शक्ति काम 10:31 - जिरेल

³¹ थेकी वाकीन ङाला ‘कर्नेलियस, खुई परमेश्‍वरला प्रार्थना खिन ओताते थेमे दुक्‍पा ङेतातेबाला ताबाते बात गाङे परमेश्‍वरगी छ्या स्‍येबा ओत।

शक्ति काम 10:31 ပူးပေါင်းရင်းမြစ်များ

लूका 1:13

थेमे थे दूतकी थेला “जकरिया, खो ज्‍यीबा माकेत। खुई सन्‍तान ओङ च्‍युत्‍ला नाङ सिन खाबाते प्रार्थना परमेश्‍वरगी थोबा ओत। था खुई फेम्‍मेकी फुज्‍युङज्‍यीक केइओ। खुई थे फिजे मिन यूहन्‍ना सिन स्‍योक।

शक्ति काम 10:30

थेकी थोक सानामेकी कर्नेलियसकी “हजूर, ङीमा स्‍यी गोमा होथामजोबा ग्‍वासे तीन बजे प्रार्थना खिते बेलाला ङा खाम्‍बादुराङ परमेश्‍वरला प्रार्थना खिन ओतान। प्रार्थना खिन खिनला ङे आउदी कार्मुज्‍यीक खोलाक खोन्‍दाई मिज्‍यीकला ङाराङ दोन्‍दु ओङा थोङसुङ।

शक्ति काम 10:32

था योप्‍पादु ओताते शिमोन सिराते मिला कातोङ थोङ। थेला मिओनगी पत्रुस सिनोङ सिओ। थेचेन समुन्‍द्रे छेउदु शिमोन सिराते सर्की खाम्‍बादु डोम्‍बो ओङगीन देता ओत,’ सिन सिदुक।

शक्ति काम 10:4

परमेश्‍वर दूतकी कातोङजीन ज्‍यीबेकी थुरथुर गाल्‍गीन थेला ऊरीकामा ताकीन देत्‍कीन थेकी “च्‍यि साबे प्रभु,” सिदुक। थेमे थे दूतकी थेला “खुई प्रार्थना खाबाते थेमे दुक्‍पा ङेताते मिओनला दुक्‍पाला ताबाते परमेश्‍वरगी थोङगीन खोल्‍ला मन परे खाबा ओत।

फिलिप्‍पी 4:18

ख्‍योकोनगी इपाफ्रोडिटस लाःक्‍तु ताङाते पैसा ङे गाङे ङेत्‍सुङ। था ङे लाःक्‍तु ङाराङला गोबा भन्‍दाङ ल्‍हाक्‍पा पैसा ओत। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्‍योकोनगी ङाला ताङाते पैसाङ परमेश्‍वरला स्‍यीम्‍बु लाङच्‍येते होथे ठीमा च्‍योक्‍तेराङ ईन।

हिब्रू 6:10

ख्‍योकोनगी परमेश्‍वरला थोई ङिङज्‍ये खिते सिन परमेश्‍वर सन्‍तान ज्‍येनतेबाला ङिङज्‍ये खाईन लेमु खाबाते थेमे थोरूमोङ थोकराङ खिन ओताते बातकी छ्य्‌वापेई लेमु खाला छ्या स्‍येबा थुप्‍कीदुक। ख्‍योकोनगी थोक खाबाते परमेश्‍वरला गाङे छ्या ओत। थेकी दि बात थाराङ टोक मेज्‍येदो।

छ्या स्‍ये च्‍युताते बात 5:8

थेकी थे किताब लानामेई थे ङेपाक ओताते थरी स्‍यीकारताङ थे मेरा खालज्‍यीकताङ स्‍यीबो छ्ये छ्येतेबा गाङेकी थेला गुर्बु खाईन से खासुङ। थेबा गाङे लाःक्‍तु वीणा सिराते बाजा रेरेताङ धूपकी खाङाते सेरगी कचौरा रेरे ओतान। थे धूपचेन परमेश्‍वर सन्‍तानओनगी परमेश्‍वरला खाबाते प्रार्थना ओतान।