थे बातओन च्यि ईन्दे सासीन ख्योकोनगी ल्हाला पूजा खाबाते छ्याःङ मासा, ठागोङ मासा। ठाक मेदेन्दा खाईन सेताते छ्याःङगीतेङ स्या मासा। थेमे रन्डीबाजी थेमे होदि च्योक्ते खिता मेङच्येते काम माकेत। ङ्योकोनगी माकेत साबाते दि कामओन ख्योकोनगी माक्यासीन लेमु ओङगो। लो ख्योकोन गाङेला साबा च्योक ओङस्यीत,” सिन टिबा ओतान।
शक्ति काम 15:20 - जिरेल20 बरू ङुरूङगी थेबाला चुक खिइसे सासीन ल्हाला पूजा खाबाते छ्याःङ मासा। थोक्ते सोसीन ल्हा लु माने खाबा च्योकराङ ईन। थेमे रन्डीबाजी थेमे होदि च्योक्ते खिता मेङच्येते काम माकेत। थोकराङ खाला ठाक मेदेन्दा खाईन सेताते छ्याःङगीतेङ स्या मासा, ठागोङ मासा सिन चिट्ठीज्यीक टिला तोङगी। အခန်းကိုကြည့်ပါ။ |
शक्ति काम 15:20
47 ပူးပေါင်းရင်းမြစ်များ
येशूला विश्वास खित्कान्ते ज्येन ज्येन जातकी मिकी चुक खिता फाप्कीते सिन ङ्योकोनगी गोमाकाराङ साकीन सिन्दा ओत। थेबाला ङ्योकोनगी ल्हाला पूजा खाबाते छ्याःङ मासा, ठागोङ मासा, ठाक मेदेन्दा खाईन सेताते छ्याःङगीतेङ स्या मासा। थेमे रन्डीबाजी थेमे होदि च्योक्ते खिता मेङच्येते काम माकेत सिन टिकीन ताङा ओत,” सिन सिदुक।
था दि चिट्ठीलाचेन ङा ख्योकोनला च्यि सिते सासीन सुइँदेकी ङाङ येशूला विश्वास खित्कान्ते मि ईन खिदुक तर रन्डीबाजी थेमे होदि च्योक्ते खिता मेङच्येते काम खित्च्येते, लोभ खित्च्येते, ल्हा लु माने खित्च्येते, ज्येनला मोत्च्येते, छ्याङ रक्सीकी जिलाकामा देत्च्येते थेमे ज्येनगीते लुटे खाला ख्याम्च्येते खिदुक सासीन थोक्ते मित्ताङचेन ख्योकोनगी साङ माकेत। थेत्ताङ ङ्योम्बुराङ देत्ला छ्यु मुठी खाङोङ माथुङ।
ख्योकोनगी “मिला साप थुङा गोक्यो, साप थुङा मेताला मि चुक खाला सोन्गीते?” सिरा ठीकराङ ईन। तर ङीमाई परमेश्वरगी मि जीउ साप थुङा मोगोच्या खुदुक जोइओ। बात च्यि सासीन परमेश्वरगी ङुरूङला दि जीउ बिन्दाते रन्डीबाजी थेमे होदि च्योक्ते खिता मेङच्येते काम खिताला मेन, प्रभु येशूला मन परे खित्च्येते काम खिताला ईन। ङुरूङला गोच्येते तेरकान्ते प्रभु येशूराङ ईन।
थोगी ङा ख्योकोनला च्यि सिते सासीन रन्डीबाजी थेमे होदि च्योक्ते खिता मेङच्येते काम सिराते ख्योकोनगी खितराङ माकेत। रन्डीबाजी थेमे होदि च्योक्ते खिता मेङच्येते काम खित्कान्ते मिकीचेन दाक्पोनलाराङ मेलेबा ओङ ज्युत्क्यो। ज्येनतोक पाप जे खासीनोङ पापनी पापराङ ईन। ईन्सीनोङ ज्येनतोक पापकी दाक्पोन जीउला मेलेबा ओङ मुज्युदो।
ज्येनला अन्याय खित्कानताङ मेलेबा काम खित्कान्ते मि सुङ परमेश्वर राज्यने स्यूक्पा मेङेदो सिन च्यि ख्योकोनला छ्या मेत? ख्योकोन सुङगीङ दाक्पोनगी ठुबाते डालुम नाङ दाक्पोनराङ स्यूक्च्येते काम माकेत। चुक सासीन रन्डीबाजी थेमे होदि च्योक्ते खिता मेङच्येते काम खित्कान्तेबा, ल्हा लु माने खित्कान्तेबा, मि ख्यावा फेम्मेताङ ङ्याल्कान्तेबा, ख्योओ मिकी फेम्मे मि च्योक खाला ख्योओ मि ज्याक्ला खिता मेङच्येते काम खित्कान्तेबा,
दि पालो ङा थेपा ओङजीन ख्योकोन थोरूमोङ होदोक दोकराङ खिन ओता थेप्सीन ङे माने खिन ओताते परमेश्वरगी ख्योकोनगी खित्सादु ङाला ङोचा लोङगीता सिन ज्यीबा लाबा ओत। दोस्यिककामा मेन, ख्योकोन नाङ गोमाबा रन्डीबाजी थेमे होदि च्योक्ते खिता मेङच्येते ज्येनोङ ङोचा लाङच्येते काम खित्कान्ते मिओनगी खोपरोङगी थोक खाबाते लेमु मेन्दाक्वा सिन थोक खिता ताङा मेत्सीन थोक्ते मिओन लाईदु ङे ङुइनकामा पीर खिता फाप्क्यो।
थोगी था ख्योकोनगी दाक्पोन खुशी खिन दाक्पोनला च्यि च्यि खिता सेम लाङगीका थोकराङ खिन देता थोङ। च्यि सासीन रन्डीबाजी थेमे होदि च्योक्ते खिता मेङच्येते ङोचा लाङच्येते काम माकेत, होदोक्ते काम माक्याबाला ओङराङ मेङगो सिराच्योक माकेत, लोभ माकेत, लोभ खित्च्येतेनी परमेश्वर लाईदु ल्हा लु माने खाबा छेतराङ मेलेबा ईन।
ईन्दालाचेन गोमाबा ख्योकोनगीङ परमेश्वरला ङो मेस्येकान्ते मिओनगी च्योकराङ खिन तोङासम्म समय ताङा ओतान। च्यि सासीन थेजीन ख्योकोनगी ङोचा लाङच्येते कामओन खिन ओतान, दाक्पोन खुशी खिन जे खिता सेम लासुङ थेराङ खिन ओतान, जहिलेङ छ्याङ रक्सीकी जिलाकामा देत्कीन ओतान, ज्येनताङ रूला भक्कुचूर सोला थुला मोज मज्जा खिन ओतान थेमे ल्हा लु माने खिन खिता ओङराङ मेङच्येते काम खिन ओतान।
थोक ईन्सीनोङ ङे ख्योकोनला सिरा फाप्च्येते बातज्यीक बात ङि ओत। च्यि सासीन ख्योकोन नाङ लाला लाला बालामगी लापाते बात ङेन्कान दुक। बालामगीचेन बालाक गेल्बोला ल्हाला पूजा खाबाते सोसीन ओङगो, रन्डीबाजी थेमे होदि च्योक्ते खिता मेङच्येते काम खासीनोङ ओङगो सिन लाप्कीन बिन्गीन इस्राएलीओनला थोक खित च्युता ओतान।
दोक ईन्सीनोङ ङे ख्योकोनला सिरा फाप्च्येते बातज्यीक ओत। चुक सासीन ख्योकोनगी जिजेबेलगी साबाते बात ङेन्गीदुक। थेकी थे मोरोङला परमेश्वर बात खित्कान्ते फेम्मे मि ईन साला ङे काम खित्कान ख्योकोनला मेन्दा मेन्दा बात लाप्ला रन्डीबाजी थेमे होदि च्योक्ते खिता मेङच्येते काम खित च्युत्ला थेमे ल्हाला पूजा खाबाते सार च्युत्ला लुइदुक।
ကြော်ငြာတွေ