शक्ति काम 14:21 - जिरेल

²¹ थेपा लेप्‍नामेकी थेरूङ थेबा ङिबोकी मिओनला गा लाङच्‍येते बात लाप्‍सुङ। थेबे बात ङेन्‍गीन थेरूङ मि काल्‍बेई येशू चेला ओङसुङ। तिरी थेबा ङिबो थेरूकी याङराङ लिस्‍त्राताङ आइकोनियमपाराङ खाईन पिसिदिये अञ्‍चल एन्‍टिओखिया सारनापा ग्‍युरसुङ।

शक्ति काम 14:21 ပူးပေါင်းရင်းမြစ်များ

मत्ती 28:19

थोगी था गाङे लुङबा लुङबाला गाल्‍ला गाङेपे मिओनला ङे चेला जो। चुक सासीन आबा परमेश्‍वर, परमेश्‍वर फुज्‍युङ थेमे परमेश्‍वर आत्‍मे मिनगी छ्य्‌वापेई थेबाला बप्‍तिस्‍मा बिन।

शक्ति काम 13:14

पावलताङ बारनाबासचेन थे सारदुकीङ पिसिदिये अञ्‍चल एन्‍टिओखिया सारदु लेप्‍सुङ। थेरू लेप्‍नामेई सन्‍चारी छोमु थेबा ङिबो यहूदीओनते मिटिङ खित्‍च्‍येते खाम्‍बादु गाल्‍गीन थेरू जम्‍मा ओङाते ज्‍येनतेबाताङराङ देत्‍सुङ।

शक्ति काम 13:51

थेरूकी थोक खाला उरला तोङजीन पावलताङ बारनाबासकीङ थे मिओनतेराङ गल्‍ती ईन सिराला खोपरोङ काम्‍बाला खोबाते थाला समेदोङ टाक टाक खाईन एन्‍टिओखियादुकी थेन्‍गीन आइकोनियमपा गाल्‍सुङ।

शक्ति काम 14:1

आइकोनियमदु लेप्‍नामेकी पावलताङ बारनाबासकी ज्‍येन ठाउँला च्‍योकराङ खाईन यहूदीओनते मिटिङ खित्‍च्‍येते खाम्‍बादु गाल्‍गीन थेरूङ बात खिताला स्‍यूसुङ। थेबा ङिबोकी येशू बात आउदी लेमु खाईन लापेकी थेरू यहूदीओनताङ ज्‍येन ज्‍येन जातकी मि काल्‍बेईकी थे बात ङेन्‍गीन येशूला विश्‍वास खिताला स्‍यूसुङ।

शक्ति काम 14:15

“ए ख्‍योकोनगी दोक च्‍यि खिता चाले? ङ्योकोन ल्‍हा मेन। ङ्योकोनोङ ख्‍योकोन च्‍योक्‍ते मिराङ ईन। ङ्योकोननी दुरू ख्‍योकोनला गा लाङच्‍येते बात लोपालाका वाबाते ईन। च्‍यि सासीन ख्‍योकोनगी थातासाक ल्‍हा सिन माने खाबातेबाला माने खिता माफाबो। थेबा ल्‍हा मेन। थेबाला माने खिता ताङला बरू सोम्‍बोते परमेश्‍वर छ्य्‌वापा लै खाला थेला माने खि। थेकीराङ दि सा नाम, समुन्‍द्र थेमे ओतातेबरी जति गाङे जोबाते ईन।

शक्ति काम 14:19

थे तिरी एन्‍टिओखियाताङ आइकोनियमदुकी कोई कोई यहूदी थेरू लेप्‍कीन थेरू मिओनला उल्‍के खाईन खोपरोङ छ्य्‌वापा लै खित च्‍युत्‍सुङ। थेमे थे यहूदीओनगी पावलला सेता फाप्‍क्‍यो सिन थेला आउदी खाईन दोईकी ग्‍याप्‍सुङ। थेमे थे स्‍याप्‍सीन सिन थेला सारदुकी ठुत्‍कीन खेरगीन पाङला क्‍युरसुङ।

शक्ति काम 14:26

थेरूकीचेन पानीजहाजला जेकीन सिरिये लुङबे एन्‍टिओखिया सारनापा ग्‍युरगीन गाल्‍सुङ। थेबा ङिबो गोमा गाङेपा गा लाङच्‍येते बात लोप डोजीन थे सारदु ओताते येशू ख्रीष्‍ट मिओनगीराङ परमेश्‍वरगी थेबाला दया खाला आशी तेरस्‍यीत सिन ताङा ओतान। थोक खाईन थेबा ङिबो खोपरोङगी खिता फाप्‍च्‍येते काम पूरो खाईन लोईन थेरू ग्‍युरगीन लेपा ओतान।

शक्ति काम 14:6

थेबेकी थोक खिता चालाते बात छ्या स्‍येकीन पावलताङ बारनाबासचेन थेरूकी फ्रोकीन लाइकाओनिया सिरसादु गाल्‍सुङ। थेमे थेरू लिस्‍त्राताङ डर्बी सिराते सारदु थेमे थे फेरोला ओताते युलगी नाङले मिओनला

शक्ति काम 14:7

गा लाङच्‍येते बात लोपाला स्‍यूसुङ।

शक्ति काम 14:8

लिस्‍त्रा सारदु कुज्‍येज्‍यीक ओतान। थे केजीनमेईराङ कुज्‍ये ओतेकी नोमुङ ख्‍याम्‍बा थुप्‍कीन मेतान।

शक्ति काम 15:36

थेमे टिक्‍पी तिरी पावलगी बारनाबासला “लो था ङुरूङ गोमा दाक्‍पोनगी प्रभु येशू बात लापाते सार सारला गाङेपा ग्‍युरला डुइ। थेमे थेङला आज्‍यो न्‍वाओनला च्‍यि च्‍यि ओङका, थेबा चुक दुका तार डुइ,” सिन सिदुक।

शक्ति काम 16:2

तिमोथीला लिस्‍त्राताङ आइकोनियम सारगी आज्‍यो न्‍वाओनगी लेमु मि ईन सिन मन परे खाबा ओतान।

शक्ति काम 2:47

थोक खाला छ्वाला रूला थेबाचेन जहिलेङ परमेश्‍वरते जय जय खिन ओतान। ज्‍येन ज्‍येनगीङ थेबाला लेमु मि ईन सिन मान खिन ओतान। थेमे प्रभु येशूकी थे खोरोङ छ्य्‌वापा लै खित्‍कान्‍ते मिओनला पापदुकी टाल्‍ला थे खोरोङला विश्‍वास खित्‍कान्‍ते मिओन ङीमे ठाङमा फेल ज्‍युत्‍कीन ओतान।

२ तिमोथी 3:11

मिओनगी ङाला खेदा खाईन खाईन दुक्‍पा बिन्‍दाते थेमे ङे भोगे खाबाते जेसुकै दुक्‍पा खोल्‍ला छ्या मेताते मेन। एन्‍टिओखिया, आइकोनियम थेमे लिस्‍त्रा सारगी नाङला मिओनगी ङाला चुक मेलेबा खाबा ओताने सिरच्‍येते बादोङ खोल्‍ला छ्याराङ ओत। ङाला जहाँदु जस्‍तो दुक्‍पा ओङसीनोङ प्रभु येशू ख्रीष्‍टकी थोक्‍ते गाङे दुक्‍पादुकी जोए खाबा ओत।