शक्ति काम 15:19 - जिरेल19 परमेश्वरगीराङ थोक साबा ओतेकी ङाचेन था ख्योकोनला चुक सिते सासीन परमेश्वर छ्य्वापा लै खित्कान्ते ज्येन ज्येन जातकी मिकीङ ङुरूङ यहूदीओनला बिन्दाते परमेश्वर नियम गाङे ङेन्दाराङ फाप्क्यो साला थेबाला दुक्पा तेरा मेङगो। အခန်းကိုကြည့်ပါ။ |
शक्ति काम 15:19
12 ပူးပေါင်းရင်းမြစ်များ
खुई लुङबा लुङबाला ज्येन ज्येन जातकी मि नाङ देत्कान्ते यहूदीओनला मोशेकी टिबाते परमेश्वर नियम ङेन्दा ताङला ख्योओ फिजाओनला ज्वा फाप्च्येते खतकी चिनु ज्वा माफाबोत्लो थेमे ङुरूङ यहूदीओनगी माने खित्च्येते रीतिथितिङ छ्याःङ माने खिता माफाबोत्लो सिन लोप्कीदुक्लो सिन थोकीन थेबा खोत्ताङ स्येदाङ खाला दुक।
येशूला विश्वास खित्कान्ते ज्येन ज्येन जातकी मिकी चुक खिता फाप्कीते सिन ङ्योकोनगी गोमाकाराङ साकीन सिन्दा ओत। थेबाला ङ्योकोनगी ल्हाला पूजा खाबाते छ्याःङ मासा, ठागोङ मासा, ठाक मेदेन्दा खाईन सेताते छ्याःङगीतेङ स्या मासा। थेमे रन्डीबाजी थेमे होदि च्योक्ते खिता मेङच्येते काम माकेत सिन टिकीन ताङा ओत,” सिन सिदुक।
थोगी ङे गोमा दमस्कसदु थेमे यरूशलेमताङ यहूदिये अञ्चल नाङला गाङेपा थेमे ज्येन लुङबा लुङबाला गाल्गीन ज्येन ज्येन जातकी मिलाङ ख्योकोनगी खेराङ पापी दुका सिन छ्या स्येला परमेश्वर छ्य्वापा लै खि सिन लापाप। थोक खित्जीन ङे थेबा गाङेला खोपरोङ पक्काराङ परमेश्वर छ्य्वापा लै खाबाते ईन सिन कामगीराङ खाला तेन्दा फाप्क्यो सिन साबाप।
ईन्दाका येशू ख्रीष्टला विश्वास खित्कान्ते ईन सिरकान तर थोक मेन्दाते कोई कोई मि ङ्योकोन बात खित्सादु माबा ईन्सीन थे खतकी चिनु जोच्येते बादोङ थेन्च्याराङ मेतान। येशू ख्रीष्टताङ जीउज्यीकराङ ओङगीन ङ्योकोनगी परमेश्वरगी ङेराङ यहूदीओनला बिन्दाते होथे नियम ङेन्दा ताङा ओताते बात छ्या स्येबा ओत्कीन ङ्योकोनगी चुक चुक खित्च्या ईन्दाका सिन चिवा खिताला होथेबाचेन सुङगीङ स्योक मासाबाला थाराङ थेरू वाबा ओतान। थेरू खइँदा बात जिन्दा थुप्सीन लोक्ला ङ्योकोनला होथे नियमतेबा गाङे ङेन्दाराङ फाप्क्यो सिराला थेबा थोक खाईन थेरू वाबा ओतान।
ङ्योकोन जुन ठाउँदु ख्योल्सीनोङ थेङले मिओनगी दोक सिन ख्योकोन बातकामा खिदुक। थेबेकी ङ्योकोन ख्योकोनला प्रभु येशू बात लोपाला डोजीन ख्योकोनगी ङ्योकोनला चुक लेमु खाबा ओताने सिरच्येते बात थेमे ख्योकोनगी ल्हा लुतेबा माने खिता ताङगीन सोम्बोतेताङ सत्यते परमेश्वर छ्य्वापा लै खाईन थेलाकामा माने खिताला स्यूबाते बात खिदुक।
ကြော်ငြာတွေ