शक्ति काम 10:9 - जिरेल

⁹ थेमे ङारो च्‍योक्‍ते थेबा सुमबो ङीम्‍मु बाह्र बजे नाङला योप्‍पे खानापा लेपा खाबा ओतान। थे बेलाला पत्रुसचेन परमेश्‍वरला प्रार्थना खिताला खाम्‍बे लाकने कौसीने गाला ओतान।

शक्ति काम 10:9 ပူးပေါင်းရင်းမြစ်များ

मत्ती 20:5

थेबाङ काम खित गाल्‍दुक्‍लो। थोकराङ खाईन थेकी बाह्र बजे नाङपा थेमे तीन बजे नाङपाङ होथेङपाराङ गाल्‍गीन खेताला चाल्‍गीन खुलाकीन काम खित ताङदुक्‍लो।

मत्ती 24:17

थेमे खाम्‍बे लाकने कौसीदु देता ओताते मिओन सम्‍पत्ति थेन्‍दाप सिन खाम्‍बे नाङ स्‍यूगीन मेदेता खाला फापे लोङोङ मेङेत्‍कीनकामा छ्योङा फाप्‍क्‍यो।

मत्ती 27:45

थेमे ङीम्‍मु बाह्र बजेमेकी तीन बजेसाक लुङबा खाङ मुन्‍दाक जिङी गाल्‍सुङ।

मत्ती 6:6

प्रार्थना खित्‍जीन ख्‍योकोनगीचेन ज्‍येनगी मोथोङच्‍या खाला च्‍यिकराङ खइँसाला देत्‍ला च्‍याला मि मिगी थोङा मुथुप्‍च्‍येते ख्‍योकोन आबा परमेश्‍वरला प्रार्थना खि। थोक खासीन सुङगीङ मोथोङच्‍या खाईन खाबाते कामोङ थोङकान्‍ते ख्‍योकोन आबा परमेश्‍वरगी ख्‍योकोन प्रार्थना ङेन्‍ला ख्‍योकोनला इनाम तेरग्‍यो।

मर्कूस 1:35

थेमे ङारो च्‍योक्‍ते ङोमुका नुपलाराङ लाकीन येशू च्‍यिकराङ देताप सिन पाङगी नाङपा गाल्‍सुङ। थेमे थेरू परमेश्‍वरला प्रार्थना खिताला स्‍यूसुङ।

मर्कूस 6:46

थोक खाईन गाङेला ताङनामेकी थे खोरोङचेन परमेश्‍वरताङ प्रार्थना खिताला बोमज्‍यीकने गाल्‍सुङ।

शक्ति काम 10:3

ङीमाई ग्‍वासे तीन बजे नाङला परमेश्‍वरगी थेला मिलाम खित ज्‍युताच्‍योक खित च्‍युत्‍सुङ। च्‍यि सासीन थेकी परमेश्‍वर दूतज्‍यीकला थे खोरोङ दोन्‍दु वाबाते लेमु खाईन थोङसुङ। थे दूतकी थेला “कर्नेलियस,” सिन काताङसुङ।

शक्ति काम 6:4

ङ्योकोन ङेराङचेन खालि प्रार्थना खित्‍च्‍येते थेमे परमेश्‍वर बात लोप्‍च्‍येते कामकामा खिओ,” सिन बात खासुङ।

एफिसी 6:18

दोक दोक खित्‍जीन परमेश्‍वरताङ प्रार्थना खिनराङ देत। परमेश्‍वर आत्‍मे छ्य्‌वापेकी जहिलेङ थेत्ताङ प्रार्थना खिन देत्‍ला खेराङला च्‍यि च्‍यि गोकीका नाङ सि। थोक खाला प्रार्थना खित्‍जीन खेराङ परमेश्‍वरताङ बात खिन ओत सिन छ्या स्‍येबा खि। प्रार्थना खित्‍जीन परमेश्‍वर सन्‍तान गाङे लाईदु प्रार्थना खिताङ नोमुङ मातोङ।

१ तिमोथी 2:8

थेमे ङा च्‍यि सिते सासीन येशू ख्रीष्‍ट मिओन जम्‍मा ओङजीन गाङेपा ख्‍योओ मिओनगी प्रार्थना खिता फाप्‍क्‍यो। प्रार्थना खिताला लाक्‍पा लोङजीन थेबा मेलेबा काम खिता ताङगीन सिन्‍दाते मि ओङा फाप्‍क्‍यो। थेबेकी सुङताङ स्‍येदाङ खुरा मेङगो। थेमे थेबा थोम्‍मु जीङगा खिता छोल्‍कान्‍ते मि ओङा मेङगो।