शक्ति काम 10:15 - जिरेल15 थेकी याङराङ “परमेश्वरगी सा ओङगो सानामेकी था खो चुक खाला साच्ये सिन मासेर,” सिन सिरा थोसुङ। အခန်းကိုကြည့်ပါ။ |
शक्ति काम 10:15
17 ပူးပေါင်းရင်းမြစ်များ
थेमे थेकी थेबाबरीला “ङ्योकोन यहूदीओन ज्येन जातकी मित्ताङ दोक खाला साङ खिता मेङगो। थेमे थेबे खाम्बादु गाल्ला थेबाताङ सा मेङगो। दोक खासीन ङ्योकोनगी परमेश्वर नियमताङ मिडिक्च्येते काम खाबाते ईन सिरच्येते बात ख्योकोनला छ्याराङ ओत। दोक ईन्सीनोङ ङाला परमेश्वर थे खोरोङगीराङ था ख्योकोन च्योक्ते ज्येन ज्येन जातकी मिलाङ सुङलाङ सानु जाति ईन सिरा मेङगो सिन छ्या स्ये च्युत्सुङ।
थे बातओन च्यि ईन्दे सासीन ख्योकोनगी ल्हाला पूजा खाबाते छ्याःङ मासा, ठागोङ मासा। ठाक मेदेन्दा खाईन सेताते छ्याःङगीतेङ स्या मासा। थेमे रन्डीबाजी थेमे होदि च्योक्ते खिता मेङच्येते काम माकेत। ङ्योकोनगी माकेत साबाते दि कामओन ख्योकोनगी माक्यासीन लेमु ओङगो। लो ख्योकोन गाङेला साबा च्योक ओङस्यीत,” सिन टिबा ओतान।
प्रभु येशूताङ जीउज्यीकराङ ओङाते मि ईन्देकी दि बात ङे लेमु खाईन छ्या स्येबा ओत। च्यि सासीन स्या ईन्सीनोङ ज्येनतोक ईन्सीनोङ सा मेङच्येते सिराते छ्याःङ ओतराङ मेत। मिकी जे सोसीनोङ पा फोक्च्येते मेन। दोक ईन्सीनोङ सुइँदाला दिनी सा मेङगो, दि सोसुङ सासीन पा फोइओ सिराच्योक लाङगीन लाङगीन थोक्ते साप सोसुङ सासीन थेबालाचेन दाक पा फोइओ।
साच्या थुङच्ये बातला माडिक्ला परमेश्वरगी खेराङ नाङ खाबाते काम ङ्ये माज्युत। ईन्दाका ङे आनाङका साबा च्योकराङ जे सोसीनोङ मिला पा फोक्च्येते मेन। ईन्सीनोङ ख्योकोनगी खइँदा सोबा थुबेकी खित्सादु ज्येनगीङ खोपरोङगी मास्साओ मुथुङो सिन साबाते सेइदुक थुङगीदुक सासीन ख्योकोनगी थोक खाईन सोबा थुबाते लेमु मेन।
सेमला मेलेबा मेताते मिओन लाईदु दि सा मेङगो, दि खिता मेङगो सिरच्येते रीतिथिति छ्याःङ मेन। थोक्ते मिओनगी होदोक्ते रीतिथिति माने माक्यासीनोङ पा मोफोगो। येशूला विश्वास मिक्किकान, सेमला पाप ओताते मिओनगीचेन दि सोसीन, दोक खासीन पा फोइओ सिरच्येते ईन्देकी थोक्ते मिओन लाईदु जेसुकै मेलेबाराङ ओङगो। खोपरोङ सेम लेमु मेतेकी खिता मेङच्येते काम खासीनोङ थेबाला छ्याःङ मेलेबा खाबाच्योक मालाङो।
ကြော်ငြာတွေ