शक्ति काम 11:21 - जिरेल

²¹ थोक खाला बात लोपाला प्रभु येशूकी थेबाला आउदी खाईन आशी बिन्‍सुङ। थेमे थेरू मि काल्‍बेईकी प्रभु येशूला विश्‍वास खाईन थे छ्य्‌वापा लै खासुङ।

शक्ति काम 11:21 ပူးပေါင်းရင်းမြစ်များ

लूका 1:66

दि बात थोकान गाङेकी दि बात च्‍यि ईन्‍ताका थेमे थे फिजा चुकस्‍यिक ओङगीताका सिन खोपरोङ खोपरोङ सेमदु गुने खासुङ। च्‍यिला सासीन प्रभु परमेश्‍वर साँच्‍चीराङ थे फिजाताङ ओत सिन गाङेकी छ्या स्‍येबा ओतान।

शक्ति काम 11:24

बारनाबास लेमु मि ओतान। थेचेन परमेश्‍वर आत्‍मेकी खाङाते थेमे येशूकी जेङ खिता थुप्‍क्‍यो सिन थेला आउदी खाला विश्‍वास खित्‍कानज्‍यीक ओतान। थे एन्‍टिओखियादु देते बेलाला थे बात ङेन्‍गीन मि काल्‍बेईकी प्रभु येशूला विश्‍वास खिताला स्‍यूसुङ।

शक्ति काम 15:19

परमेश्‍वरगीराङ थोक साबा ओतेकी ङाचेन था ख्‍योकोनला चुक सिते सासीन परमेश्‍वर छ्य्‌वापा लै खित्‍कान्‍ते ज्‍येन ज्‍येन जातकी मिकीङ ङुरूङ यहूदीओनला बिन्‍दाते परमेश्‍वर नियम गाङे ङेन्‍दाराङ फाप्‍क्‍यो साला थेबाला दुक्‍पा तेरा मेङगो।

शक्ति काम 2:47

थोक खाला छ्वाला रूला थेबाचेन जहिलेङ परमेश्‍वरते जय जय खिन ओतान। ज्‍येन ज्‍येनगीङ थेबाला लेमु मि ईन सिन मान खिन ओतान। थेमे प्रभु येशूकी थे खोरोङ छ्य्‌वापा लै खित्‍कान्‍ते मिओनला पापदुकी टाल्‍ला थे खोरोङला विश्‍वास खित्‍कान्‍ते मिओन ङीमे ठाङमा फेल ज्‍युत्‍कीन ओतान।

शक्ति काम 4:4

थेबाला थोक खासीनोङ थेबा ङिबोकी खाबाते बात थोकान्‍ते काल्‍बा च्‍योक मिकी थेबे बात ङेन्‍गीन येशूला विश्‍वास खिताला स्‍यूसुङ। थे छोमुसाकला येशूला विश्‍वास खित्‍कान्‍ते मि हजार ङाजो ख्‍योल्‍गीन सिन्‍दा ओतान।

शक्ति काम 5:14

खोले खोले होथेबे नाङदुईराङ ख्‍योओ मि, फेम्‍मे मि काल्‍बेईकी प्रभु येशूला विश्‍वास खिताला स्‍यूसुङ। थेमे थेबाङ येशूला विश्‍वास खित्‍कान्‍ते मिओनताङराङ डिगीन ख्‍याम्‍बाला स्‍यूसुङ।

शक्ति काम 6:7

थोक खाईन गाङे बात मिले खानामेई परमेश्‍वर बात झन गाङेपा फैले खिन गाल्‍गीन येशू चेलाओन यरूशलेमदु झन फेल्‍गीन गाल्‍सुङ। थोक खाला परमेश्‍वर बात ङेन्‍ला येशूला विश्‍वास खित्‍कान्‍तेबे नाङ पूजारीओनोङ काल्‍बेई ओतान।

शक्ति काम 9:35

थे ख्‍याम्‍बा थुप्‍च्‍या गाला थोङगीन लिड्डाताङ शारोन नाङला देत्‍कान्‍ते मि गाङेराङ प्रभु येशू छ्य्‌वापा लै खासुङ।

१ थिस्‍सलोनिकी 1:5

च्‍यिला सासीन ङ्योकोनगी लोप्‍च्‍येते गा लाङच्‍येते बातचेन मि बातकामा मेन्‍देकी थे बातकी छ्य्‌वापेई परमेश्‍वरगी ख्‍योकोन नाङ छ्ये छ्ये शक्ति काम खासुङ। थे बात पक्‍काराङ सत्‍यते ईन सिन परमेश्‍वर आत्‍मे छ्य्‌वापेई लेमु खाईन छ्या स्‍येबेकी ङ्योकोनगी थे बात ख्‍योकोनला लेमु खाईन लोपा थुपाते ईन। थेजीन ख्‍योकोनताङ देत्‍जीन ख्‍योकोनला लेमु ओङस्‍यीत सिन ङ्योकोनगी चुक चुक खाबा ओताने सिन ख्‍योकोनला गाङे छ्या ओतेकी ङ्योकोनगी छ्याःङ सिरा माफाप्‍तासीन।