शक्ति काम 10:37 - जिरेल

³⁷ थोकराङ खाला यूहन्‍नेकी परमेश्‍वर छ्य्‌वापा लै खि सिन मिओनला छ्युला लुक्‍ला बप्‍तिस्‍मा तेरच्‍येते काम खाईन सिन्‍नामेकी गालील अञ्‍चलदुकी शुरू ओङगीन यहूदीओन देत्‍च्‍येते ठाउँ ठाउँला ओङाते अचम्‍बते कामताङ बाततेबा ख्‍योकोनला छ्याराङ ओत।

शक्ति काम 10:37 ပူးပေါင်းရင်းမြစ်များ

मत्ती 2:1

येशू यहूदिये अञ्‍चलते बेथलेहेम सिरसादु केबा ओतान। थेजीन थे अञ्‍चलदु हेरोद गेल्‍बो राज्‍य खिन ओतान। येशू केनामेकी टिक्‍पी तिरी च्‍यि ओङसुङा सासीन पूर्वे छ्य्‌वापे लुङबे नाङपेई कोई कोई ज्‍योतिषी यहूदिये अञ्‍चल यरूशलेम सारदु लेप्‍सुङ।

मत्ती 3:6

थेमे थेबाबरीकी ङ्योकोनगी दोक दोक पाप खाबाप, थोक खाबाते लेमु मेन्‍दाक्‍वा सिन सानामेई यूहन्‍नेकी थेबाला यर्दन चाङबोदुराङ छ्युला लुगीन बप्‍तिस्‍मा बिन्‍सुङ।

लूका 23:5

थेकी येशूकी छ्याःङ गल्‍ती खाबा माथोङसुङ सिन सिरजीन थेबेकी “च्‍यिला मेन्‍दे? दिकीनी ङ्योकोन जातकी मि गाङेला दि खोरोङ बात लाप्‍कीन उल्‍के खाईन सिन्‍सुङ। गालील अञ्‍चलदुकी दि खोरोङ बात लोपाला शुरू खाईन यहूदिये अञ्‍चल खाङ युगीन दि दिस्‍साक ख्‍योल्‍गीन सिन्‍सुङ,” सिनकामा छेरा खिताला स्‍यूसुङ।

लूका 4:14

थेमे येशू गालील अञ्‍चलपा ग्‍युरगीन गाल्‍सुङ। परमेश्‍वर आत्‍मे शक्ति थेत्ताङ ओतान। येशूताङ छ्येज्‍यीक शक्ति ओताते बात मिओनगी थाहा ङेत्‍कीन फार छुर गाङेपा थे बातकामा खिन ओतान।

शक्ति काम 10:36

बात चुक सासीन गाङेपा गाङेला राज्‍य खित्‍कान्‍ते येशू ख्रीष्‍टकी खाबाते कामगी खित्‍सादु परमेश्‍वरगी मिओनला थे खोरोङताङ डिक ज्‍युत्‍क्‍यो सिरच्‍येते बात ङ्योकोन इस्राएलीओनला छ्या स्‍ये च्‍युत्‍कीन बिन्‍दा ओत। दि बात ङ्योकोनगी ख्‍योकोनला सिरा माफाप्‍तासीन।

शक्ति काम 10:38

चुक सासीन परमेश्‍वरगी नासरतपे येशूला खटे खाईन परमेश्‍वर आत्‍मा थेमे छ्येज्‍यीक शक्ति बिन्‍दा ओतान। परमेश्‍वर थेत्ताङ ङ्योम्‍बु ओतेकी थेचेन शैतानगी दुक्‍पा बिन्‍गीन ल्‍हन्‍डीक स्‍यिन्‍डीप खोबाते थेमे नाबाते मि गाङेला ठाक्‍पा खिन गाङेपा गाङेला लेमु खिन युगीन ओतान।

शक्ति काम 2:22

इस्राएलीवे, था दि बाततेबाङ ङेन। नासरतपे येशूकी ङुरूङ मिगी दोन्‍दुराङ छ्ये छ्येताङ अचम्‍बतेन्‍दे काम खाईन तेन्‍दा ओतान। थेचेन थे खोरोङगी छाने खाईन ताङाते मि दुका सिन ख्‍योकोनगी छ्या स्‍येस्‍यीत सिनराङ परमेश्‍वरगी थेला छ्येज्‍यीक शक्ति बिन्‍गीन थोक अचम्‍बते काम खित च्‍युता ओतान। येशूकी च्‍यि च्‍यि खाबा ओताने, चुक चुक खाबा ओताने सिन ख्‍योकोनगीङ खेराङ मिगीराङ थोङा ओतान।

शक्ति काम 26:26

ङे च्‍यि च्‍यि बात खासुङा सिन गेल्‍बो अग्रिपाला गाङे लेमु खाला छ्या ओत। थोगी गेल्‍बोकी मोखोता सिन छ्याःङ ज्‍यीबा मिक्‍किता खाला ङा दि गाङे बात खिन ओत। दि बाततेबा गाङे मि मिगी दोन्‍दुराङ ओङाते बात ईन्‍देकी गेल्‍बोला छ्या मेताते बात मेन,” सिन साकीन

शक्ति काम 28:22

खो थे नासरत पाटी मि ईन्‍देकी थे पाटी चुक्‍ते ईन्‍दे सिन ङ्योकोनला लेमु खाला लाप्‍ला नाङ। च्‍यिला सासीन जुन ठाउँकी मिकीङ थे पाटी मेलेबा ईन सिन खिदुक,” सिन सिदुक।