शक्ति काम 11:14 - जिरेल

¹⁴ थेकी वाला ख्‍योकोनला परमेश्‍वर बात लोप्‍क्‍यो। थे बात ङेन्‍नामेई परमेश्‍वरगी खोत्ताङ खुई खाम्‍बादु ओताते मि गाङेला पापकी सजायदुकी डेल्‍ग्‍यो,’ सिन सिदुक सिन थे खोरोङला ओङाते बात गाङे लाःप्‍सुङ।

शक्ति काम 11:14 ပူးပေါင်းရင်းမြစ်များ

मर्कूस 16:16

दि बात ङेन्‍ला ङाला विश्‍वास खाला बप्‍तिस्‍मा लिन्‍कान्‍ते मिला परमेश्‍वरगी पापकी सजायदुकी डेल्‍ग्‍यो। दि बात मेङेन्‍कानताङ ङाला विश्‍वास मिक्‍किकान्‍तेलाचेन परमेश्‍वरगी पापकी सजाय तेरग्‍यो।

लूका 19:10

परमेश्‍वर ओत्‍सादुई वाबाते मि ङाचेन परमेश्‍वरताङ ठाल्‍गीन गालाते मिओनला थेत्ताङ डिक ज्‍युताला थेमे थेबाला पापदुकी डेलाला वाबाते ईन,” सिन सिदुक।

यूहन्‍ना 12:50

आबेकी कोताते बातओन ङेन्‍कान्‍ते मिकी नोमुङ मिसिन्‍च्‍येते जुनी ङेत्‍क्‍यो सिन ङाला छ्या ओत। थोगी आबेकी ङाराङला च्‍यि च्‍यि साबा ओताने ङा थे थे बातराङ खिओ,” सिन बात खासुङ।

यूहन्‍ना 20:31

दि बातओन टिबातेचेन येशू परमेश्‍वरगी तोङगो साबाते ख्रीष्‍ट ईन, थे परमेश्‍वर फुज्‍युङ ईन सिन छ्या स्‍येला ख्‍योकोनगी थेला विश्‍वास खित्‍स्‍यीत थेमे थेला विश्‍वास खाला नोमुङ मिसिन्‍च्‍येते जुनी ङेत्‍स्‍यीत सिनराङ ईन।

यूहन्‍ना 4:53

येशूकी थे खोरोङला “खुई फुज्‍युङ सोन्‍ग्‍यो,” साबाते ठीक थे बेलालाराङ ईन सिन थेकी छ्या स्‍येसुङ। थोगी थे मि थेमे थे खाम्‍बादु ओताते गाङेकी येशूला विश्‍वास खासुङ।

यूहन्‍ना 6:63

मिओनला नोमुङ मिसिन्‍च्‍येते जुनी तेरकान्‍ते परमेश्‍वर आत्‍मा ईन। मिकीचेन दोक खिताराङ मुथुबो। ङे ख्‍योकोनताङ खाबाते बाततेबा परमेश्‍वर आत्‍मेते थेमे नोमुङ मिसिन्‍च्‍येते जुनी बात ईन।

यूहन्‍ना 6:68

थोक सिरजीन शिमोन पत्रुसकी “प्रभु, खोल्‍ला ताङला ङ्योकोन खापा डोच्‍ये? थेमे सुई तिरी ख्‍याम्‍च्‍ये? मिओनगी नोमुङ मिसिन्‍च्‍येते जुनी ङेत्‍च्‍येते खुई बात ङेन्‍लाराङ ईन।

शक्ति काम 10:2

यहूदी मेन्‍सीनोङ थेत्ताङ थे खाम्‍बे मि गाङेराङ परमेश्‍वर नियम ङेन्‍ला परमेश्‍वरला माने खिन ओतान। थेकी दुक्‍पा ङेताते यहूदीओनला दुक्‍पाला तेइन ओतान। थेमे थे परमेश्‍वरला प्रार्थनाङ खिन ओतान।

शक्ति काम 10:22

थेमे थेबा सुमबोकी “मिल्‍टेरी क्‍याप्‍टेन कर्नेलियसकी खोल्‍ला लाला खोरच्‍योक सिन ङ्योकोनला देपा ताङसुङ। थे परमेश्‍वरला आउदी खाला माने खित्‍कान्‍ते लेमु मि ईन। थेला यहूदीओनगीङ गाङेकी मन परे खाला दुक। खोल्‍ला थे खाम्‍बापा लाला खुलाला च्‍याला खुई साबाते बाततेबा ङेन सिन थेला परमेश्‍वर दूतज्‍यीगी सिदुक्‍लो। थोगी ङ्योकोन खोल्‍ला लिन्‍दाला देपा वाबाते ईन,” सिन सिदुक।

शक्ति काम 10:43

थेमे परमेश्‍वर बात खित्‍कान्‍ते मि गाङेकी गोमाकाराङ येशू ख्रीष्‍ट विषयला बात खाईन थेला विश्‍वास खित्‍कान गाङेला परमेश्‍वरगी थेबेकी खाबाते पाप गाङे माफ तेरग्‍यो। दोक खाला पाप माफ तेरच्‍येते थेकी येशू ख्रीष्‍टकी खाबाते कामगी खित्‍सादु खिओ सिरच्‍येते बात खाबा ओतान,” सिन सिदुक।

शक्ति काम 10:6

थेचेन शिमोन सिराते सर्की खाम्‍बादु देता ओत। शिमोन खाम्‍बाचेन समुन्‍द्रे छेउदुराङ ओत,” सिन सानामेई

शक्ति काम 11:13

थेरूई थेकी ङ्योकोनला परमेश्‍वर दूतज्‍यीगी थे खोरोङ खाम्‍बादु वाकीन थेला ‘योप्‍पादु ओताते शिमोन सिराते मिला लिन थोङ। थेला मिओनगी पत्रुस सिनोङ सिओ।

शक्ति काम 16:15

थेमे थे फेम्‍मे मित्ताङ थे खाम्‍बादु देत्‍कान्‍ते गाङेकी बप्‍तिस्‍मा लासुङ। थोक खानामेई थे फेम्‍मे मिकी “ङे पक्‍काराङ प्रभु येशूला विश्‍वास खिताला स्‍यूबाते ईन सिन ख्‍योकोन पत्ते खिओ सासीन ङे खाम्‍बापा देताला डुइ,” सिन ढिपी खाईन ङ्योकोनला थे मोरोङ खाँपा खेरसुङ।

शक्ति काम 18:8

पावलगी लापाते बात ङेन्‍गीन क्रिस्‍पसताङ थे खाम्‍बे मि गाङेकी प्रभु येशूला विश्‍वास खिताला स्‍यूसुङ। क्रिस्‍पसचेन होथे मिटिङ खित्‍च्‍येते खाम्‍बेते छ्येते मि ओतान। पावलगी लोप्‍कीन ओताते बात ङेन्‍गीन कोरिन्‍थदु ज्‍येनोङ मि काल्‍बेईकी प्रभु येशूला विश्‍वास खाईन बप्‍तिस्‍मा लासुङ।

शक्ति काम 2:39

ङुरूङ प्रभु परमेश्‍वरगी मिओनला तेरग्‍यो सिन साबाते परमेश्‍वर आत्‍मा थेकी ख्‍योकोनला, ख्‍योकोन सन्‍तानला थेमे ज्‍येन ज्‍येन लुङबाला देत्‍कान्‍तेबा गाङेला तेरग्‍यो। प्रभु परमेश्‍वरगी सु सुला थे खोरोङ दोन्‍दु स्‍योक सिन कातोङगीका थेबा गाङेला थे खोरोङ आत्‍मा तेरग्‍यो,” सिन सिदुक।

१ कोरिन्‍थी 1:16

अँ साँच्‍ची ङे स्‍तिफनास खाम्‍बे मिओनलाङ बप्‍तिस्‍मा बिन्‍दा ओतान। होदिबाला बाई ङे ज्‍येन सुङलाङ बप्‍तिस्‍मा बिन्‍दाते ङाला ठेम्‍बा मालाङदुक।