शक्ति काम 14:9 - जिरेल

⁹ थेरू पावलगी गा लाङच्‍येते बात लोप्‍जीन थे कुज्‍येकीङ थे बात ङेन्‍सुङ। थे खोरोङगी खिन ओताते बात लेमु खाईन ङेन्‍गीन देता ओता थोङगीन थे कुज्‍येकी प्रभु येशूकी थे खोरोङला ठाक्‍पा खिता थुप्‍क्‍यो सिन विचार खाला दुक सिन पावलगी छ्या स्‍येसुङ।

शक्ति काम 14:9 ပူးပေါင်းရင်းမြစ်များ

मत्ती 13:58

थेत्ताङ परमेश्‍वर शक्ति ओत सिन थे खोरोङ युल्‍बाओनगी पत्ते माक्‍याबेकी थेरूचेन थेकी अचम्‍बते काम काल्‍बा माक्‍यासुङ।

मत्ती 15:28

थोक सानामेई थेकी “ङे खोरोङगी साबाच्‍योक पक्‍काराङ खिओ सिन ङाला विश्‍वास खाबेकीराङ ङे खुई खाला नाङ साबाच्‍योक खाबाप। खुई फुमु नाङदुकी ल्‍हन्‍डीक तेन्‍गीन ताङा ओत,” सिन सिदुक। येशूकी थोक सिरासात्तु थे फेम्‍मे मिते फुमुते दाक ठाक्‍पा ओतान।

मत्ती 8:10

थेकी थोक सिरजीन येशूला आउदी अचम्‍ब लासुङ। थेमे थे खोरोङ तिङ ङ्याकीन ख्‍याम्‍बा ओताते मिओनला “लो तो, दि छेत ङाला विश्‍वास खित्‍कान्‍ते मिनी ङे ख्‍योकोन इस्राएली नाङोङ थातासाक सुङ थोङा मेत।

मत्ती 9:22

थे खोरोङला दोनामेई थेकी ख्‍युर ग्‍युरगीन ल्‍हाकनापा तासुङ। थेमे थे फेम्‍मे मिला “फुमो, खो ज्‍यीबा माकेत। खुई ङाला विश्‍वास खाबेकी खित्‍सादु खो ठाक्‍पाते ईन,” सिन सिदुक। थे बेलामेकी थे फेम्‍मे मिते थे बेथा दाक ठाक्‍सुङ।

मर्कूस 10:52

थेमे येशूकी थेला “लो लेमु खाला ग्‍युक। ङे खोल्‍ला थोङा थुप्‍च्‍या जोइओ सिन खुई ङाला विश्‍वास खाबेकी खो थोङच्‍या गालाते ईन,” सिन सिदुक। थेकी थोक सिराईताङ थे मिक दाक थोङच्‍या गाल्‍सुङ। थोक ओङनामेई थेङ येशूताङराङ ख्‍याम्‍सुङ।

मर्कूस 2:5

थेकी ठाक्‍पा खिता थुप्‍क्‍यो सिन थेबेकी थे खोरोङला थोक विश्‍वास खाबा थोङगीन थेकी थे कुज्‍येला “फुज्‍यो, ङे खुई खाबाते पाप गाङे माफ खाबान,” सिन सिदुक।

मर्कूस 8:25

थेकी याङराङ थे मि मिकनापा लाक्‍पा ज्‍याक्‍सुङ। थोक खानामेकी थे मि लेमु खाईन जेसुकै थोङच्‍या गाल्‍सुङ।

शक्ति काम 10:4

परमेश्‍वर दूतकी कातोङजीन ज्‍यीबेकी थुरथुर गाल्‍गीन थेला ऊरीकामा ताकीन देत्‍कीन थेकी “च्‍यि साबे प्रभु,” सिदुक। थेमे थे दूतकी थेला “खुई प्रार्थना खाबाते थेमे दुक्‍पा ङेताते मिओनला दुक्‍पाला ताबाते परमेश्‍वरगी थोङगीन खोल्‍ला मन परे खाबा ओत।

शक्ति काम 3:4

थोक खित्‍जीन थेबा ङिबोकी ख्‍युर ग्‍युरगीन थेला तासुङ। थेमे पत्रुसकीचेन थेला “देपा तोते,” सिन सिदुक।