49 थोक ओङगीन थे लुङबादु गाङेपा प्रभु येशू बात फैले खासुङ।
तर चुक ओङसुङा सासीन थेबा ङिबोकीचेन थेरूई गाल्गीन येशूकी खोपरोङला खाबाते कामगी बात थेङला गाङेपा फैले खासुङ।
थे बेले नाङपाराङ झन मि काल्बेईकी परमेश्वर बात थोकीन थे बात ङेन्दाला स्यूसुङ।
थेला थोक ओङा थोङगीन थे हाकिम छक्क परे खासुङ। थेमे थेकी पावलबेकी लोप्च्येते प्रभु येशू बात पक्काराङ सत्यते दुका सिन येशूला विश्वास खिताला स्यूसुङ।
लो ङिसाक थे थेरूराङ थोक खाला लोप्कीन देत्सुङ। थोक खाईन एशिये अञ्चल खाङ प्रभु येशू बात फैले खाईन थेङला ओताते यहूदी ईन्स्यीत, ग्रीक ईन्स्यीत गाङेकी थे बात थोसुङ।
तर दि पावल सिरातेकीनी मिकी जोबाते ल्हे मूर्ति ल्हा ईनराङ मेन साकीन दि सारदु थेमे एशिये अञ्चल खाङराङ मि काल्बा च्योक गाङेला थे खोरोङ छ्य्वापा लै खित च्युत्कीन सिन्सुङ। दोक दोक ओङगीन दुक सिन ख्योकोनगी छ्या मास्येबाते मेन।
थोक खाईन गाङे बात मिले खानामेई परमेश्वर बात झन गाङेपा फैले खिन गाल्गीन येशू चेलाओन यरूशलेमदु झन फेल्गीन गाल्सुङ। थोक खाला परमेश्वर बात ङेन्ला येशूला विश्वास खित्कान्तेबे नाङ पूजारीओनोङ काल्बेई ओतान।
थोक खाईन तबीता सोम्बो लोक्पाते बात योप्पा खाङराङ फैले खासुङ। थेमे मि काल्बेईकी प्रभु येशूला विश्वास खिताला स्यूसुङ।
