शक्ति काम 15:23 - जिरेल23 थेमे थेबेकी दोक सिन चिट्ठीज्यीक टिकीन थेबे लाःक्तु बिन्गीन ताङसुङ। थे चिट्ठीला च्यि सिन टिबा ओताने सासीन “दि चिट्ठीचेन एन्टिओखियादु थेमे सिरियाताङ सिलिसियादु ओताते ख्योकोन ज्येन ज्येन जातकी आज्यो न्वाबा गाङे लाईदु टिबाते ईन। ख्योकोन गाङेला येशू ख्रीष्टकी खटे खाबाते मिओन थेमे दुरू ओताते येशू ख्रीष्ट मिओनला ताकान्ते मि ङ्योकोन गाङेते नमस्ते ओत। အခန်းကိုကြည့်ပါ။ |
शक्ति काम 15:23
21 ပူးပေါင်းရင်းမြစ်များ
थेकी दि गाङे बात सानामेकी गोमा थेला ङारकान्ते मि गाङेराङ खाराक्पा देत्सुङ। थेमे थेबेकी परमेश्वरते जय जय खिनकामा “दि चुक अचम्बे बात ईन्दाका। थानी परमेश्वरगी ङुरूङगी च्योकराङ खाला ज्येन ज्येन जातकी मिकीङ नोमुङ मिसिन्च्येते जुनी ङेत्स्यीत सिन थेबाला खोपरोङ पापी दुका सिन छ्या स्येला परमेश्वर छ्य्वापा लै खित्च्ये मौका तेराला स्यूदुक,” सिन बात खासुङ।
थेबेकी ज्येन ज्येन जातकी मिकीङ खतकी चिनु ज्वापराङ फाप्क्यो सिरजीन पावलताङ बारनाबासकीचेन पापदुकी ठालाला थेबेकी थे चिनु ज्वाराङ माफाबो सिन थेबाताङ आदोराङ टेकाटेउरी खासुङ। थोक खाईन जति बात खासीनोङ थेबे नाङ बात माडिक्पेकी थेरू येशू ख्रीष्ट मिओनगी “लो था ङुरूङगी दोक खिइ। च्यि सासीन पावलताङ बारनाबास थेमे ङुरूङ नाङदुई कोई कोईला यरूशलेमपा तोङगी। थेबेकी थेपा गाल्ला येशू ख्रीष्टकी खटे खाबाते मिओन थेमे थेरू येशू ख्रीष्ट मिओनला ताकान्तेबाला ठेत्ला दि बात खित्स्यीत। थेमे थेबेकी चुक खि सिका थोकराङ खिताप,” सिन सल्लाह खासुङ।
याकूबकी थोक सानामेकी थेरू येशू ख्रीष्टकी खटे खाबाते मिओन, येशू ख्रीष्ट मिओनला ताकान्तेबा थेमे येशू ख्रीष्ट मि गाङेकी थे बात ङेन्गीन “लो था ङुरूङगी ङुरूङ नाङदुई कोई कोईला छाने खाला च्याला पावल थेमे बारनाबासताङराङ एन्टिओखियापा तोङगी,” सिन सल्लाह खासुङ। थेमे खोपरोङ नाङदुई बारसाबास सिराते यहूदाताङ सिलासला छाने खासुङ। थेबा ङिबोचेन थेरू खोपरोङ नाङ छ्येते मि ओतान।
थेमे यरूशलेमपा लेप्कीन थेबेकी येशू ख्रीष्टकी खटे खाबाते मिओन, येशू ख्रीष्ट मिओन थेमे थेबाला ताकान्तेबाताङ ठेता खासुङ। यरूशलेमदु ओताते थेबा गाङेकी थोक खाईन वाबातेबा गाङेला लेमु खाईन खोपरोङताङ ज्याक्सुङ। थेमे पावलताङ बारनाबासबेकी ज्येन ज्येन जातकी मिला गा लाङच्येते बात लोप्जीन परमेश्वरगी खोपरोङला चुक चुक खित च्युत्सुङा सिन गाङे थेबाला लाःप्सुङ।
थोक थोक ओङनामेकीङ पावल आदोराङ कोरिन्थदुराङ देत्सुङ। थेमे तिरी थेरू आज्यो न्वाओनताङ ड्वामीन सिन बात खाईन थे सिरिये लुङबापाला ख्याम्सुङ। प्रिस्किलाताङ अक्वीलाङ थेत्ताङ ङ्योम्बुराङ गाल्सुङ। परमेश्वरला कोबोलज्यीक खाबा ओतेकी किंक्रियादु लेप्नामेकी पावलगी थे खोरोङ टा ठेसुङ। किंक्रियादुकीचेन थेबा पानीजहाजला जेकीन गाल्सुङ।
येशूला विश्वास खित्कान्ते ज्येन ज्येन जातकी मिकी चुक खिता फाप्कीते सिन ङ्योकोनगी गोमाकाराङ साकीन सिन्दा ओत। थेबाला ङ्योकोनगी ल्हाला पूजा खाबाते छ्याःङ मासा, ठागोङ मासा, ठाक मेदेन्दा खाईन सेताते छ्याःङगीतेङ स्या मासा। थेमे रन्डीबाजी थेमे होदि च्योक्ते खिता मेङच्येते काम माकेत सिन टिकीन ताङा ओत,” सिन सिदुक।
तर कोई कोई यहूदीला थेकी खाबाते कामताङ बात लेमु मालाकीन थेबा थेत्ताङ माडिक्सुङ। थेबेते मिटिङ खित्च्येते खाम्बाङ खोपरोङते खुदुकराङ ओतान। थेबाला योक्पो योङमु खित्सादुई ताङाते मि ईन सिन सिरच्येते खिन ओतान। साइरेनीताङ अलेक्जेन्ड्रिया सार थेमे सिलिसियाताङ एशिये अञ्चल नाङपेकी वाकीन देताते ज्येन ज्येन यहूदीङ दिबाताङ डिक्पा ओतान। होदिबा गाङेराङ डिगीन स्तिफनसकी खाबाते बात ङेन्दा ओङच्येते मेन सिन थेत्ताङ टेकाटेउरी खासुङ।
ကြော်ငြာတွေ