शक्ति काम 10:39 - जिरेल

³⁹ थेकी यरूशलेमदु थेमे यहूदीओन देताते लुङबा गाङेपा थोक खाईन खाबाते कामओन गोमा थेत्ताङ ख्‍याम्‍कान्‍ते ङ्योकोन ङेराङ मिगीराङ थोङाते ईन। यहूदीओनगी तिरी थेला लाक्‍पा काम्‍बाला काँटी ग्‍याप्‍कीन स्‍यिङगी थामला टाँए खाईन सेता ओतान।

शक्ति काम 10:39 ပူးပေါင်းရင်းမြစ်များ

लूका 1:2

थेबेकी टिबाते बातचेन नाम चुक ओङाते ईन्‍दे, चुक्‍ते ईन्‍दे सिन शुरूमेई थोङकान्‍तेताङ थोकान्‍ते मिओनगी साबाते बात ईन। खोपरोङगी थोङातेताङ थोबाते बातओन थेबेकी ङुरूङलाङ लाप्‍कीन बिन्‍दा ओत। थे मिओनचेन होदि बातओन लोपालाराङ खटे खाबाते ईन।

लूका 24:48

ङा स्‍याप्‍तेताङ सोम्‍बो लोक्‍पाते गाङे ख्‍योकोनगी थोङा ओत। थोगी ख्‍योकोनगीराङ गाल्‍ला दि बातओन ज्‍येनला लोप।

यूहन्‍ना 15:27

शुरूमेकीराङ ख्‍योकोन ङात्ताङ द्वामा देत्‍कीन ख्‍याम्‍गीन खाबाते मि ईन्‍देकी ख्‍योकोनगीङ ङा सु ईन्‍दे, ङे च्‍यि खिते सिन ज्‍येनला लोप्‍क्‍यो।

शक्ति काम 1:8

दि बातचेन ङेन। च्‍यि सासीन था ख्‍योकोनगी परमेश्‍वर आत्‍मा ङेत्‍क्‍यो। थे ङेत्‍नामेकी ख्‍योकोनगी शक्ति ङेत्‍क्‍यो। थेमे थरिङसाक खेराङ मिगी थोङातेताङ नामज्‍योककी थोबाते ङे बाततेबा गाङे ख्‍योकोनगी यरूशलेमदु, यहूदियाताङ सामरिये अञ्‍चल खाङ थेमे सा लुङबा खाङगी मि नाङ लोपाला डुइओ,” सिन सिदुक।

शक्ति काम 10:41

ईन्‍दानी यहूदी गाङेताङचेन थेकी ठेता माक्‍यासुङ। ङेराङगी थोङातेताङ थोबाते बात ज्‍येनला लोपाला परमेश्‍वरगी गोमा खटे खाबातेबा ङ्योकोनगीकामा थेला थोङा ङेत्‍सुङ। थे सोम्‍बो लोक्‍नामेई ङ्योकोनगी थेत्ताङ ङ्योम्‍बुराङ साप थुङाङ खाबाते ईन।

शक्ति काम 13:31

थोक खाईन सोम्‍बो लोक्‍नामेकी थेकी गोमा गालील अञ्‍चलदुकी थे खोरोङताङ ङ्योम्‍बुराङ यरूशलेमपा गालाते मिओनताङ याङ याङ ठेता खासुङ। थेमे खोपरोङगी थोङातेताङ थोबाते येशू बात गाङे थरिङोला इस्राएलीओनला लोप्‍कान्‍ते मिओन होथेबाराङ ईन।

शक्ति काम 2:32

दाऊदकी गोमाका साबा ओता च्‍योकराङ खाईन परमेश्‍वरगी येशूला स्‍यिसादुकी सोम्‍बो लोक्‍सुङ। थे सोम्‍बो लोक्‍नामेई थेला ङ्योकोन गाङेकी ङेराङ मिगीराङ थोङाते ईन।

शक्ति काम 4:10

लो थोक ईन्‍सीन ङ्योकोनगी नासरतपे येशू ख्रीष्‍ट मिन लाकीन दि मि ख्‍याम्‍बा थुप्‍स्‍यीत सानामेई थेकीराङ दिला ख्‍याम्‍बा थुप्‍च्‍या जोबाते ईन। दि बात था ख्‍योकोनगीकामा मेन, इस्राएली गाङेकी छ्या स्‍येबा खि। थोक खित्‍कान्‍ते येशू ख्रीष्‍टला ख्‍योकोनगीचेन स्‍यिङगी थामला टाँए खाईन सेत च्‍युत्‍सुङ। ख्‍योकोनगी थोक खासीनोङ परमेश्‍वरगी थेला स्‍यिसादुकी सोम्‍बो लोक च्‍युता ओत।

शक्ति काम 7:52

परमेश्‍वर बात खित्‍कान्‍तेबे नाङ खाङलाचेन ख्‍योकोन ज्‍युज्‍यु पुर्खेकी मेलेबा खाबा मेतानेरो? थेबेकीनी परमेश्‍वरगी खि साबा च्‍योककामा खित्‍कान्‍ते तिरी दुरू ओङगो सिन परमेश्‍वर बात खित्‍कान्‍तेबा गाङेला खेदा खाईन सेता ओतान। थेमे तिरी थेबेकी ओङगो साबाते वानामेकी ख्‍योकोनगीचेन थे परमेश्‍वरगी तोङगो साबाते ईनराङ मेन सिन दुक्‍पा बिन्‍गीन सेत्‍सुङ।

गलाती 3:13

तर ख्रीष्‍टकीचेन परमेश्‍वर नियमला तोके खाबाते परमेश्‍वरगी ङुरूङला सराप बिन्‍ला तेरच्‍येते सजाय थे खोरोङगीराङ भोगे खाईन स्‍यिइन ङुरूङला थे सजायदुकी टाल्‍सुङ। दोक खाईन ङुरूङ साटोला परमेश्‍वरगी थेला सराप बिन्‍गीन सजाय बिन्‍दाते ईन सिन परमेश्‍वर बातला “स्‍यिङगी थामला टाँए खाबाते मिचेन परमेश्‍वर सराप लै खाईन सजाय ङेत्‍कीन स्‍याप्‍ते ईन,” सिन टिबा ओत।

१ पत्रुस 2:24

ङुरूङ पापदुकी ठाल्‍ला परमेश्‍वरगी खि साबा साबाच्‍योक खित्‍कान ओङस्‍यीत सिन थे ङुरूङ पापकी सजाय भोगे खाईन स्‍यिङगी थामला टाँए खाईन स्‍यिसुङ। थेकी थोक खाईन दुक्‍पा भोगे खाबेकी खित्‍सादु था ख्‍योकोनगी पापकी सजाय भोगे खिता माफाबो।