरा थुप्‍क्‍यो।

१ कोरिन्‍थी 7:40

ङालाचेन चुक लाङगीका सासीन थोक्‍ते फेम्‍मे मिकी लोक्‍ला फाङमा मिक्‍किता खाईन देत्‍सुङ सासीन लेमु ओङगो। दि ङे ख्‍योकोनला ङाराङ सल्‍लाहकामा बिन्‍दाते ईन। ईन्‍सीनोङ परमेश्‍वर आत्‍मेकीराङ ङाला चुक खाला बात खित्‍च्‍ये सिन लाप्‍ला तेरग्‍यो सिन ङाला छ्या ओत।

१ थिस्‍सलोनिकी 4:8

थोगी ङ्योकोनगी होथोक्‍ते काम माकेत सिन साबाते दि बातला सुइँदेकी नामज्‍योक मेसेत्‍तुक सासीन थोक्‍ते मिकी मिला मेन्‍देकी परमेश्‍वरलाराङ नामज्‍योक मासेताते ईन। परमेश्‍वरचेन ख्‍योकोनला थे खोरोङ आत्‍मा तेरकान्‍ते ईन।

१ पत्रुस 1:12

परमेश्‍वरगी खोपरोङला सिर च्‍युताते होदि बातओन थेबा खोपरोङ लाईदु मेन्‍देकी ख्‍योकोन लाईदु ईन सिन परमेश्‍वरगी थेबाला छ्या स्‍ये च्‍युता ओतान। थेबेकी साबाते होथे बाततेबा थरिङोला गा लाङच्‍येते बात लोप्‍कान्‍ते मिओनगी ख्‍योकोनला लाप्‍कीन बिन्‍दा ओत। दि गा लाङच्‍येते बात परमेश्‍वरगी स्‍वर्गनेकी ताङाते परमेश्‍वर आत्‍मे छ्य्‌वापेई थेबेकी ख्‍योकोनला लाप्‍कीन बिन्‍दा ओत। होदि बातओन परमेश्‍वर दूतओनगीङ आउदी खाला छ्या स्‍येबा सेम खिओ।

छ्या स्‍ये च्‍युताते बात 2:24

थेमे थिआटीरादु देत्‍कान्‍ते ज्‍येनगी च्‍योक मिक्‍किकान ख्‍योकोनलाचेन ङा खेराङगी खिन ओताते लाक्‍तु ज्‍येन ल्‍हाक्‍पा दुक्‍पा मेतेरो। ख्‍योकोनचेन ज्‍येन च्‍योकराङ जिजेबेलगी साबाते बात मेङेन्‍कान्‍ते थेमे कोई कोई मिकी साबाच्‍योक शैतानगी कोई कोई मिलाकामा छ्या स्‍ये ज्‍युत्‍च्‍येते बात मेङेन्‍कान्‍ते मि ईन।