स्तिफनसला सेत्नामेकी येशूला विश्वास खित्कान्तेबाला छ्ये छ्ये मिकी आउदी खाईन दुक्पा तेराला स्यूनामेकी यरूशलेमदुकी फ्रोकीन छरपुट्ट गालाते मिओन थारी थारीला ख्योला ओतान। थेबा लाला फोनिसिये नाङपा, लालाचेन साइप्रस लुङबे नाङपा लेपा ओतान। थोकराङ खाईन लाला लालाचेन एन्टिओखिये सारगी नाङपा गाला ओतान। थोक खाईन गाङेपा गालाते मि काल्बा च्योक्तेकी खालि खोपरोङ यहूदीओनलाकामा येशू बात लोपाला स्यूसुङ।
शक्ति काम 14:7
8 ပူးပေါင်းရင်းမြစ်များ
“ए ख्योकोनगी दोक च्यि खिता चाले? ङ्योकोन ल्हा मेन। ङ्योकोनोङ ख्योकोन च्योक्ते मिराङ ईन। ङ्योकोननी दुरू ख्योकोनला गा लाङच्येते बात लोपालाका वाबाते ईन। च्यि सासीन ख्योकोनगी थातासाक ल्हा सिन माने खाबातेबाला माने खिता माफाबो। थेबा ल्हा मेन। थेबाला माने खिता ताङला बरू सोम्बोते परमेश्वर छ्य्वापा लै खाला थेला माने खि। थेकीराङ दि सा नाम, समुन्द्र थेमे ओतातेबरी जति गाङे जोबाते ईन।
च्यि सासीन ख्योकोन ओत्सापा ओङा भन्दा गोमा फिलिप्पी सारदु परमेश्वरते गा लाङच्येते बात लोप्जीन थेरू मिओनगी ङ्योकोनला दुकीन इज्जत बेइज्जत खाबाते बात ख्योकोनगी छ्या मास्येबाते मेन। थेरू थोक खाईन दुक्पा बिन्सीनोङ परमेश्वरगी ङ्योकोनला आँट बिन्देकी ङ्योकोनगी ख्योकोन ओत्सादु वाकीन थेरूङ थे बातराङ लापाप। थेरूङ मिओनगी आउदी दुक्पा बिन्सीनोङ ङ्योकोनगी छ्याःङ ज्यीबा मिक्किता खाईन ख्योकोनला थे बात लापा ओतान।
खुई चुक खिता फाप्कीते सासीन मिओनला परमेश्वर बात लोप्कीनराङ देत, मिओनगी ङेन्सीनोङ माङेन्सीनोङ जुन बेलालाङ थे बात लोपा मातोङ थेमे गल्ती खित्कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्दे सिन गाङेला लाप्ला बिन। थानी दिबाला थोई लोप्च्ये सिराच्योक माकेत, सुङताङ स्येदाङ मिक्किता खाला खा छ्येत लेमु खिन दोक खाला लोप्कीनराङ देत।
ကြော်ငြာတွေ