शक्ति काम 11:20 - जिरेल20 थोक ईन्सीनोङ कोई कोईकीचेन एन्टिओखियापा गाल्गीन ग्रीकओनलाङ प्रभु येशू बात लाप्सुङ। थोक खित्कान्तेबाचेन साइप्रस लुङबाताङ साइरेनी सारगी मिओन ओतान। အခန်းကိုကြည့်ပါ။ |
शक्ति काम 11:20
28 ပူးပေါင်းရင်းမြစ်များ
स्तिफनसला सेत्नामेकी येशूला विश्वास खित्कान्तेबाला छ्ये छ्ये मिकी आउदी खाईन दुक्पा तेराला स्यूनामेकी यरूशलेमदुकी फ्रोकीन छरपुट्ट गालाते मिओन थारी थारीला ख्योला ओतान। थेबा लाला फोनिसिये नाङपा, लालाचेन साइप्रस लुङबे नाङपा लेपा ओतान। थोकराङ खाईन लाला लालाचेन एन्टिओखिये सारगी नाङपा गाला ओतान। थोक खाईन गाङेपा गालाते मि काल्बा च्योक्तेकी खालि खोपरोङ यहूदीओनलाकामा येशू बात लोपाला स्यूसुङ।
थेरूकीचेन पानीजहाजला जेकीन सिरिये लुङबे एन्टिओखिया सारनापा ग्युरगीन गाल्सुङ। थेबा ङिबो गोमा गाङेपा गा लाङच्येते बात लोप डोजीन थे सारदु ओताते येशू ख्रीष्ट मिओनगीराङ परमेश्वरगी थेबाला दया खाला आशी तेरस्यीत सिन ताङा ओतान। थोक खाईन थेबा ङिबो खोपरोङगी खिता फाप्च्येते काम पूरो खाईन लोईन थेरू ग्युरगीन लेपा ओतान।
याकूबकी थोक सानामेकी थेरू येशू ख्रीष्टकी खटे खाबाते मिओन, येशू ख्रीष्ट मिओनला ताकान्तेबा थेमे येशू ख्रीष्ट मि गाङेकी थे बात ङेन्गीन “लो था ङुरूङगी ङुरूङ नाङदुई कोई कोईला छाने खाला च्याला पावल थेमे बारनाबासताङराङ एन्टिओखियापा तोङगी,” सिन सल्लाह खासुङ। थेमे खोपरोङ नाङदुई बारसाबास सिराते यहूदाताङ सिलासला छाने खासुङ। थेबा ङिबोचेन थेरू खोपरोङ नाङ छ्येते मि ओतान।
थेमे थेबेकी दोक सिन चिट्ठीज्यीक टिकीन थेबे लाःक्तु बिन्गीन ताङसुङ। थे चिट्ठीला च्यि सिन टिबा ओताने सासीन “दि चिट्ठीचेन एन्टिओखियादु थेमे सिरियाताङ सिलिसियादु ओताते ख्योकोन ज्येन ज्येन जातकी आज्यो न्वाबा गाङे लाईदु टिबाते ईन। ख्योकोन गाङेला येशू ख्रीष्टकी खटे खाबाते मिओन थेमे दुरू ओताते येशू ख्रीष्ट मिओनला ताकान्ते मि ङ्योकोन गाङेते नमस्ते ओत।
थे मि रूक्सादु इपिक्युरीताङ स्तोइकी सिरातेन्दे पाटी गुरूओनोङ ओतान। पावलगी लापाते येशू बात थेमे स्यिनामेकी याङराङ सोम्बो लोइओ सिरच्येते बात थोजीन थेत्ताङ छलफल खिन थेबे नाङ लालेकी “दि फतफते बादोङ च्यि ङेन्च्ये?” सिन सासुङ। लालेकीचेन “दिकी ज्येन लुङबे ल्हे बात खित्च्या ईन्दा च्यिन्दा,” सिन सासुङ।
येशू चेला ओङाते मिओन आउदी खाला फेल्गीन डुइन ओतान। थेबे नाङ हिब्रू बात खित्कान्ते यहूदीओनताङ ग्रीक बात खित्कान्ते यहूदी खाईन हूल ङि ओतान। थोक खाला फेल्गीन ड्वाप्ला स्यूनामेकी थेबा हूल ङिकी नाङ टिक्पी ठाकठाक ठोकठोक स्योरसुङ। च्यिला सासीन ङीमे ठाङमा साप गोत्जीन खोपरोङ हूलगीते ख्योबो स्याप्ते फेम्मे मिओनला लेमु खाईन मातासुङ सिन ग्रीक बात खित्कान्तेबा हिब्रू बात खित्कान्ते ज्येन यहूदीओनताङ स्येदाङ खासुङ।
दि बात गाङेला सेमला गाल्सुङ। थेमे थेबेकी खोपरोङ नाङदुई मेराज्यीकचेन स्तिफनस सिरातेला छाने खासुङ। थेचेन येशूकी जेङ खिता थुप्क्यो सिन थेला आउदी खाला विश्वास खित्कानज्यीक थेमे परमेश्वर आत्मेकी खाङाते मि ओतान। थेबेकी छाने खाबाते ज्येन मेरा ठुकचेन फिलिप, प्रखरस, निकनोर, तीमोन, पर्मिनास थेमे निकोलाउस सिरातेन्दे ओतान। निकोलाउसचेन एन्टिओखिया सारगी मि ओतान। ज्येन जातकी मि ईन्सीनोङ थेकी यहूदी धर्म माने खिताला स्यूबा ओतान।
तर कोई कोई यहूदीला थेकी खाबाते कामताङ बात लेमु मालाकीन थेबा थेत्ताङ माडिक्सुङ। थेबेते मिटिङ खित्च्येते खाम्बाङ खोपरोङते खुदुकराङ ओतान। थेबाला योक्पो योङमु खित्सादुई ताङाते मि ईन सिन सिरच्येते खिन ओतान। साइरेनीताङ अलेक्जेन्ड्रिया सार थेमे सिलिसियाताङ एशिये अञ्चल नाङपेकी वाकीन देताते ज्येन ज्येन यहूदीङ दिबाताङ डिक्पा ओतान। होदिबा गाङेराङ डिगीन स्तिफनसकी खाबाते बात ङेन्दा ओङच्येते मेन सिन थेत्ताङ टेकाटेउरी खासुङ।
ကြော်ငြာတွေ