शक्ति काम 14:22 - जिरेल22 थेपा ग्युरला डोजीन थेबेकी गोमा खोपरोङ गालाते होथे सार सारला ओताते येशू चेलाओनला “जस्तोराङ ओङसीनोङ प्रभु येशूला विश्वास खिन देता मातोङ। परमेश्वर राज्यने ड्वाप्ला ङुरूङगी दुरू याङ याङ दुक्पा ङेत्क्यो सिरच्येते बात टोक माज्येत,” सिन आँट तेरगीन गाल्सुङ। အခန်းကိုကြည့်ပါ။ |
शक्ति काम 14:22
49 ပူးပေါင်းရင်းမြစ်များ
थे फुज्युङ फुमु ओङनामेई थे खोरोङ फुज्युङ फुमुला तेरग्यो साबाते जेसुकै परमेश्वरगी ङुरूङला तेरग्यो। थोक खाला येशू ख्रीष्टकी ङेत्च्येते ङुरूङगीङ ङेत्क्यो। ईन्दालाचेन येशू ख्रीष्टकी खाबा च्योकराङ ङुरूङगीङ थरिङोला दुक्पा भोगे खिता फाप्क्यो। थेमे थेला छ्येज्यीक मान बिन्दा च्योकराङ परमेश्वरगी ङुरूङलाङ मान बिन्ला थे खोरोङगी ज्वा चाला च्योकराङ लेमु जोइओ।
थोगी था ख्योकोनगी येशूला विश्वास खाईन ङेन्दाते बात ङेन्दा नोमुङ तोङा मेङगो, थे बातला खि साबा च्योकराङ खिन देता फाप्क्यो थेमे होथे गा लाङच्येते बात थोनामेई तिरी खेराङगी परमेश्वरगी तेरग्यो साबाते जति ङेत्क्यो सिन आश खाईन गुकीन देताते बातला ज्येनगी जे सासीनोङ छ्याःङ शंका मिक्किता खाला देत। होथे बात ख्योकोनलाकामा मेन, सा लुङबा खाङगी मिला लाप्कीन बिन्दा ओत। थेमे ङा पावललाचेन मिओनला होथे बात लोप्च्येते जिम्मा बिन्दा ओत।
थोक ईन्देकी ज्येनला ङुरूङ प्रभु येशू बात लोपा नोमुङ ङोचा माकेत। थेमे थे बात लापेकी ङाला जेलदु ज्याक्पा ओत्सीनोङ खो छ्याःङ ङोचा माकेत। बरू थे गा लाङच्येते बात लोप्जीन खुईङ ङे च्योकराङ खाला दुक्पा भोगे खिता फाप्च्या दुक सासीनोङ थोकराङ खि। थोक खिताला परमेश्वरगीराङ खोल्ला थे खोरोङ शक्ति तेरग्यो।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
ङिङज्येते आज्यो न्वावे, परमेश्वरगी ङुरूङला पापकी सजायदुकी चुक खाईन टाल्सुङा सिन ख्योकोनला चिट्ठी टिक्पाला ङाला आउदी सेम लाबा ओतान। थे बात मेन्देकी थाचेन ङाला ख्योकोनला दि बात टिक्पाराङ फाप्क्यो सिराच्योक लासुङ। च्यि सासीन ज्येनगी जे सासीनोङ, जति दुक्पा बिन्सीनोङ येशूला विश्वास खाईन ङेन्दाते बात ख्योकोनगी ङेन्दा मातोङ। दि बात परमेश्वरगी थे खोरोङ सन्तान गाङेला ङेन सिन बिन्दाते ईन।
ङा ख्योकोन आज्यो यूहन्नाङ ख्योकोन च्योकराङ येशूताङ जीउज्यीकराङ ओङाते मि ईन। थोगी ङेङ ख्योकोनगी च्योकराङ खाईन दुक्पा ङेता ओत। थेमे ङाङ परमेश्वर राज्यदु ख्योकोनताङ ङ्योम्बुराङ देता ङेत्क्यो। जस्तो दुक्पा ङेत्सीनोङ ङाङ ख्योकोन च्योकराङ खपे खाईन देता ओत। ज्येनला परमेश्वर बात लापेकी थेमे येशू ख्रीष्ट सु ईन्दे, थेकी च्यि खिते सिन लापेकी खित्सादु ङाला समुन्द्रे किल्दु ओताते पत्मोस लुङबापा उरगीन ताङा ओतान।
ख्योकोनला आइ परे खिता खाबाते दुक्पा थोङला ख्योकोन ज्यीबा माकेत। ना ख्योकोनगी ङाला विश्वास खिता तोङगीता सिन ताप्ला शैतानगी ख्योकोन नाङ दोक्पोई ङिला जेलला लु ज्युत्क्यो। थोक खासीनोङ ङीमा च्युताम्बाकामा ख्योकोनला दुक्पा ओङगो। स्यापराङ फाप्सीनोङ ख्योकोनगी ङाला विश्वास खिता मातोङ। थेमे ङा ख्योकोनला इनाम तेरग्यो, थेचेन नोमुङ मिसिन्च्येते जुनी ईन।
ကြော်ငြာတွေ