शक्ति काम 10:40 - जिरेल

⁴⁰ थेबेकी थोक खासीनोङ परमेश्‍वरगी थेला ङीमा सुमगी छोमु स्‍यिसादुकी सोम्‍बो लोक्‍सुङ। सोम्‍बो लोक्‍नामेई येशूकी ङ्योकोनताङ ठेता खाबा ओतान।

शक्ति काम 10:40 ပူးပေါင်းရင်းမြစ်များ

यूहन्‍ना 14:22

थेरू यहूदा इस्‍करियोत मेनगी ज्‍येनज्‍यीगोङ यहूदा सिराज्‍यीक चेला ओतान। थेकी “प्रभु, खोरोङ चुक छ्ये ईन्‍दे सिन खो च्‍यिला दि सा लुङबे मिओनला मेन, ङ्योकोनलाकामा छ्या स्‍ये ज्‍युत्‍कीते?” सिन सासुङ।

शक्ति काम 17:31

च्‍यिला सासीन थेकी ङीमा लेनज्‍यीक सुङलाङ काका पाका मिक्‍किता खाला मि गाङेते न्‍याय खिओ। थे छोमु सु सुला चुक चुक खिता फाप्‍कीका सिरच्‍येते टुङ्गोचेन थेकी छाने खाबाते मिज्‍यीगी खिओ। थे मि थे खोरोङगीराङ छाने खाबाते ईन सिन मिओनगी छ्या स्‍येस्‍यीत सिन थेकी थेला स्‍यिसादुकी सोम्‍बो लोक्‍पा ओत,” सिन बात खासुङ।

शक्ति काम 2:24

ख्‍योकोनगी थोक खाबा ईन्‍सीनोङ परमेश्‍वरगीचेन थेला कालगी खादुकी टाल्‍गीन स्‍यिसादुकी सोम्‍बो लोक्‍सुङ। च्‍यिला सासीन थेनी स्‍यिच्‍येते कालला ग्‍याल्‍ला सोम्‍बो लोक्‍पाराङ फाप्‍च्‍या ओतान।

शक्ति काम 2:32

दाऊदकी गोमाका साबा ओता च्‍योकराङ खाईन परमेश्‍वरगी येशूला स्‍यिसादुकी सोम्‍बो लोक्‍सुङ। थे सोम्‍बो लोक्‍नामेई थेला ङ्योकोन गाङेकी ङेराङ मिगीराङ थोङाते ईन।

रोमी 1:4

थेमे स्‍यिसादुकी सोम्‍बो लोक्‍पा ओतेकी थे पक्‍काराङ परमेश्‍वर फुज्‍युङ ईन, थेत्ताङ छ्येज्‍यीक शक्ति ओत सिन परमेश्‍वर आत्‍मेकी गाङेला छ्या स्‍ये च्‍युता ओत। ङुरूङगी प्रभु सिरच्‍येते येशू ख्रीष्‍ट होथेराङ ईन।

रोमी 14:9

थोरूमसाक सोम्‍बोराङ ओतातेबा ईन्‍स्‍यीत, गोमाका स्‍यिइन सिन्‍दातेबा ईन्‍स्‍यीत मि गाङेला राज्‍य खित्‍कान्‍ते प्रभु येशू ख्रीष्‍टराङ ईन। दोक खाला गाङेला राज्‍य खित्‍कान्‍ते ओङालाराङ थे स्‍यिइन च्‍याकीन सोम्‍बो लोक्‍पाते ईन।

रोमी 8:11

परमेश्‍वर थे खोरोङ आत्‍मा ख्‍योकोन सेमदु ओतेकी येशू ख्रीष्‍टला स्‍यिसादुकी सोम्‍बो लोक्‍कान्‍ते परमेश्‍वरगीराङ था स्‍यिनामेई रूल्‍ला डोच्‍येते ख्‍योकोन जीउ खुदुक जोला सोम्‍बो लोइओ। दोकचेन थेकी ख्‍योकोन सेमदु ओताते थे खोरोङ आत्‍मे छ्य्‌वापेई खिओ।

२ कोरिन्‍थी 4:14

च्‍यिला सासीन प्रभु येशूला स्‍यिसादुकी सोम्‍बो लोक्‍कान्‍ते परमेश्‍वरगी थेला च्‍योकराङ खाला ङ्योकोनलाङ सोम्‍बो लोक्‍ला ख्‍योकोनताङराङ थे दोन्‍दु देत ज्‍युत्‍क्‍यो सिन ङ्योकोनला लेमु खाला छ्या ओत।

हिब्रू 13:20

परमेश्‍वरगी खाबाते नोमुङ खुदुक मोन्‍डोच्‍येते जमान येशूकी थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु पूरो खाबा ओत। येशूचेन लुक लेमु खाला ताकान्‍ते छ्येते लुई गोठाला च्‍योक्‍ते ईन। मि सेम ढुक्‍क लोङकान्‍ते परमेश्‍वरगी ङुरूङ प्रभु येशूला स्‍यिसादुकी सोम्‍बो लोक्‍पा ओत।

१ पत्रुस 1:21

थेकी खित्‍सादुराङ ख्‍योकोनगी परमेश्‍वरला विश्‍वास खित्‍च्‍येते थेमे परमेश्‍वरगी तेरग्‍यो सिन साबातेबा ङेत्‍क्‍यो सिन आश खिन देत्‍च्‍येते ईन। परमेश्‍वरगी थेला स्‍यिसादुकीङ सोम्‍बो लोगीन छ्येज्‍यीक मान बिन्‍दा ओत।