शक्ति काम 13:32 - जिरेल

^32-33 थोगी था ङ्योकोन ख्‍योकोनला दि गा लाङच्‍येते बात सिओ। च्‍यि सासीन परमेश्‍वरगी येशूला स्‍यिसादुकी सोम्‍बो लोगीन ङुरूङ ज्‍युज्‍यु पुर्खाताङ खाबाते जमान ङुरूङ लाईदु पूरो खाबाते ईन। परमेश्‍वरगी येशूला स्‍यिसादुकी सोम्‍बो लोइओ सिरच्‍येते बात थेकी गोमाका ‘खो ङे फुज्‍युङ ईन। थरिङमेई ङा खुई आबा ईन,’ सिन दोस्रो भजनला टिक च्‍युता ओतान।

शक्ति काम 13:32 ပူးပေါင်းရင်းမြစ်များ

लूका 1:19

थे दूतकी “ङे मिन गब्रिएल ईन। ङा परमेश्‍वर दोन्‍दु देत्‍ला थेकी कोताते काम खित्‍कान्‍ते दूतज्‍यीक ईन। ङाला परमेश्‍वरगीराङ दि लेमुते लोन खोल्‍ला लोप सिन ताङाते ईन।

लूका 2:10

थेमे प्रभु परमेश्‍वर दूतकी थेबाला “ख्‍योकोन ज्‍यीबा माकेत। ङा दुरू ख्‍योकोनला आउदी गा लाङच्‍येते लोनज्‍यीक लाःपाला वाबाते ईन। ख्‍योकोन लाईदुकामा मेन, दि बात मि गाङे लाईदु गा लाङच्‍येते बात ईन।

शक्ति काम 10:36

बात चुक सासीन गाङेपा गाङेला राज्‍य खित्‍कान्‍ते येशू ख्रीष्‍टकी खाबाते कामगी खित्‍सादु परमेश्‍वरगी मिओनला थे खोरोङताङ डिक ज्‍युत्‍क्‍यो सिरच्‍येते बात ङ्योकोन इस्राएलीओनला छ्या स्‍ये च्‍युत्‍कीन बिन्‍दा ओत। दि बात ङ्योकोनगी ख्‍योकोनला सिरा माफाप्‍तासीन।

शक्ति काम 13:23

थेमे गोमाका जमान खाबा च्‍योकराङ खाईन परमेश्‍वरगी गेल्‍बो दाऊद सन्‍तान नाङदुकीराङ इस्राएलीओनला पापदुकी डेल्‍कान्‍ते मिज्‍यीकला ताङसुङ। थेचेन येशूराङ ईन।

शक्ति काम 13:38

बात दोक दोक ईन्‍देकी आज्‍यो न्‍वावे, येशूकी खित्‍सादुराङ खेराङ पाप माफ ओङगो सिन था ख्‍योकोन गाङेकी लेमु खाला छ्या स्‍येबा खि।

शक्ति काम 14:15

“ए ख्‍योकोनगी दोक च्‍यि खिता चाले? ङ्योकोन ल्‍हा मेन। ङ्योकोनोङ ख्‍योकोन च्‍योक्‍ते मिराङ ईन। ङ्योकोननी दुरू ख्‍योकोनला गा लाङच्‍येते बात लोपालाका वाबाते ईन। च्‍यि सासीन ख्‍योकोनगी थातासाक ल्‍हा सिन माने खाबातेबाला माने खिता माफाबो। थेबा ल्‍हा मेन। थेबाला माने खिता ताङला बरू सोम्‍बोते परमेश्‍वर छ्य्‌वापा लै खाला थेला माने खि। थेकीराङ दि सा नाम, समुन्‍द्र थेमे ओतातेबरी जति गाङे जोबाते ईन।

शक्ति काम 26:6

स्‍याप्‍ते मिओनला तिरी सोम्‍बो लोइओ सिन परमेश्‍वरगी ङेराङ ज्‍युज्‍यु पुर्खाला जमान खाबाते बात पक्‍काराङ ईन सिन साबेकी खित्‍सादु यहूदीओनगी ङाला दि मुद्धा कोन्‍दाते ईन।

शक्ति काम 3:19

थाचेन ङा ख्‍योकोनला च्‍यि सिते सासीन ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थोक खासीन प्रभु परमेश्‍वरगी ख्‍योकोन पाप माफ तेरग्‍यो। थेमे थेकी ख्‍योकोनला आशी बिन्‍ला ढुक्‍क खाला देत ज्‍युत्‍क्‍यो।

शक्ति काम 5:42

थे तिरीङ थेबेकी गा लाङच्‍येते बात लोपा ताङराङ माताङसुङ। ङीमे ठाङमा परमेश्‍वर मन्‍दिरदु थेमे मि खाम्‍बा खाम्‍बाला गाल्‍ला येशू परमेश्‍वरगी तोङगो साबाते ख्रीष्‍टराङ ईन सिन दि बात मिओनला लोप्‍कीनराङ देत्‍सुङ।

रोमी 1:2

दि गा लाङच्‍येते बात तिरी लेमु खाला छ्या स्‍ये ज्‍युत्‍क्‍यो सिन परमेश्‍वरगी गोमाका थे खोरोङ बात खित्‍कान्‍ते मिओनला परमेश्‍वर बातला टिक च्‍युता ओतान।

रोमी 10:15

लोक्‍ला थे बात लोप्‍कान्‍ते मिलाङनी थोक खि सिन सुइँदेकी तोङा फाप्‍सुङ मेनरो? तर थे बात लोप्‍कान्‍ते मिओन परमेश्‍वरगी ताङगीन सिन्‍दा ओत सिन परमेश्‍वर बातला “गा लाङच्‍येते बात लोप्‍कान्‍ते मि ओङजीन थोई लेमु ईन्‍दाका,” सिन साबा ओत।

रोमी 4:13

थेमे याङराङ परमेश्‍वरगी दि सा लुङबा अब्राहामताङ थे सन्‍तानओनते ओङगो सिन थेत्ताङ जमान खाबा ओतान। अब्राहामगी थे खोरोङ नियम ङेन्‍सुङ सिन परमेश्‍वरगी थेत्ताङ जमान खाबा मेतान। थेकी थे खोरोङताङ जमान खाबा च्‍योकराङ खिओ सिन अब्राहामगी थेला विश्‍वास खाबेकी परमेश्‍वरगी थेला दोषी मेन सानामेकी दि जमान खाबा ओतान।

रोमी 9:4

थेबानी परमेश्‍वरगी थे खोरोङ मि सिन साबाते इस्राएलीओनराङ ईन। थेबाचेन परमेश्‍वरगी थे खोरोङ धर्म-पुत्र जोबाते मि ईन। थेबेकी परमेश्‍वरला मिगी ताराङ मुथुप्‍च्‍या झिलिमिली नाम्‍दाकला देता ओता थोङा ओतान। थे खोरोङगी च्‍यि च्‍यि खिते सिन परमेश्‍वरगी थेबाताङ पालोताङ पालो जमान खाबा ओतान। थेमे थेबेकी चुक चुक खिता फाप्‍कीते सिन नियमओनोङ बिन्‍दा ओतान। थे खोरोङला चुक खाला माने खिता फाप्‍कीते सिन लाप्‍कीन बिन्‍गीन थेकी थेबाला आशी बिन्‍ला लेमु खिओ सिनोङ याङ याङराङ साबा ओतान।