३ यूहन्‍ना 1:6 - जिरेल

⁶ होथे आज्‍यो न्‍वाओनगी दुरू वाकीन खुई थेबाला थोई लेमु खासुङा सिन येशू ख्रीष्‍ट मिओन दोन्‍दु गाङे लाःप्‍सुङ। था थेबा ज्‍येन ठाउँला डोजीनोङ खुई थेबाला गोच्‍येते बिन्‍ला होथोकराङ लेमु खाईन ताङसीन लेमु ओङगो। थोक खाबाते परमेश्‍वर दोन्‍दु खिता डिक्‍च्‍येते काम ईन।

३ यूहन्‍ना 1:6 ပူးပေါင်းရင်းမြစ်များ

शक्ति काम 15:29

थे बातओन च्‍यि ईन्‍दे सासीन ख्‍योकोनगी ल्‍हाला पूजा खाबाते छ्याःङ मासा, ठागोङ मासा। ठाक मेदेन्‍दा खाईन सेताते छ्याःङगीतेङ स्‍या मासा। थेमे रन्‍डीबाजी थेमे होदि च्‍योक्‍ते खिता मेङच्‍येते काम माकेत। ङ्योकोनगी माकेत साबाते दि कामओन ख्‍योकोनगी माक्‍यासीन लेमु ओङगो। लो ख्‍योकोन गाङेला साबा च्‍योक ओङस्‍यीत,” सिन टिबा ओतान।

शक्ति काम 15:3

सल्‍लाह खानामेकी थेबेकी पावलताङ बारनाबास थेमे खोपरोङ नाङदुई कोई कोईला यरूशलेमपा ताङसुङ। थेपा डोजीन थेबेकी फोनिसियाताङ सामरिये नाङला ओताते आज्‍यो न्‍वाओनला ज्‍येन ज्‍येन जातकी मिङ चुक खाईन प्रभु येशू छ्य्‌वापा लै खासुङा सिरच्‍येते गाङे बात लाःप्‍कीन गाल्‍सुङ। थे बात थोजीन थेबाङ आउदी खाईन गा खासुङ।

शक्ति काम 21:5

ईन्‍सीनोङ थेरूकी ख्‍याम्‍बे बेला लेप्‍नामेकी ङ्योकोन सारदुई थेन्‍गीन पानीजहाजला जेक्‍पाला समुन्‍द्रे खानामा गालाप। थेरूई डोजीन थेबा गाङेराङ खोपरोङ फेम्‍मे फिजातेबालाङ टीकीन थेस्‍साक ङ्योकोनला केल लिच्‍युङ। ङ्योकोन गाङेकी थेबाताङराङ थेरू खोबुकला देत्‍कीन परमेश्‍वरला प्रार्थना खाबाप।

रोमी 15:24

था ङा स्‍पेन लुङबापा डोजीनराङ ख्‍योकोनला ठेता खित ओङामीन। टिक्‍पी दिन ख्‍योकोनताङ ङ्योम्‍बुराङ देत्‍नामेई ङाला लेमु ओङगो। थेमे थेरूकी ङाला स्‍पेनपा ड्वाप्‍ला ख्‍योकोनगी मद्धत खिता थुप्‍क्‍यो।

२ कोरिन्‍थी 1:16

ङेचेन म्‍यासिडोनियापा डोजीनोङ थेपेकी ग्‍युरजीनोङ ख्‍योकोनला ठेता खिता फाबोङ। थेमे म्‍यासिडोनियापेकी ग्‍युरगीन ख्‍योकोन ओत्‍सादु वानामेई ख्‍योकोनगी ङाला यहूदियापा ड्वाप्‍ला गोच्‍येते खर्च तेरा थुप्‍क्‍यो सिन विचार खाबा ओतान।

फिलिप्‍पी 4:14

बात दोक ईन्‍सीनोङ ख्‍योकोनगी ङाला गोबे बेलाला पैसा ताङगीन आउदी लेमु खासुङ।

कलस्‍सी 1:10

प्रभु येशू मिकी चुक खिता फाप्‍कीते सिन छ्या स्‍येला ख्‍योकोनगी थोकराङ खित्‍स्‍यीत, काम बात जे खासीनोङ थेला मन परे मिक्‍किच्‍येते सिराते छ्याःङ मिक्‍किस्‍यीत बरू झन झन लेमुते कामकामा खित्‍स्‍यीत थेमे परमेश्‍वर सु ईन्‍दे, चुक्‍ते ईन्‍दे सिन झन लेमु खाला छ्या स्‍येस्‍यीत सिन ङ्योकोन दोक खाला प्रार्थना खिओ।

१ थिस्‍सलोनिकी 2:12

थेमे परमेश्‍वर मिओनगी चुक चुक खिता फाप्‍कीते सिन लाप्‍कीन थोक खिन देत सिन लोप्‍कीन देताप। ख्‍योकोन थे खोरोङ राज्‍यदु देता ङेत्‍स्‍यीत थेमे थे खोरोङ चुक छ्ये ईन्‍दाका सिन लेमु खाला छ्या स्‍येस्‍यीत सिन थे खोरोङ दोन्‍दु स्‍योक सिन कातोङकान्‍ते परमेश्‍वरराङ ईन।

तीतस 3:13

थेमे नियम बात लेमु खाला स्‍येकान्‍ते जेनास थेमे अपोल्‍लोसला थेपेई ख्‍याम्‍जीन लामला छ्याःङ दुक्‍पा मेङस्‍यीत सिन थेबाला गोच्‍येते जेसुकै दाङच्‍या दुकाना मिन्‍दुका सिन लेमु खाला ताला थोङ।

१ पत्रुस 2:20

तर खेराङगी काम ङ्ये च्‍युतेकी खित्‍सादु दुताक ङेत्‍जीन खानामा ऊ मनेराङ मेदेन्‍दा खाईन देत्‍सीनोङ दि च्‍यि अचम्‍बे बात ईन्‍देरो। थोक मेन्‍गीन दाक्‍पोन काम लेमु खिन खिन थाराङराङ दुताक ङेत्‍जीन छ्याःङ मिसिरा खाईन देत्‍सुङ सासीन परमेश्‍वरगी ख्‍योकोनगी लेमु खासुङ सिन सिओ।

३ यूहन्‍ना 1:12

डेमेत्रियसकीचेन लेमु कामकामा खिदुक सिन मि गाङेकी बात खिदुक। थेकी खाबाते काम ताला थे सत्‍यते बात ङेन्‍ला थेरू खि साबा च्‍योकराङ खित्‍कान्‍ते मि ईन सिन छ्या स्‍येकीदुक। ङ्योकोनोङ थे लेमु मि ईन सिन सिओ। ङ्योकोन मेन्‍दाते बात मिक्‍किओ सिन खोल्‍ला छ्याराङ ओत।