शक्ति काम 13:46 - जिरेल

⁴⁶ यहूदीओनगी थोक खित्‍जीन पावलताङ बारनाबासकी ज्‍यीबाराङ मिक्‍किता खाईन थेबाला “ङ्योकोनगी लोप्‍कीन ओताते परमेश्‍वर बात लोपाला ङ्योकोन गोमा ख्‍योकोन ओत्‍सादु वाबाते ईन। तर ख्‍योकोनगी दि बात ईनराङ मेन्‍दे बात ईन सिन ङेनराङ माङेन्‍सुङ। दोक खाईन ख्‍योकोनगी नोमुङ मिसिन्‍च्‍येते जुनी मोगोओ सिरा च्‍योकराङ खासुङ। थोक ईन्‍देकी था दि बात ङ्योकोन ज्‍येन ज्‍येन जातकी मिला लोप डुइओ।

शक्ति काम 13:46 ပူးပေါင်းရင်းမြစ်များ

मत्ती 10:6

खालि तोराते लुक च्‍योक खाईन परमेश्‍वर छ्य्‌वापेई ठालाते दाक्‍पोन इस्राएलीओन ओत्‍सालाकामा गाल्‍ला दि कामओन खि।

मत्ती 21:41

ठिजीन थेबेकी “थे स्‍यीङगी धनीकी थोक मेलेबा काम खित्‍कान्‍ते मिओनला छ्याःङ दया मोज्‍योबा खाला सेत्‍क्‍यो। थेमे थे स्‍यीङचेन अंगूर छोजीन छोजीन थे खोरोङ बो तेरकान्‍ते ज्‍येन मिला फेम्‍माला तेरग्‍यो,” सिन सिदुक।

मत्ती 21:43

बात दोक दोक ईन्‍देकी ङा ख्‍योकोनला च्‍यि सिते सासीन था परमेश्‍वरगी थे खोरोङ राज्‍य ख्‍योकोन लाःक्‍तुकी ठ्वाला च्‍याला थे राज्‍यदु खिता फाप्‍च्‍येते च्‍योकराङ खित्‍कान्‍ते ज्‍येन जातज्‍यीगी मिओनला तेरग्‍यो।

मत्ती 25:46

थेमे थे तिरी थेबाचेन नरककुण्‍डमा स्‍यूला सधैँभरि सजाय भोगे खिन देता फाप्‍क्‍यो। परमेश्‍वरगी खि साबा साबा खित्‍कान्‍तेबाचेन नोमुङ मिसिन्‍च्‍येते जुनी ङेत्‍ला स्‍वर्गने देता ङेत्‍क्‍यो,” सिन सिदुक।

लूका 24:47

थेमे ख्रीष्‍टकी खाबाते कामगी खित्‍सादु मि गाङेकी खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते मौका ङेत्‍क्‍यो। थेमे थेबेकी खाबाते पाप गाङे परमेश्‍वरगी माफ तेरग्‍यो सिन होदि बात यरूशलेमदुकी शुरू खाला लुङबा लुङबे मिला लोपा फाप्‍क्‍यो सिनोङ टिबा ओत।

यूहन्‍ना 1:11

दाक्‍पोन लुङबाताङ मि नाङ देताला ओङजीन दाक्‍पोन मिओनगीराङ दिङ सु ईन्‍देरो सिराच्‍योक खाईन थेला वास्‍ता माक्‍यासुङ।

यूहन्‍ना 4:22

ख्‍योकोन सामरीओनला खेराङगी सुला माने खिन ओते सिन छ्या मिन्‍दुक। ङ्योकोनलानी ङेराङगी सुला माने खिन ओते सिन लेमुराङ खाला छ्या ओत। च्‍यिला सासीन मिओनला पापताङ दुक्‍पादुकी डेल्‍कान्‍तेचेन यहूदी नाङदुईराङ ओङगो।

शक्ति काम 13:14

पावलताङ बारनाबासचेन थे सारदुकीङ पिसिदिये अञ्‍चल एन्‍टिओखिया सारदु लेप्‍सुङ। थेरू लेप्‍नामेई सन्‍चारी छोमु थेबा ङिबो यहूदीओनते मिटिङ खित्‍च्‍येते खाम्‍बादु गाल्‍गीन थेरू जम्‍मा ओङाते ज्‍येनतेबाताङराङ देत्‍सुङ।

शक्ति काम 13:26

आज्‍यो न्‍वावे, ख्‍योकोन दुरू अब्राहाम सन्‍तान थेमे परमेश्‍वरला माने खित्‍कान्‍ते ज्‍येन ज्‍येन जातकी मिङ ओत। येशू बात थोरूम चुक सासीन परमेश्‍वरगी ङुरूङला पापकी सजायदुकी डेलाला थेला ताङाते ईन।

शक्ति काम 13:5

थेमे थेरू सलामिस सिरसादु लेप्‍नामेकी थेबा यहूदीओनते मिटिङ खित्‍च्‍येते खाम्‍बा खाम्‍बाला गाल्‍गीन गाङेला परमेश्‍वर बात लोपाला स्‍यूसुङ। खोपरोङला थे काम खित्‍जीन मद्धत खिताला गोक्‍यो सिन बारनाबासताङ शावलगी यूहन्‍नालाङ ङ्योम्‍बुराङ टीकीन खेरा ओतान।

शक्ति काम 19:9

तर कोई कोईकीचेन थेकी लोप्‍च्‍येते येशू बात बान्‍दा माङेन्‍सुङ। मि गाङे दोन्‍दु थेबेकी दिकी लोप्‍च्‍येते बात सत्‍यते ईनराङ मेन, दि बात ङेन्‍दा मेङगो सिन सासुङ। थेबेकी थोक खानामेई थरिङमेई ङा दुरू लोपराङ मोलोबो सिन पावल थेरू येशू चेलाओनला टीकीन थे मिटिङ खित्‍च्‍येते खाम्‍बा ताङगीन गाल्‍सुङ। थेमे टिरान्‍नस सिराते मि स्‍कूलपा गाल्‍गीन थेरू जम्‍मा ओङाते मिओनला ङीमे ठाङमा येशू बात लाप्‍सुङ।

शक्ति काम 22:21

थोक सिरजीनोङ प्रभु येशूकी ङाला ‘खो दुरू देता मेङगो। ङा खोल्‍ला थारी थारीला ज्‍येन ज्‍येन जातकी मिला परमेश्‍वर बात लोपाला तोङगो,’ सिन सिदुक,” सिन थे खोरोङला गोमा ओङाते बाततेबा लाःप्‍सुङ।

शक्ति काम 26:20

थोगी ङे गोमा दमस्‍कसदु थेमे यरूशलेमताङ यहूदिये अञ्‍चल नाङला गाङेपा थेमे ज्‍येन लुङबा लुङबाला गाल्‍गीन ज्‍येन ज्‍येन जातकी मिलाङ ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि सिन लापाप। थोक खित्‍जीन ङे थेबा गाङेला खोपरोङ पक्‍काराङ परमेश्‍वर छ्य्‌वापा लै खाबाते ईन सिन कामगीराङ खाला तेन्‍दा फाप्‍क्‍यो सिन साबाप।

शक्ति काम 28:28

गोमा साबाते थे बातकामा मेन, था ख्‍योकोनगी दि बादोङ छ्या स्‍येबा खि। च्‍यि सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते बात ज्‍येन ज्‍येन जातकी मिला लोप सिन साबा ओत। थेबेकीचेन थे बात थोनामेई सत्‍यतेराङ दुका सिन ङेन्‍ग्‍यो,” सिन सासुङ।

शक्ति काम 3:26

साबा च्‍योकराङ खाईन ख्‍योकोन गाङेला मेलेबाते कामदुकी टाल्‍ला आशी बिन्‍ला लेमु खिताला परमेश्‍वरगी थे खोरोङ काम खित्‍कान्‍ते येशूला गोमा ख्‍योकोन नाङ ताङाते ईन,” सिन सिदुक।

शक्ति काम 4:13

पत्रुसताङ यूहन्‍नेकी छ्याःङ ज्‍यीबाराङ मिक्‍किता खाईन बात खिता थोङनामेई थेमे थेबा ङिबो खोपरोङ च्‍योक पढे खाबाते मि मेन्‍गीन ज्‍येन मि च्‍योकराङ दुका सिन छ्या स्‍येनामेई थे छ्ये छ्ये मितेबा छक्‍क परे खासुङ। थेबा ङिबो गोमा येशूताङ देत्‍कीन ख्‍याम्‍गीन खाबाते दुका सिनोङ थेबेकी छ्या स्‍येसुङ।

शक्ति काम 7:51

ङे थाल्‍लासाक खाबाते बात थोकान ख्‍योकोन गाङेराङ जति सासीनोङ टेरेराङ मिक्‍किच्‍या स्‍यिङ दो च्‍योकराङ गाल्‍ला दुक। ख्‍योकोनते नामज्‍योक थुक्‍पु गाल्‍ला दुक। ख्‍योकोनचेन परमेश्‍वरगी साबाते ङेनराङ मेङेन्‍दुक। ख्‍योकोन खेराङ ज्‍युज्‍यु पुर्खा च्‍योकराङ गाल्‍ला दुक। थेबेकी खाबा च्‍योकराङ ख्‍योकोनोङ परमेश्‍वर आत्‍मेकी साबाते ङेनराङ मेङेन्‍दुक।

शक्ति काम 9:20

येशूला विश्‍वास खिताला स्‍यूक्‍पाईताङ शावल थेरू ओताते यहूदीओनते मिटिङ खित्‍च्‍येते खाम्‍बे नाङपा गाल्‍गीन थेरू जम्‍मा ओङाते मिओनला येशू परमेश्‍वर फुज्‍युङराङ ईन सिन लोपाला स्‍यूसुङ।

रोमी 1:16

गा लाङच्‍येते बात लोपाला ङाला सुङताङ छ्याःङ ङोचा मालाङदुक। च्‍यिला सासीन दि बातला परमेश्‍वरताङ चुक छ्येज्‍यीक शक्ति ओते सिरच्‍येते बात ओत। दि बात ङेन्‍ला येशूला विश्‍वास खित्‍कान्‍ते मिबरी गाङेला परमेश्‍वरगी पापदुकी डेल्‍ग्‍यो। दि पापदुकी डेल्‍च्‍येते काम परमेश्‍वरगी गोमा यहूदीओनला खासीनोङ ज्‍येन ज्‍येन जातकी मिलाङ खिओ।

रोमी 2:10

लोक्‍ला लेमु काम खित्‍कान्‍तेबालाचेन यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत परमेश्‍वरगी गाङेला थे खोरोङगी ज्‍वा चाला च्‍योकराङ लेमु जोइओ। थेकी थेबाला मान बिन्‍ला ढुक्‍क खाला देत ज्‍युत्‍क्‍यो।

फिलिप्‍पी 1:14

ङाला जेलदु लुक्‍नामेई प्रभु ख्रीष्‍टला विश्‍वास खित्‍कान्‍ते ज्‍येन आज्‍यो न्‍वा काल्‍बेईकी ज्‍यीबा खाला देता मेङच्‍याक्‍वा सिन आँट ङेता ओत। आँट ङेत्‍कीन था थेबेकी परमेश्‍वर बात ज्‍यीबाराङ मिक्‍किता खाला लोप्‍कीदुक।

हिब्रू 11:34

थेला विश्‍वास खाबा ओतेकी कोईला मे धुनी नाङ लुजीन मेकी समेत छ्याःङ खाबा मेतान, कोईचेन खोपरोङला तरवारगी तुप्‍ला सेता छोल्‍कान्‍ते मिओन लाःक्‍तुकी याङ याङ उम्‍के खाबा ओतान। थेबा खोपरोङ छ्याःङ खिता मुथुप्‍कान्‍ते ईन्‍सीनोङ परमेश्‍वरगी शक्ति बिन्‍गीन थेबाला छ्ये छ्ये काम खित च्‍युता ओतान। थोक खाईन शक्ति ङेत्‍कीन थेबेकी खोपरोङताङ लडाइँ खित ओङकान्‍ते ज्‍येन ज्‍येन लुङबे फौजला ज्‍यीबाराङ मिक्‍किता खाईन उरगीन ताङा ओतान।