च्यिला सासीन था ङा ख्योकोन नाङ परमेश्वर बात खित्कान्ते मिओन, आउदी बुद्धि ओताते मिओन थेमे परमेश्वर बात लोप्कान्तेबाला तोङगो। थेबे नाङ ख्योकोनगी कोईला सेत्क्यो, कोईला स्यिङगी थामला टाँए खाला सेत्क्यो, कोईला खेराङ मिटिङ खित्च्येते खाम्बे नाङला खेरला कोर्रा लै खिओ थेमे कोईलाचेन थेबा जुन जुन सारदु डुइदुक थेरू थेरूराङ गाल्ला थेङलेकी उरला तोङगो।
शक्ति काम 11:27 - जिरेल27 थे बेले नाङलाराङ परमेश्वर बात खित्कान्ते कोई कोई मि यरूशलेमदुकी एन्टिओखियापा लिच्युङ। အခန်းကိုကြည့်ပါ။ |
शक्ति काम 11:27
19 ပူးပေါင်းရင်းမြစ်များ
खेराङ ज्युज्यु पुर्खाताङ ख्योकोनगी होदोक्ते काम खिओ सिन थे खोरोङ बुद्धिकी परमेश्वरगी गोमाका छ्या स्येबा ओतान। थेमे थेकी ‘ङा ङे बात खित्कान्तेबा थेमे ज्येनोङ ङाराङगी खटे खाबाते मिओन मि नाङ तोङगो। तर मिओनगीचेन ङे ताङाते मिओन नाङ कोईला सेत्क्यो, कोईला आउदी दुक्पा बिन्ला उरला तोङगो,’ सिन साबा ओतान।
थेरूकीचेन पानीजहाजला जेकीन सिरिये लुङबे एन्टिओखिया सारनापा ग्युरगीन गाल्सुङ। थेबा ङिबो गोमा गाङेपा गा लाङच्येते बात लोप डोजीन थे सारदु ओताते येशू ख्रीष्ट मिओनगीराङ परमेश्वरगी थेबाला दया खाला आशी तेरस्यीत सिन ताङा ओतान। थोक खाईन थेबा ङिबो खोपरोङगी खिता फाप्च्येते काम पूरो खाईन लोईन थेरू ग्युरगीन लेपा ओतान।
याकूबकी थोक सानामेकी थेरू येशू ख्रीष्टकी खटे खाबाते मिओन, येशू ख्रीष्ट मिओनला ताकान्तेबा थेमे येशू ख्रीष्ट मि गाङेकी थे बात ङेन्गीन “लो था ङुरूङगी ङुरूङ नाङदुई कोई कोईला छाने खाला च्याला पावल थेमे बारनाबासताङराङ एन्टिओखियापा तोङगी,” सिन सल्लाह खासुङ। थेमे खोपरोङ नाङदुई बारसाबास सिराते यहूदाताङ सिलासला छाने खासुङ। थेबा ङिबोचेन थेरू खोपरोङ नाङ छ्येते मि ओतान।
थेकीचेन ‘परमेश्वरगी च्यि सिका सासीन था दि जुग सिन्दे खाला ङा मि गाङेला ङाराङ आत्मा तेरग्यो। दोक ओङनामेई ख्योकोन फुज्युङ फुमुबेकी ङे सिर च्युताते बात खिओ। थेमे स्याराते मिओनला ङा मिलाम खित ज्युताच्योक खाला ङे खिता चालाते कामओन तेन्ला तेरग्यो। थोकराङ खाला गान्दाते मिओनताङ ङा मिलामला बात खिओ।
दि बात गाङेला सेमला गाल्सुङ। थेमे थेबेकी खोपरोङ नाङदुई मेराज्यीकचेन स्तिफनस सिरातेला छाने खासुङ। थेचेन येशूकी जेङ खिता थुप्क्यो सिन थेला आउदी खाला विश्वास खित्कानज्यीक थेमे परमेश्वर आत्मेकी खाङाते मि ओतान। थेबेकी छाने खाबाते ज्येन मेरा ठुकचेन फिलिप, प्रखरस, निकनोर, तीमोन, पर्मिनास थेमे निकोलाउस सिरातेन्दे ओतान। निकोलाउसचेन एन्टिओखिया सारगी मि ओतान। ज्येन जातकी मि ईन्सीनोङ थेकी यहूदी धर्म माने खिताला स्यूबा ओतान।
लोक्ला कोईला अचम्ब अचम्बतेन्दे काम खित्च्येते शक्ति बिन्दा ओङगो सासीन कोईला परमेश्वरगी सिर च्युताते बात खित्च्येते शक्ति बिन्दा ओङगो। थोकराङ खाला कोईला सुइँदेकी खाबाते बात परमेश्वर आत्मेकी सिर च्युताते ईन्दाना मेन्दे सिन डेल्च्येते शक्ति बिन्दा ओङगो। थेमे कोईला खोपरोङगी छ्या मास्येबाते खुदुक खुदुकते भाषाला बात खित्च्येते शक्ति बिन्दा ओङगो सासीन ज्येनज्यीकलाचेन होथोक्ते भाषाला बात खित्कान्ते मिकी खाबाते बातकी अर्थ खोले खित्च्येते शक्ति बिन्दा ओङगो।
येशू ख्रीष्ट मिओन नाङ परमेश्वरगी छ्येदुकी शुरू खाईन टेक्टेसाक गाङेला दाक्पोन दाक्पोन जिम्मा बिन्दा ओत। थेबे नाङ गाङे भन्दा गोमाचेन येशू ख्रीष्टकी खटे खाबाते मिओन, थेबे तिरी परमेश्वर बात खित्कान्तेबा, थेरूकी परमेश्वर बात लोप्कान्तेबा फाप्क्यो। थोकराङ खाला अचम्ब अचम्बतेन्दे काम खित्कान्तेबा, नाबाते मिओनला ठाक्पा खित्च्येते शक्ति ङेता ओतातेबा, ज्येनला मद्धत खित्कान्तेबा, खाङ काम चुक खाला खिता फाप्कीते सिन छ्या स्येकान्तेबा थेमे खोपरोङगी छ्या मास्येबाते खुदुक खुदुकते भाषाला बात खित्कान्ते मिओन फाप्क्यो।
थेकीराङ मिओनला खुदुक खुदुकते काम खित्च्येते सीपताङ शक्ति बिन्गीन कोईला थे खोरोङगी खटे खाबाते मि थेमे कोईला परमेश्वर बात खित्कान्ते मि जोसुङ। थोकराङ खाईन कोईला ठाउँ ठाउँला गाल्ला गा लाङच्येते बात लोप्कान्ते मि थेमे कोईला परमेश्वर सन्तानओनला ताकान्ते थेमे परमेश्वर बात लोप्कान्ते मि जोसुङ।
ကြော်ငြာတွေ