शक्ति काम 10:19 - जिरेल

¹⁹ थेतेसाकोङ पत्रुसचेन परमेश्‍वरगी मिलाम खित ज्‍युताच्‍योक खाईन थे खोरोङला तेन्‍गीन बिन्‍दाते बातराङ विचार खिन ओतान। थेमे परमेश्‍वर आत्‍मेकी थेला “पत्रुस, खो खोक लाला मिमा ग्‍युक। खोल्‍ला लिन्‍दाला थेमा मेन्‍दा सुम मि वाला दुक।

शक्ति काम 10:19 ပူးပေါင်းရင်းမြစ်များ

यूहन्‍ना 16:13

दोक ईन्‍सीनोङ ख्‍योकोनला सल्‍लाह तेरकान्‍ते परमेश्‍वर आत्‍मा दुरू वानामेकी थेकीराङ ख्‍योकोनला सत्‍यते बात गाङे खो ज्‍युत्‍क्‍यो। थेकी खित्‍च्‍येते बात थे खोरोङगी जोला खित्‍च्‍येते मेन। थेकीनी थे खोरोङगी थोबाते बातकामा खिओ। थेमे था थोरूमोङ च्‍यि च्‍यि ओङगीते सिन लाप्‍ला तेरग्‍यो।

शक्ति काम 10:18

थेमे थेबेकी थे खाम्‍बे मिला काताङगीन च्‍याकीन “दुरू शिमोन सिराते मि ओताना मेते? थेला मिओनगी पत्रुस सिनोङ सिओ,” सिन ठिसुङ।

शक्ति काम 10:3

ङीमाई ग्‍वासे तीन बजे नाङला परमेश्‍वरगी थेला मिलाम खित ज्‍युताच्‍योक खित च्‍युत्‍सुङ। च्‍यि सासीन थेकी परमेश्‍वर दूतज्‍यीकला थे खोरोङ दोन्‍दु वाबाते लेमु खाईन थोङसुङ। थे दूतकी थेला “कर्नेलियस,” सिन काताङसुङ।

शक्ति काम 11:12

थेमे परमेश्‍वर आत्‍मेकी ङाला ‘दिबाताङ चुक खाला ड्वाबे सिराच्‍योक खाला अप्‍ठेरो माने मिक्‍किता खाला खो खोल्‍ला लिन वाबाते मिओनताङ ग्‍युक,’ सिन सिदुक। थेमे ङा थेबाताङ सिजरियापा गालाप। दुरू ङात्ताङ ओताते दि आज्‍यो न्‍वाबा मेरा ठुगोङ ङात्ताङ ङ्योम्‍बुराङ थेपा गाला ओतान। ङ्योकोन गाङेराङ थे मिल्‍टेरी क्‍याप्‍टेन खाम्‍बे नाङ स्‍यूबाप।

शक्ति काम 13:2

थेमे बाजिई थेबाबरी बर्त देत्‍ला प्रभु परमेश्‍वरते जय जय खिन प्रार्थना खिन ओतान। थोक खिते बेलाला परमेश्‍वर आत्‍मेकी थेबाला “ङे बारनाबासताङ शावलला कामज्‍यीक खिताला छाने खाबा ओत। थोगी था ख्‍योकोनगी दिबा ङिबोला थे कामराङ खिताला थोङ,” सिन छ्या स्‍ये च्‍युत्‍सुङ।

शक्ति काम 15:7

काल्‍बासाक छलफल खानामेकी थेरू पत्रुसकी गाङे दोन्‍दु लाकीन “आज्‍यो न्‍वावे, ङे ज्‍येन ज्‍येन जातकी मिला गा लाङच्‍येते बात लोप्‍स्‍यीत थेमे थे बात थोला थेबेकी येशूला विश्‍वास खित्‍स्‍यीत सिनराङ परमेश्‍वरगी गोमा ङाला ख्‍योकोन नाङदुकी छाने खाबा ओतान। दि बातनी ख्‍योकोनला छ्याराङ ओत।

शक्ति काम 21:4

ङ्योकोनोङ थेरूराङ फाप्‍कीन थेरू येशू चेलाओनला ठेताला गालाप। थेमे हप्‍ताईसाक थेबाताङराङ देताप। थेजीन थेबेकी परमेश्‍वर आत्‍मे छ्य्‌वापेकी पावलला यरूशलेमपा मान्‍डो सिन बिन्‍ती खासुङ।

शक्ति काम 8:29

थेमे परमेश्‍वर आत्‍मेकी फिलिपला “लो खो थे बग्‍गी खादु गाल्‍ला थेत्ताङराङ ख्‍योम,” सिन कोत्‍सुङ।

१ कोरिन्‍थी 12:11

मिओनला होदि गाङे काम खित ज्‍युत्‍कान्‍ते परमेश्‍वर आत्‍माचेन दोक्‍पोईराङ ईन। सु सुला च्‍यि खित्‍च्‍येते सीपताङ शक्ति तेरच्‍ये सिन छ्या स्‍येला थेकी मि दाक्‍पोन दाक्‍पोनला होथोक खुदुक खुदुक काम खित्‍च्‍येते सीपताङ शक्ति तेरग्‍यो।

१ तिमोथी 4:1

थेमे था तिरी कोई कोई मिकी मिला छक्‍के खिताला ल्‍हन्‍डीक स्‍यिन्‍डीपकी जोबाते मेन्‍दा मेन्‍दे बात ङेन्‍ला खोपरोङगी येशू ख्रीष्‍टला विश्‍वास खित्‍जीन ङेन्‍दाते बात ङेन्‍दा तोङगो। दोक खिओ सिन परमेश्‍वर आत्‍मेकी लेमु खाईन साबा ओत।