शक्ति काम 13:25 - जिरेल

²⁵ थे खोरोङ कामबरी खाला सिन्‍दे बेलाला थेकी मिओनला ‘ख्‍योकोनगी ङा परमेश्‍वरगी तोङगो साबाते ख्रीष्‍ट ईन्‍दासीन सिन विचार खिदुक तर ङा थे मेन। थेनी था तिरीका ओङगीन ओत। ङानी थेते योक्‍पो ओङला काचाप टोल्‍ला तेरालाङ सोई मिक्‍किओ,’ सिन साबा ओतान।

शक्ति काम 13:25 ပူးပေါင်းရင်းမြစ်များ

मत्ती 3:11

थेमे ङाचेन खालि खोपरोङ पापी दुका सिन छ्या स्‍येकीन परमेश्‍वर छ्य्‌वापा लै खाबाते मिओनला छ्युलाकामा लुक्‍ला बप्‍तिस्‍मा तेरग्‍यो। था ङे तिरी मिज्‍यीक ओङगो। थेचेन ङा भन्‍दा खापान खापान छ्ये ईन। सिइराङ सासीन ङानी थेते योक्‍पो ओङला काचाप खुरला थे तिरी ख्‍याम्‍बालाङ सोई मिक्‍किओ। थेकीचेन ख्‍योकोनला परमेश्‍वर आत्‍मा तेरच्‍येतेताङ मेला लुक्‍ला न्‍याय खित्‍च्‍येते काम ङिकाराङ खिओ।

मर्कूस 1:7

थोक खाला मिओनला परमेश्‍वर बात लोप्‍जीन थेकी “था ङे तिरी मिज्‍यीक ओङगो। थेचेन ङा भन्‍दा खापान खापान छ्ये ईन। सिइराङ सासीन ङानी थेते योक्‍पो ओङला थेकी खोन्‍दाते काचाप टोल्‍ला तेरालाङ सोई मिक्‍किओ।

यूहन्‍ना 1:29

ङारो च्‍योक्‍ते येशूला थे खोरोङ ओत्‍सापा ओङगीन ओता थोङगीन यूहन्‍नेकी मिओनला “लो तो, परमेश्‍वरगी मि लाईदु बिन्‍दाते लुई रीउ उथेराङ ईन। सा लुङबा खाङगी मिओनगी खाबाते पापकी सजाय भोगे खाला मिओनला पापदुकी डेल्‍कान्‍तेचेन थेराङ ईन।

यूहन्‍ना 1:34

थोक खाईन ङाराङला गोमाका साबाच्‍योक ओङा थोङेकी परमेश्‍वर फुज्‍युङचेन दिराङ ईन सिन ङा ख्‍योकोनला ठोके खाला सिओ,” सिन सासुङ।

यूहन्‍ना 1:36

थेमे येशू थे खोरोङ दोन्‍नापेईराङ खाईन ड्वा थोङगीन थेकी “लो तो, परमेश्‍वरगी मि लाईदु बिन्‍दाते लुई रीउचेन दिराङ ईन,” सिन सिदुक।

यूहन्‍ना 4:34

थेमे येशूकी “ङे सापचेन ङाला दुरू तोङकान्‍तेकी खिता चाला चालाच्‍योक गाङे खाला सिन्‍दा खित्‍च्‍येते ईन।

यूहन्‍ना 7:18

दाक्‍पोनगी जोबाते बात लोप्‍कान्‍ते मिकीचेन ज्‍येनगी थे खोरोङला मान खित्‍स्‍यीत सिन लोप्‍क्‍यो। तर थे खोरोङला तोङकान्‍तेला मिओनगी मान खित्‍स्‍यीत सिन काम खित्‍कान्‍ते मिकीचेन ईन्‍दाते बातकामा खिओ, मेन्‍दाते बात सिराते थेकी दोक्‍पोईओङ मिक्‍किओ।

शक्ति काम 13:36

गेल्‍बो दाऊदकीचेन थे खोरोङ पालो मिओनला परमेश्‍वरगी थे खोरोङला खित च्‍युता च्‍योकराङ खाला राज्‍य खिन ओतान। उमेर छाङनामेकी थे स्‍यिसुङ। थेमे थेला थे खोरोङ पुर्खाओन दिसे खादुराङ दिसुङ। थेमे थे दाक रूल्‍गीनोङ गाल्‍सुङ।

शक्ति काम 19:4

थोक सिरजीन थेकी “यूहन्‍नेकीनी खोपरोङ पापी दुका सिन छ्या स्‍येकीन परमेश्‍वर छ्य्‌वापा लै खाबाते मिओनला छ्युला लुगीन बप्‍तिस्‍मा बिन्‍दा ओतान। थोक खित्‍जीनराङ थेकी मिओनला ‘दि ङे बातकामा ङेन्‍ला मेङगो। ख्‍योकोनगी था ङे तिरी ओङगीन ओताते मिकी साबाते ङेन्‍ला थेला विश्‍वास खिता फाप्‍क्‍यो। थेचेन येशूराङ ईन,’ सिन साबा ओतान,” सिन सिदुक।

शक्ति काम 20:24

थोक दुक्‍पा ओङजीन स्‍याराङ फाप्‍सीनोङ ङाला छ्याःङ ज्‍यीबा मेत। ङाराङ सोन सोनसाक ङे खिता फाप्‍च्‍येते कामचेन परमेश्‍वरगी मिओनला दया खिओ सिरच्‍येते गा लाङच्‍येते बात गाङेला लोप्‍च्‍येते ईन। थोक खाला प्रभु येशूकी खि साबाते काम ङे पूरो खिताराङ फाप्‍क्‍यो।

२ कोरिन्‍थी 4:5

थेमे ङ्योकोन ज्‍येनगी ङेराङला आउदी लेमु मि दुका सिरस्‍यीत सिन दि बात लोप्‍च्‍येते मेन। येशू ख्रीष्‍टराङ छ्ये ईन, थेराङ गाङेते मालिक ईन सिन ङ्योकोन मिओनला लोप्‍क्‍यो। थोक ईन्‍देकी ङ्योकोनचेन थेला मान खिन ख्‍योकोन काम खित्‍कान्‍ते मि च्‍योकराङ ईन।

२ तिमोथी 4:7

दुक्‍पा किम्‍मु जस्‍तो ओङजीनोङ ङे ङाराङ काम लेमु खाईन खाबा ओत, बत्ते खित्‍कान्‍ते मि ख्‍योला फाप्‍सासाक लेपाच्‍योक खाईन ङेङ ङाराङगी खिता फाप्‍च्‍येते काम गाङे खाईन सिन्‍दा खाबा ओत। थेमे येशू ख्रीष्‍टला विश्‍वास खाईन ङेन्‍दाते बात ङे जुनी खाङ ङेन्‍गीनराङ देताप।

छ्या स्‍ये च्‍युताते बात 11:7

थेबा ङिबोकी खिता फाप्‍च्‍येते काम खाईन सिन्‍नामेकी ताजीनराङ ज्‍यीबा लाङच्‍याज्‍यीक जन्‍तुज्‍यीक खापान खापान तीङ ओताते डालुमदुकी थेन्‍ला वाला थेबा ङिबोताङ जीङगो। थेमे जीला ग्‍याल्‍ला थेबा ङिबोला सेत्‍क्‍यो।